1 Timuti 1:15 - Udél Dwata: Gna Kesfasad ne Lomi Kesfasad

¹⁵ Là kô olo ulóben du se nim monu mò kóm ni, Timuti, hol béen tlek wen tau hmingay du. Yó hol henduf Krays Jisas edini elem benwu anì wen lanen lemwà yóm tau gemsalà. Ne bè kdéen tau gemsalà, ou yóm tau alì gedlug salà nmoen,

1 Timuti 1:15 Referans Kwoze

Mark 2:17

Mung kungol Jisas du yóm mon le yó, yó gónón mon du mò kul, bede hningónen, monen, “Yóm tau ke laen dù desen, là kô snoloen du kun yóm tau mulung. Són yóm tau wen desen mebel du. Duhen ni sem nógówu edini ni, là tnabahu kul yó du kem tau tedeng kmò le, okóm yó dé tnabahu yó kem tau gemsalà.”

Kun Snulat Luk 19:10

Ni se yóm hol henduf yóm Ngà Tau,” mon Jisas, “nan e hnebel lu yó kem tau deng tlas anì gewà le lem salà le.”

Kun Snulat Jan 12:47

Ke wen tau hmungol du yóm toloku, ne là nimónen du, là kô ou du angat tmuled du. Abay se sundu yó du nógówu elem benwu ke naw e tmuled kem tau. Okóm yó dé nógówu anì naw e lenwà lu gu lem hatay.

Kun Snulat Jan 1:12

Okóm kdê yó kem tau hemmóyô du, ne hemtahu béléen tódô benlayen lu kwalis baling ngà Dwata.

Kun Snulat Luk 5:32

Yóm nógówu edini ni, là tnabahu kul yó du kem tau tedeng kmò le anì hegsel le. Okóm yó dé tnabahu yó kem tau gemsalà.”

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

1 Timuti 1:13

Anam yó ne ekni, tey gel sidek kebkóhu ebéléen, ne gel hensideku yó kem gel lemolò du, ne tey gel kehnéu du. Ewenem yó, sana tey kkoduhen dou Dwata, abay se monem tolo là denge hemtahu he ekni, ne tódô óyóu gel mò kul yó kem tehe gel nmou.

Matyu 20:28

Yakà lómón ni du se yóm kun nmò yóm Ngà Tau. Là kô yó du nógówen edini ke fen na a hdatù lem blóng kem tau. Okóm yó nógówen mò na e tmóbóng kul. Angat hamaen yóm kun klowil mò msok yó kem tey dê tau gu lem hatay.”

1 Kurin 15:9

Yakà ou du yóm alì glaan bè yó kem tau gel hógów Krays. Là kóen knóón béléu ke tnaba le o sotu bè yó kem gel hógówen, bà mon se yóm tey tehe alì gel kehsideku yó kem tau hemtahu bè Dwata.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

1 Timuti 4:9

Nim monu mò kóm ni koni, hol tahu duhen. Hyu ke kdéen tau hemmóyô du ne hemtahu du.

Sulat Pol Ebè Yó Kem Tau Hemtahu Bè Rom 5:6

Yóm tolo knô tekuy lem salà, là kô gbek tekuy lemwà knô tekuy. Okóm bè yóm kehto yóm buteng Dwata du, fen tódô matay bélê tekuy Krays.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.

1 Timuti 3:1

Tahu se yóm gel mon le, ke yó tô nóyóen yóm sotu tau ke du malak bè simbahan, tey hyu se yóm tô nmoen yó.

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Deng Hegfan 22:6

Ne bud monen mò do yóm hógów Dwata deng mudél ebéléu yó, monen, “Ni kem deng tulónu kóm ni koni, hono tahu, ne hono gsalig. Ne yóm Dwata gónó tekuy mogot, yóm tehe gel msù du bè yó kem tugoden yóm Tulusen, du se yóm hógów do anì naw e hetngón bè yó kem tauhen yóm móyón sut ni.”

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

Taytus 3:8

Hono tahu nim monu mò kóm ni. Yó hol kóyóu ke hol tulónem kul ni kem ni anì henlel le mò du yóm hyu yó kem tau deng hemtahu bè Dwata. Yóm hyu gel nmò le yó, tey bong muhen bè kdéen tau.

2 Timuti 2:11

Tey tahu se yóm gel mon le, yóm monen, “Ke deng te gomong matay bè Jisas, bud te gomong mowil béléen snéen.

Kul Nmò 3:26

Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.”

Kun Snulat Jan 3:36

Yó se hemtahu bè yóm Ngà Dwata, gutahen yóm klowil laen dù tul sónen. Yó se là mimón du yóm Ngà Dwata, là se kô gutahen du yóm klowil yó, tódô hlós gbóen yóm tafak Dwata du.”

Deng Hegfan 21:5

Ominen mon du yóm myón bè yóm bangkù gónón myón kmamal, monen, “Ngem gotu hnomihu ne yóm kdéen.” Ne bud monen mò do, “Hol snulatem nim ni, abay se hono tahu, ne hono gsalig.”

1 Jan 5:11

Ni sii yóm deng mon Dwata: Wen klowil laen dù sónen deng blayen tekuy hlanen bè yóm Ngaen.

1 Timuti 1:19

Hol hgemelem kehtahuhem, ne béem abay nmò blóngem ebè Dwata. Nim monu ni, deng wen se kem tau gmafang du, ne yó gónón hlós lana kehtahu le.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Kul Nmò 11:18

Timbow deng gotu gungol le yóm tulón Pitér yó koni, tódô laen kô dù bud sfuhen yóm kudél le du. Deng mom baling dóyón le Dwata, mon le, “Tahu se, deng homong Dwata lu se kul yó kem tau là Ju le anì hegsel le, ne anì guta le yóm klowil laen dù sónen.”

Kul Nmò 11:1

Yó ne, deng gefet bè yó kem tau tehe deng nélék Jisas dalang se bè yó kem dumu Ju hemtahu bè klamangen prubinsya Judiya yóm deng kegbót le hemtahu du yóm Udél Dwata yó kem tau là Ju le.

Job 42:6

Duhen ni, deng tey sidek kyaku bè yóm kdê deng monu. Ni se gónów myón lem kfung ne lem kohù mò gónów hegfan du yóm deng tey kegselu.”

Kun Snulat Luk 15:2

Yó gel slón le ke Jisas yó kem Farisi ne yó kem tau gel tmolok hlau, mon le, “Nim Jisas ni, sónmoen tendo gel hmódó yó kem tau gemsalà, lelen gel segbót mken bélê le.”

Sulat Pol Ebè Yó Kem Tau Hemtahu Bè Rom 11:14

Ke ton yó kem dou dumu Ju yóm nmò Dwata bélê ye, déke angat le mófô bélê ye, ne bè yó gónón wen bélê le gewà gu lem hatay.

1 Timuti 6:13

Wen hlauhu kóm, mungol Dwata yóm deng hlowil yóm kdéen, ne mungol Krays Jisas yóm hol tmulón du yóm ktahuhen balù yóm kdaen bè solu Pontyus Paylét.

Matyu 18:11

Yó hol nógówen elem benwu yóm Ngà Tau, nan e tnóbóng yó kem tau deng lana.