1 Timuti 1:7 - Udél Dwata: Gna Kesfasad ne Lomi Kesfasad

⁷ Kóyô le ke lu tmolok du yóm tehe hlau Dwata, okóm là kô tngón le du lanen yóm gel tolok le, tódô óyô le gel mon du yóm mon le.

1 Timuti 1:7 Referans Kwoze

Sulat Pol Ebè Yó Kem Tau Hemtahu Bè Rom 1:22

Ofo kul ke hulung le hedem, okóm là. Lu se yó kem tau nungel.

2 Pitér 2:12

Okóm yó kem tau gel tmolok sekban yó, laen kô dù ledem le, hol le mkél bè yó kem ógóf lem bnes, són mu le mò dnulok ne mò hnatay. Senged se yó kem tau monu yó koni, gel hennê le yóm kul là deng tngón du. Elem hatay nefeten yó dum nmò le yó.

1 Timuti 6:4

yó se yóm tau heklabak, laen tngónen. Són skuya mon nô bè nawahen. Senkuya le lan yó kem udél, ne yó gónón wen sélés nawa, ne sfatay, ne sedekà, ne sdelem.

Glasya 3:5

Deng tehe sù Dwata bélê ye yóm Tulusen, ne wen se yó kem hentaw ton gel nmoen lem blóng ye. Bè yóm kmoen du bélê ye ni kem ni, lemwót bè yóm klolò ye du yóm hlau kô? Là kô yó du. Kaem yó dé gónón lemwót bè yóm deng kungol ye du yóm Tulón Hyu ne yóm deng kehtahu ye du.

2 Timuti 3:7

Sónmò le móyô htolok yó kem libun yó, okóm là kô glileb le du yóm ktahuhen.

Glasya 3:2

Tulón ye do kun. Yó kô gónó Dwata bemlay du kuy yóm Tulusen lanen gulit klolò ye du yóm hlau Musis? Là kô yó du. Kaem yó dé gónó Dwata bemlay du kuy yóm Tulusen lemwót bè yóm deng kungol ye du yóm Tulón Hyu ne bè yóm deng kehtahu ye du.

Glasya 4:21

Wen snólóku bélê ye, yu kem tau alì móyô lemolò yóm hlau Musis. Deng hol tngón ye kô yóm nô lemen yóm tô lolò ye yó?

Matyu 15:14

Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

Kul Nmò 15:1

Sotu kdaw bè yó, wen kem Ju lemwót bè prubinsya Judiya na le e tmolok bè yó kem tau hemtahu bè syudad Antyok. Yó sotu gel tolok le, mon le, “Ke là lolò ye du yóm sana hlau Musis bè kehtulì, là kô ye na a gewà gu lem hatay.”

Matyu 21:27

Omin le malà ke Jisas, mon le, “Là kô tngón me du balaen yóm snólókem yó.” Ne bud mon Jisas se, “Ke là tngón ye du balaen yóm dou snólók, là se tulónu du kuy gónón lemwót yóm dou kwalis mò du yóm deng nmou bè ni.”

Kun Snulat Luk 2:46

Bè getluhen kdaw, ton le lem Gónô Dwata, myón lem blóng yó kem tau gel tmolok hlau. Hnungolen lu, ne wen se gel snólóken bélê le.

Sulat Jim 3:1

Ó kem dumuhu setwoli, béen alì wen bélê ye tô hbaling tau tmolok, abay se deng tngón ye se bong mget kkukum Dwata kul yó kem tau tmolok senta yó kem dumu tau.