1 Timuti 1:2 - Udél Dwata: Gna Kesfasad ne Lomi Kesfasad

² Smulate ebéléem, Timuti. Lómón ke deng hol ngau uu lemwót bè yóm kehtahu te. Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kóm, ne tendo kmodu kóm, ne tendo henek nawahem.

1 Timuti 1:2 Referans Kwoze

Taytus 1:4

Smulate ebéléem, Taytus, yóm hol ngau lemwót bè yóm kessotu nawa te bè kehtahu te. Yó hem Dwata yóm Mà tekuy, ne Krays Jisas yóm deng lemwà kut gu lem hatay, hol tendo tmóbóng kóm, ne tendo henek nawam.

2 Timuti 1:2

Bude smulat ebéléem, Timuti, hol ngà gónón mogot nawahu. Yó hem Dwata, yóm Mà tekuy, dalang se yóm gónó tekuy mogot Krays Jisas tendo tmóbóng kóm, ne tendo kmodu kóm, ne tendo henek nawahem.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Sulat Pol Ebè Yó Kem Tau Hemtahu Bè Rom 1:7

Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

2 Timuti 2:1

Ó Ngau, Timuti, hol hgelem nawam bè yóm gel któbóng Krays Jisas kut lemwót bè yóm deng kessotu te béléen.

1 Timuti 1:18

Ó Timuti, uu se yóm ngau, ni wen hlolou kóm. Hentulónem nawa yóm tehe deng olu le kóm yó kem tau tugod Dwata ekni. Béem kó bè nawam nim ni mò temgel kóm bè yóm kmoem nmò bè Dwata.

1 Tisalunika 3:2

ne Timuti fen hógów me edyó. Nim Timuti ni, sotu dumu tekuy setwoli, gel tmóbóng kum mit du yóm Tulón Hyu gbak ebè Krays. Yó gónó me hógów du edyó mò temgel kuy ne tmóbóng kuy bè kehtahu ye

Glasya 1:3

Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kuy ne tendo henek nawa ye.

1 Timuti 1:12

Tey kdóyónu du dou yóm gónó tekuy mogot Krays Jisas, abay se deng hekgisen ou mò du yóm nmou. Sotu gónóhu dmóyón du snéen, abay se deng snaligen ou ne néléken o mò sotu kun tóbóng lówó.

1 Timuti 6:20

Hol tenngelem yóm deng gsigang tahem, Timuti. Béi mung du kóm yóm stulón mfà laen dù gónón e kól, ne yóm skaf mon là kô wen bang gutahem du. Ofo kul mon du yó kem tau mò du ke tahu ketngón, okóm là.

Taytus 2:2

Yó hol hloloem kul yó kem logi deng malay knawa le, bê le abay hlengel, yake hfulung le mit ktau le, ne hfulung le mafas nawa le. Yake hgemel le kehtahu le, ne hfulung le kembong nawa kem dumu le, ne hfulung le hbala ke wen gónó le glayam.

Taytus 3:15

Nim kdê dumuhu bè ni ni, tey gel kólóm le kóm. Hol tulónem yó kem dumu me ston nawa dyó yóm tey kólóm me kul. Yó ne kóó. Dwata he hol tendo tmóbóng kuy yóm kdê ye.

2 Jan 1:3

Yó hem Dwata, yóm Mà tekuy ne Jisas Krays yóm Ngaen, hol tendo gel tmóbóng ne kmodu ne tendo henek nawa tekuy. Ni se uléken yóm gel klolò tekuy du yóm ktahuhen ne yóm gel kesbong tekuy nawa.

3 Jan 1:4

Laen selen yóm gel kligalu sok gel gungolu yó kem ngau alì tilob klolò le yóm ktahuhen.

Sulat Jud 1:2

Yó hem Dwata tendo kmodu kuy ne tendo henek nawa ye ne tendo kembong kuy nawa.