1 Timuti 2:10 - Udél Dwata: Gna Kesfasad ne Lomi Kesfasad

¹⁰ Okóm hol knóón bélê le bè yó kem libun hemtahu ke hol hyu kmò le.

1 Timuti 2:10 Referans Kwoze

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

Deng Hegfan 2:19

“Deng gotu tngónu se yóm gel nmò ye. Tngónu snéen yóm kbong nawa ye do, ne yóm là konol nawa ye ebéléu. Bud tngónu se yóm gel kestóbóng ye, ne yóm khanay ye nawa ye. Bud tngónu snéen yóm deng kbalingen hyu yóm gel nmò ye ni kmoen ni senta yóm gnan.

Kul Nmò 9:36

Bè yóm sotu syudad boluyen Jupa, wen sotu libun boluyen Tabita nô du, libun hemtahu bè Jisas. (Yó boluyen bè Grik Durkas. Yó lanen yóm boluy yó, “uhu.”) Nim libun ni, tey hyu yóm gel nmoen, tódô senflósen gel tmóbóng yó kem dumun wen gónó le élél.

Kem Udél Hlalak Tehe Selumun 31:31

Hol henblatem béléen yóm kdéen deng nmoen abay se tey knóón du ke nadat yóm kdéen tau.

2 Pitér 3:11

Ke lómón ni se yóm angat keglà Dwata du yóm kdéen, eles ye hol temgama sen ni kmoen ni anì là gomong ye lemen. Ke wen belenen yóm gel kmò ye, eles kó ye. Eles ye hol hgulit lemolò ke Dwata

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Kul Nmò 9:39

Ne tahu se, mung kul Pitér. Yóm kkólen bè yó, tódô nwit le bè yóm dfél tofi ta. Gotu le nô bè yó snéen yó kem libun bolu. Tey kkik le, ne tolok le ke Pitér yó kem nes tehe gel tenbé Durkas bélê le yóm hanà tolo kegenen mowil.

Kem Udél Hlalak Tehe Selumun 31:25

Nim libun ni wen kgisen ne tey kadat kem tau du ne laen kô tnafa nawahen e lem hulin kdaw.

1 Timuti 2:9

Ne yó kem libun, kóyóu ke lesek le yóm nes là móngóhen, yóm hol knóón bélê le. Yake béen són bè kbong wek le ne kem ngom le ne bè kem nes mebtes le gónóhen nô nawa le.

1 Timuti 2:11

Yóm libun ke wen gel dnalangen, yake tódô htinof hmungol, mung du yóm keheglaanen.