1 Samwél 4:3 - Udél Dwata: Gna Kesfasad ne Lomi Kesfasad

³ Tikóng le mulék ebè kamfù le yó kem dù sendalù Israél, yó mon yó kem tau malak kul, “Moen du ke là hegmò Dwata tekuy bè yó kem Flistin kemdaw ni? Yake nwa tekuy bè Silu yóm Slungan Fasad anì mung bélê tekuy Dwata ne lenwaen tekuy lem hólól yó kem hohon tekuy.”

1 Samwél 4:3 Referans Kwoze

Sulat Jud 1:5

Deng gotu tngón ye nim tulónu kuy ni, olohu bud hegtulón du bè nawa ye dé. Tehe yu ekni, deng lenwà yóm gónó tekuy mogot yó kem tau Israél lem tdok yó kem tau Idyip. Timbow legen bè yó, gotu genlà Dwata yó kem tau laen dù kehtahu le béléen.

1 Pitér 3:21

Yóm kegewà le yó ekni, hningónen yóm kegewà tekuy gu lem hatay bè yóm kehbabtays tekuy. Bè yóm kehbabtays ye, là kô mò lan mkó using bè lówó du, okóm yó lanen mò ilô yóm deng eles kehkodu ye bè Dwata anì kóhen yó kem salà ye, ne anì laen dù blóng ye ebéléen. Ne yó gónó ye gewà gu lem salà ye mlan bè yóm tehe klowil Dwata ke Jisas Krays gu lem hatay.

Hibru 9:4

Wen lemisa lenafin blówón nô lemen mò gónó le gel mtem ebè Dwata yóm alì minggel boohen boluyen insinsu. Ne wen slungan bong lenafin blówón nô lemen snéen. Yó boluy le du, slungan gónón nô yóm fasad Dwata. Wen sotu sobuy blówón nô lemen gónó le hemyu du yóm tehe ken le ekni boluyen mana. Ne sotu bud nô lemen, yóm tehe tuged Aron, yóm tuged tehe tódô dmoun. Ne bud nô lemen snéen yóm lewu botu kufil gónó Dwata tehe smulat du yó kem hlauhen kul.

2 Timuti 3:5

Ya mo kmung le sbung bè simbahan du, okóm là kô le himón. Béi hegbool bélê le kóm.

Jirimaya 7:4

Hol bê ye abay snalig yóm udél yó kem tau gel mon du mò kuy lemwót bè yóm knóen lem blóng tekuy yóm Gónô Dwata, laen kô dù dumu tau hemsidek tekuy. Kéng yóm yó.

Jirimaya 3:16

Bè yóm bud kból ye ta yóm tonok ye,” mon Dwata, “là bud gehedem ye du ne yóm kdaw gnan yóm kwen Slungan Fasad nô lem blóng ye gónóhen nô yóm deng tehe senfasad tekuy. Balù udì ke gbel bè nawa ye yóm kdaw gnan, duhen ke bud gehedem ye. Laen dù bud mu ye du ne, ne là bud ye mò gewuhen.

Isaya 58:3

Mom yó udél le yó kem tau yó, mon le, “Moen de ke fasting tekuy ke là se ton Dwata du? Moen de ke là mken tekuy ke là se kenmón Dwata du?” Yó balà Dwata kul, monen, “Bè hol ktahuhen, bè yóm udas ye fasting, kulel kmò ye du yóm gónó ye mebel filak ne wen sidek nmò ye bè yó kem tau mò nmò bélê ye.

Isaya 50:1

Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.

Kem Lingón 74:11

Moen de ke nafasem yóm henmù kwananem? Hewaem ne anì genlaem lu.

Kem Lingón 74:1

Ó Dwata, moen de ke laen dù tul sónen yóm kekbéem kum? Moen de ke alì lenbutem yó kem kóm ubiha hótób?

1 Tutul Israél 17:1

Bè yóm deng khenek Dabid bè gónô bongen, yó udélen ebè Natan yóm tugod Dwata, monen mò du, “Ngem, fene nô bè nim tey gónô tilob nngom koyu sidar, okóm yóm Slungan Dwata fen nô bè yóm olo tolda.”

