1 Timuti 2:1 - Udél Dwata: Gna Kesfasad ne Lomi Kesfasad

¹ Duhen yó, ni hol tanay hlolou kóm. Ke gel ye stifun bè simbahan, hol gel hni ye bè Dwata yó kem dumu ye tau, hol hmung ye du yóm kdóyón ye ke Dwata.

1 Timuti 2:1 Referans Kwoze

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Ifisus 5:20

Balù kihu sut bélê tekuy, hol tendo gel dóyón tekuy dé Dwata, yóm Mà tekuy, hlan tekuy bè boluy yóm gónó tekuy mogot Jisas Krays.

2 Timuti 2:24

Yóm tau mò nmò bè yóm gónó tekuy mogot, béen abay mit sgés bè kem dumuhen. Du dé yóm hol ganag nawahen lem blóng kdéen tau, yóm fen hulung tmolok kul, ne hulung hanay nawa lem blóng le.

1 Timuti 2:4

Abay se yó se kun kóyô ke kdéen tau gotu gewà, ne gotu tngón le yóm ktahuhen.

Flipay 1:3

Tey gel kdóyónu ke Dwata bè ket gel kehedemu kuy.

Hibru 6:11

Yó hol hesgalu me kuy, yóm ket kuy na sotu, ke hol henlel ye mò du yóm hyu efet kukol towok ye, anì angat ton ye yóm hendón nefet nawa ye.

Taytus 3:2

Bê le abay sentulón yó kem dumu tau. Bê le abay mit sgés. Yake hfulung le mit swè bè kem dumu le, ne hfulung le hemganag nawa le bè kdéen tau.

Taytus 2:11

Deng hegfan Dwata yóm tey nawahen ebè kdéen tau bè yóm kehewaen tekuy gu lem hatay.

1 Timuti 5:5

Yóm libun bolu tahu laen bang gónón ma, tek són Dwata dé gónón hefet nawan, ne là kóen skó tendo knihen bè Dwata, keten kifu ne keten kdaw.

1 Kurin 15:3

Deng tehe toloku kuy se yóm tulón deng dou dnalang, yóm tulón alì bong muhen bè kdéen, duhen yóm katay Krays lanen mbô yó kem salà tekuy. Ni se yóm tehe hsulat Dwata ekni.

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

1 Tisalunika 3:12

Yó hem gónó tekuy mogot hol temnù du bélê ye yóm kuy kesbong nawa ne yóm nawa ye ebè yó kem dumu tau snéen, lómón se yóm kum kbong nawa kuy.

Sulat Pol Ebè Yó Kem Tau Hemtahu Bè Rom 6:17

Tehe ye ghesek bè yóm óyô ye mò sidek, okóm ni gónóhu hol dmóyón ke Dwata abay se deng hol nô bè nawa ye mimón du yóm ktahuhen lemwót gu bè Dwata.

Sulat Pol Ebè Yó Kem Tau Hemtahu Bè Rom 1:8

Ni tanay monu mò kuy, tey kedóyónu ke Dwata bè yóm kdê ye bè yó, hlanu bè Jisas Krays, abay se deng gefet bè klamangen benwu yóm kuy kehtahu bè Jisas.

Kem Lingón 72:19

Hol bê tekuy lensón yóm kdóyón tekuy du, abay se tey minggel boluyen. Yake gfan bè klamangen benwu yóm tey klinggelen. Dwata he hol dmohò du nim ni!

2 Kurin 8:6

Duhen yó, hógów me Taytus edyó bélê ye, abay se du tehe mbut du ekni, hyu se ke bud henfuhen anì henlós ye yóm tey hyu nmò ye yó.

Ifisus 3:13

Duhen yó, hol bê ye mom kenblat nawa nim fen keglayamu bélê ye ni. Hono bè kuy kehyu se ni kem ni.

Isra 6:10

Yó gónóhu hmò du kuy nim ni anì gbek le demsù du bè yóm Dwata bè longit yó kem dsù hol nóyóen, anì yó homong hni le o bè yóm kul Dwata dalang se yó kem ngau logi anì nuyagen mi.

Jirimaya 29:7

Bè yóm knô ye bè yó bè Babilun, nmò ye yóm gónón menek ke benwu ye ne gónón hyu klowil ye. Hol ye mni bè Dwata bè yóm syudad yó, abay se ke hyu klowil yó kem tau bè Babilun, bud hyu se yóm kuy klowil.”

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.