1 Timuti 1:20 - Udél Dwata: Gna Kesfasad ne Lomi Kesfasad

²⁰ Ni se deng nmò le Hayminus lewu le Aliksandér. Yó but gónóhu tmafak kul, tódô bayau lu ebè yóm kun kfasang Seitan anì wen mò kendlà le, anì là bud nmò le du yóm ksidek kebkó le ebè Dwata.

1 Timuti 1:20 Referans Kwoze

2 Timuti 2:17

Yóm gel tolok le yó, lómón kegnóm te du, lómón des bkukang, són moen minut lembét efet smabak. Lómón ni se yóm kul gel ktolok le Himinyus ne Filitus.

1 Kurin 11:32

Okóm ke wen gónó yóm gónó tekuy mogot tmafak tekuy, yó se mò gónón hemtedeng tekuy anì là gomong tekuy megtuled bè yó kem tau là hemtahuhen.

2 Tisalunika 3:15

Là kô hnohon ye du dé, okóm lómó kmò ye ebéléen ke mudél ye ebè kem dumu ye hemtahu.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Kul Nmò 19:33

Ofo kul mon du yó kem dumu ke Aliksandér buten, abay se du dók yó kem Ju mdà lem blóng yó kem tey tau wen bè yó. Yó nmò Aliksandér, hdaen hólólen anì teflok udél yó kem tau, abay se wen tô balaen kul.

Deng Hegfan 13:1

Ne tódô tonu se yóm sotu ógóf lóbô hesut gu lem mohin. Hitu kuluhen, ne sfolò hangahen. Ne sket wen kuruna bè yó kem hangahen, ne tódô ket kuluhen gónóhen gsulat yóm udél hemnê ke Dwata.

2 Timuti 3:2

Yó kmò kem tau, sbì le, ne seglom le, lel le hton salù, ne heklabak le. Yó mò kul, sidek kebkó le, ne là kô nimón le kem tuha le. Hono kem tau laen dù ledem le, là kô nadat le ke Dwata.

2 Timuti 2:14

Nim ni koni, bud gel hegtulónem bè nawa yó kem tau bè yó, ne hol hetgamahem kul, ne Dwata fen mungol du. Bê le abay skuya mon bè kmò klan yó kem udél. Yakem wen se muhen, olo mom gónón lana kehtahu yó kem tau hmungol kul.

2 Kurin 10:6

Ke deng gotu hegfan ye yóm kimón ye du yóm hlolò me kuy yó, yó he kógów me edyó. Ne ke tolo wen dumu tau là mimónen, yó he ktafak me kul.

Kul Nmò 13:45

Timbow ton yó kem Ju yóm tey tau wen, deng mom mélés nawa le le Pol. Deng mom hennê le yóm tulón nwit Pol, lel le semdekà du.

2 Kurin 13:10

Yó gónóhu gna hemwit sulat ebélê ye ni gu laan tekuy là deng bud ston anì laen dù gónóhu tmafak kuy soke kól dyó lem blóng ye. Yó hol muhen yóm kfasang blay Krays dou mò gónóhu tmóbóng kuy bè kehtahu ye. Sundu yó du muhen ke mò gónóhu hemsidek kuy.

Matyu 18:17

Okóm ke là dog hnungolen kul, tódô gotu tulón ye yóm kdéen bè gónó le gel stifun yó kem Ju. Okóm ke là dogen hmungol balù yóm deng kwit ye du bè gónó le gel stifun yó kem Ju, hol lómón kmò ye ebéléen, lómón yóm kmò ye ebè yó kem tau là hemtahuhen bè Dwata, ne bè yó kem dumu tau gemsalà.”

1 Timuti 5:15

Yakà deng wen libun bolu deng kmogol du yóm lan Dwata, ne loloen yóm lan Seitan.

Hibru 12:5

Là deng klifót ye du kô yóm tehe udél Dwata mò gónón gemduf kuy bè kngaen kuy, yóm monen, “Ó Ngà, hol kenmónem ke wen gónóhen hemtedeng kóm yóm gónóm mogot, ne béem kenblat nawa ke wen gónóhen mólów kóm.