1 Timuti 1:1 - Udél Dwata: Gna Kesfasad ne Lomi Kesfasad

¹ Ou se Pol gónóhen lemwót nim sulat ni. Ou se sotu tau fen gel hógów Krays Jisas. Nim kógówu ni, hol lemwót bè Dwata, yóm deng lemwà kut gu lem hatay, ne Krays Jisas, yóm tendo hendón nangat te.

1 Timuti 1:1 Referans Kwoze

Taytus 1:3

Deng eles bnutengen yóm keheglileben du bè kem tau yóm klowil laen dù sónen yó, hlanen bè yóm tulón lemwót béléen. Ne nim tulón ni, deng sigangen tahu, duhen yó sem tendo tulónu ebè kem tau. Ni se yóm hmò Dwata dou, yóm Dwata deng lemwà tekuy gu lem hatay.

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

Sulat Jud 1:25

Yó gónóm mon, bê tekuy nmò sónen yóm tendo kdóyón tekuy ke Dwata. Sónen du se tahu Dwata. Deng hewaen tekuy gu lem hatay hlanen bè yóm gónó tekuy mogot Jisas Krays. Du se yóm hol dandónen geta, yóm kmamal yóm klamangen. Tek són du yóm hol mfasang bè kdéen, ne yóm alì wen kwalisen. Sana kem gnô kun ne ni kem ni hnikót là deng dlimunen du he yóm benwu, ne laen kô tul konolen efet nim kmoen ni, ne laen kô tul sónen snéen.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

1 Timuti 1:12

Tey kdóyónu du dou yóm gónó tekuy mogot Krays Jisas, abay se deng hekgisen ou mò du yóm nmou. Sotu gónóhu dmóyón du snéen, abay se deng snaligen ou ne néléken o mò sotu kun tóbóng lówó.

Glasya 1:1

Ou se Pol gónóhen lemwót nim sulat ni, yóm tau fen gel hógów Jisas Krays. Là kóen lemwót bè tau yóm gel kógówu ni, ne là kóen mlan bélê le snéen. Okóm tódô lemwót bè Jisas Krays lewu le Dwata, yóm Mà tekuy, yóm tehe hlowil ke Jisas.

2 Kurin 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Hol lemwót bè kun kóyô Dwata yóm khógów Krays Jisas do. Smulate ebélê ye, yu kem tau hemtahu bè Dwata bè syudad Kurin, dalang se bè yóm kdéen tau Dwata bè klamangen prubinsya Akiya.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

1 Timuti 2:7

Ni se gónó Dwata hógów dou mò tmolok yó kem dumu tau là Ju le anì hentahu le yóm ktahuhen. Hol tahu nim monu ni, là kô kéngu du.

2 Tisalunika 2:16

Yó hem gónó tekuy mogot Jisas Krays ne Dwata, yóm Mà tekuy, hol gemduf kuy ne hol temgel nawa ye anì senflós ye mò du yóm hyu, ne senflósen hyu yóm gel mon ye. Tey kbong nawahen tekuy Dwata. Lemwót bè yóm któbóngen tekuy, yó gónón tendo wen kgel nawa tekuy, ne tendo wen yóm tey hendón nefet nawa tekuy.

1 Kurin 1:1

Ou se Pol gónóhen lemwót nim sulat ni. Tódô lemwót bè kun kóyô Dwata yóm tehe kéléken dou mò sotu tau gel hógów Krays Jisas. Lewu me Sustinis nim nô bè ni, yóm sotu dumu tekuy setwoli.

1 Jan 4:14

Deng hol ton me se kum yóm deng khógów yóm Mà tekuy bè longit yóm kun Ngà mò lemwà tekuy gu lem hatay, ne ni se yóm gel tulón me.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

Taytus 3:6

Ne deng tódô sù Dwata bélê te yóm Tulusen mò tendo gel tmóbóng kut bè kdéen. Yóm Tulusen yó, hlanen bè Jisas Krays yóm deng lemwà tekuy gu lem hatay.

Taytus 3:4

Okóm deng gfan bélê tekuy yóm kun kganag nawa Dwata ne yóm kun kbong nawa tekuy, yó gónón lemwà tekuy gu lem hatay.