2 Samwél 15:25

Omin yóm tau hol geta mon du mò ke Sadok, “Nwit ye semfulék elem syudad yóm Slungan Dwata. Ke hyu nawa Dwata béléu, bud nwiten ou semfulék ebè Jirusalim, ne bud tonu nim Slunganen ni dalang se yóm gónóhen nô.

1 Samwél 14:18

Omin Sol tmaba ke Ahidya yóm tau gel blóng le ebè Dwata, monen mò du, “Nwitem edini yóm nes ifod.” Bè yóm kdaw yó, lesek Ahidya yóm nes ifod bè solu yó kem tau Israél.

Juswa 7:7

Yó udél Juswa ebè Dwata, monen, “Ó Dwata, uu se yóm hol dandónen geta. Moen du ke nwitem mi mifal yóm Él Jurdan? Ilóem tô blayem mi elem hólól yó kem tau Amurayt kô? Tô gotu genlaem mi kô? Yake tehe me tódô henek menwu ditu ne fatu Él Jurdan.

Juswa 4:7

tulón ye kul, mon ye, ‘Yóm tehe ktihang le du mifal Él Jurdan yóm Slungan Fasad, botong tódô teflok lel yóm él. Ni kem botu ni mò tendo heftulón du bè nawa yó kem tau Israél yóm tehe nmò Dwata bè ni.’ ”

Dwata 31:26

“Nwa ye nim Bok Hlau ni, yóm bok gónón nô yó kem hlau Dwata, sù ye klohok yóm kun Slungan Fasad yóm sana kuy Dwata hol gónó mogot anì tódô nô bè yó mò gemtanud kuy kem tau Israél.

Lista 31:6

Omin Musis hewót kul ket lemibu lemwót bè ket ból bè Israél. Yó fen malak kul, Finihas yóm ngà Ilisar, yóm tau blóng le ebè Dwata. Wen kem kimu Dwata eles nwit Finihas lemwót lem yóm Gónô Dwata ne wen kem féw nwit le mò ilô kbut le du yóm kesgida le.

Lista 10:35

Kesok bang le gel hewót du yóm Slungan Fasad tukô gna kul yó, yó gel udél Musis, monen, “Yó ne, Dwata, tukói gna kum. Gotu senklahem lu yó kem hohonem, gotu hlóyem lu yó kem tau kmutó nawa kóm.”

Lista 10:33

Timbow tebel yó kem tau Israél yóm bulul Sinay yóm bulul Dwata, tlu kdaw le bud mógów omin le bud kmamfù. Bè yóm kógów le, sal gel tukô gna kul yó kem tau gel mit yóm Slungan Fasad gónón nô yóm deng fasad Dwata kul mò hetngón du kul yóm gónó le bud kmamfù.

Juswa 6:6

Tahu se, htaba Juswa yó kem tau gel blóng ebè Dwata ne monen mò kul, “Nwit ye yóm Slungan Fasad bè yóm klibut tekuy du nim syudad ni. Hitu bélê ye mógów tukô gna du sket mit féw.”

Juswa 7:8

Laen kô dù bud kmonu du ne ni, Dwata, yakà deng le gotu mlóy gu bè hohon le yó kem tau Israél.

1 Samwél 1:24

Timbow skó tmutù yóm ngà, omin Hana mit du ebè Gónô Dwata bè Silu, homong nwit le yóm ngà safì hanà tlu halayen mò dsù le ne sotu bluyut arina ne wen tifas grépen.

1 Samwél 4:2

Lemwót kem Flistin, nundug le yó kem tau Israél ne là kô le gemmò yó kem sendalù Israél, botong fat libu sendalù matay bélê le.

Isaya 59:1

Ofo kuy mon du ke yó gónó Dwata là lemwà kuy abay se là bud gbeken du ne. Ne yó gónón là hmungol du yóm gel kehtóbóng ye béléen abay se deng bokong. Là kô yó du.

Isaya 59:2

Yó gónón là hmungol kuy lemwót bè yó kem salà ye. Kaem salà ye se hemseng kuy ebè Dwata bè yóm kehloni ye ebéléen.