1 Timuti 1:10 - Udél Dwata: Gna Kesfasad ne Lomi Kesfasad

¹⁰ ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.

1 Timuti 1:10 Referans Kwoze

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

Sulat Pol Ebè Yó Kem Tau Hemtahu Bè Rom 1:26

Bè yóm kekbê le ke Dwata, yó gónó Dwata tódô mayà kul ebè yó kem knóyô lówó alì hemyak kul. Balù yó kem libun, deng mom heswì le yóm hol tahu klanen bè kesyehen tau. Deng mom yó nmò le, ssamuk hono libun.

Deng Hegfan 21:27

Okóm là kóen gusek bè yó yóm là mólósen, duhen yóm tau gel mò yóm gónón hemyak knô, ne yóm tau gel mò kéng. Són olo gusek, són yó kem tau deng gsulat boluy le bè yóm bok lowil, duhen yóm kun bok yóm Ngà Ubiha.

1 Timuti 6:3

Ke wen tau tólóng toloken, ne là segtónen ebè yóm tahu udél yóm gónó tekuy mogot Jisas Krays, ne là se segtónen ebè yóm ktahuhen deng tolok me,

Sulat Jud 1:7

Ne hentulón ye nawa yó kem tau tehe menwu bè yó kem syudad Sodom ne Gomora ne yó kem benwu hmilol kul. Tódô nmò le yóm tehe kul nmò yó kem hógów Dwata monu yó koni bè yóm kmò le samuk. Là són du bè kem libun gónó le mò du, balù bè kem kul dumu logi snéen sana kmò le du. Yó kmò Dwata kul, gotu tnafaken lu bè yóm ofi laen kô dù sónen. Ni se yóm eles hetngónen bélê tekuy anì là nmò tekuy du yóm sidek.

Taytus 1:9

Hol nélékem yóm tau mgemel kogoten du yóm deng tulón me kuy gbak ebè Jisas Krays, yóm tolok alì gsalig. Ke ni se kmoen, gbeken gemduf yó kem dumu tau hlanen bè yóm tahu tolok, ne gbeken se hdilô du bè yó kem tau tô hemkéng du yóm kul gónó là segtud.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

2 Timuti 1:13

Hol loloem yóm tahu tolok gel gungolem gu béléu mò nulitem bè yóm gel ktolokem. Hol henlelem yóm kehtahuhem ne yóm kbong nawam kem dumuhem tau lemwót bè yóm deng kessotu tekuy bè Krays Jisas.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Tekang Kbuten 19:5

Yó taba le ebè Lat, mon le, “Ó Lat, nô se lu du yó kem logi nô béléem kifu ni? Hewaem lu edini bélê me anì sentungô me lu.”

Taytus 1:13

Ni se gónóm hol mólów kul anì là wen tlek belenen yóm kehtahu le,

Kehewà 20:7

Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Deng Hegfan 18:13

Dalang se yó kem dê kay som le, ne yó kem dê kay tilob boo gel ntem le boluyen insinsu, ne yó kem dê kay tilob boo gel lunol le bè lówó le, laen dù bud bemli du bélê le ne. Senged se yó kem dê kay ken mebtes le, ne dê kay ninum le, là bud wen gónó le hembalù du ne. Efet kkólen bè yó kem safì le ne ubiha le ne kudà le ne klisa le, balù yó kem tau hesek gel senswa le, laen dù bud gónó le e hembalù kul ne.

Sikaraya 8:17

Bê ye abay mò atul sidek ebè kem dumu ye. Ne hol tenflok ye yóm gel smafà là tahuhen. Abay se ni kem kdéen ni, tey kekbéu du,” mon Dwata.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Sikaraya 5:4

Ne yó udél yóm Dwata laen dù là gbeken du, monen, Yóm hmulà ni, hwitu ebè ket gónô yóm kdéen tau mnagaw ne ebè ket gónô yóm kdéen tau gel smafà kéng hlan le bè boluyu. Yóm hmulà ni, eles nô bè yó lem gónô le efet deng gotu sidek yóm gónô le yó, gomong koyuhen kkólen bè kem botuhen.”

Tekang Kbuten 40:15

Bè ktahuhen, tódô hnugus kenfô le ou bè kum benwu yó kem tau Hibru ne balù bè ni bè Idyip, tódô knukub le ou hkawang.”

Tekang Kbuten 37:27

Mom hyu ne ke tódô hbalù tekuy bè yó kem tau Ismaél mit udél swa yóó. Bê tekuy mom mò sidek béléen igoen du hol twoli kuy, kut unged se yó ne kut litô.” Tahu se, tódô kdê le gotu mung du yóm atulen yó.

1 Timuti 4:6

Ke hol heglalagem bè kem dumuhem hemtahu ni kem hlolou kóm ni, bong hyu kwitem du yóm deng sigang Krays Jisas tahem. Ne temnù kbegelen yóm kehtahuhem lanem hemnagì du yóm Udél Dwata deng hentahuhem, ne yóm tahu tolok deng loloem.