Taytus 2:13

Ni se hol nmò tekuy yóm igò tekuy semsangat du yóm kdaw hendón nefet nawa te, duhen yóm kdaw kesfuléken edini Jisas Krays, yóm Dwata tekuy, yóm deng lemwà tekuy gu lem hatay. Angat hol gfan bè yóm kdaw yó yóm alì kegetahen.

Taytus 2:10

ne bê le se abay tódô temsob. Yake lu dé yóm tau hol mfesek anì seklóón ebè yóm gel nmò le yóm dnalang le gbak ebè Dwata, yóm deng lemwà tekuy gu lem hatay.

1 Timuti 4:10

Yó gónóhu hol hmotu són gelu mò du yóm deng hmò Dwata dou, abay se du se mò nefet nawa te, yóm Dwata là wen tul katayen. Yakà deng lenwaen kdéen tau gu lem hatay, sélétem ne bè yó kem tau deng hemtahu.

1 Timuti 2:3

Tey hyu se ke lómón ni yóm gel nmò te, ne tey hligal du Dwata snéen, yóm deng lemwà tekuy gu lem hatay.

Glasya 1:11

Wen tulónu kuy, kem dumuhu setwoli. Yóm Tulón Hyu gel tulónu, là kóen lemwót bè tau,

Isaya 45:21

Géhél ye stifun anì snabà ye yóm kkukumu kuy. Eles ye stulón són yu. Tau du de deng gna eles tmulón du yóm kegbà Babilun yó? Kaem ou se yóm eles tmulón du, yóm Dwata gbeken lemwà yó kem tauhen. Laen kô dù dumu dwata bè klamangen, tek sotuhu.

Isaya 45:15

Yóm Dwata yó kem tau Israél yóm lemwà kul, du se yóm Dwata là ton du.

1 Kurin 9:17

Ke tódô dou lenbù nmò nim ni, knóón ke gmutahe du sukéy. Okóm ni se hmò Dwata do, ne tey mget ksigangen du tahu.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Kun Snulat Luk 1:47

ne tey kehyu nawahu ebè Dwata, yóm deng lemwà do gu lem hatay.

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Isaya 63:8

Yó mon Dwata, “Lu se yó kem dou tau. Là kô na le e snukat dou.” Yó gónó Dwata lemwà kul

Isaya 60:16

Yó kem dumu benwu ne yó kem tau hol geta mogot kul, angat hol sen-gyok le uu hol lómón yóm libun gel sen-gyoken ngaen. Bè yó se gónóm temngón du ou se yóm Dwata hol lemwà kóm, yóm Dwata yó kem tau Israél yóm Dwata laen dù là gbeken du.

Isaya 49:26

Yó angat nmou bè yó kem tau hemgnok kuy, tódô senfatayu lu honon lu. Tódô le sbonok honon lu. Lemwót bè yóm alì sidek kebut le là kô tngón le du yóm nmò le, lómón yó kem tau lengel là kô tngón le du yóm nmò le. Bè yóm kehewau yóm kdéen tau bè klamangen benwu gónó le temngón du ou yóm hol Dwata gónó mogot, yóm msok kuy ne yóm lemwà kuy. Angat tngón le ou se yóm Dwata yó kem tau Israél, yóm laen kô dù là gbeken du.”

Isaya 43:11

Tek sotuhu Dwata, tek sotuhu gembek lemwà kuy.

Isaya 43:3

Yakà ou du yóm kuy Dwata, yóm hol gónó mogot, yóm Dwata yó kem tau Israél, yóm Dwata laen kô dù belenen, yóm gel lemwà kuy. Yó mò soku kuy, yóm benwu Idyip, tnuu du yó kem benwu Sudan ne Siba.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kem Lingón 106:21

Deng klifót le Dwata yóm lemwà kul, yóm deng mò yó kem hentaw ton bè Idyip,

Kun Snulat Luk 2:11

Deng sut kifu ni bè benwu yóm tehe Dabid yóm tau angat lemwà kuy gu lem hatay. Du se Krays, yóm gónó ye mogot.