1 Samwél 4:2 - Udél Dwata: Gna Kesfasad ne Lomi Kesfasad

² Lemwót kem Flistin, nundug le yó kem tau Israél ne là kô le gemmò yó kem sendalù Israél, botong fat libu sendalù matay bélê le.

1 Samwél 4:2 Referans Kwoze

1 Samwél 17:21

Omin le ssolu ne sbantak le sfatay yó kem sendalù Israél ne yó kem sendalù Flistin.

1 Samwél 17:8

Omin Gulayat mdà bè yó ne mensag ebè yó kem tau Israél, monen, “Tedum tlek nmò ye mdà bè yó kem sendalù Israél? Tek sotuhu se do Flistin, fen ye dê kuy kem hesek Sol. Mélék ye sotu kun mò blau.

Juswa 7:12

Ni se gónó le là gemmò bè yó kem hohon le yó kem tau Israél, yakà deng le gomong meglà bè yó kem tau genlau. Là bude nô lem blóng ye ke là na ye gotu genbà du yó kem kimu monu mò kuy là hyu ma du.

1 Samwél 4:1

Deng gotu glalag bè kdê yó kem tau Israél yóm udél Dwata hlanen bè Samwél. Uma kóm bè yó kem kdaw yó tolo le sgida yó kem tau Israél ne yó kem Flistin. Lemwót yó kem sendalù Israél kmamfù le bè Ibinisér ne fen le kmamfù bè Afik kul yó kem Flistin.

1 Samwél 4:3

Tikóng le mulék ebè kamfù le yó kem dù sendalù Israél, yó mon yó kem tau malak kul, “Moen du ke là hegmò Dwata tekuy bè yó kem Flistin kemdaw ni? Yake nwa tekuy bè Silu yóm Slungan Fasad anì mung bélê tekuy Dwata ne lenwaen tekuy lem hólól yó kem hohon tekuy.”

1 Samwél 4:10

Tahu se, tey kwit le sfatay bè yó kem tau Israél yó kem Flistin ne là kô le bud gemmò yó kem tau Israél. Botong tlu folò libu sendalù matay bélê le. Yó kem dù mowil, gotu le mlóy mulék ebè kamfù le.

Lista 14:45

Lemwót yó kem tau Amalikayt ne yó kem tau Kanan menwu lem bulul, gotu nuluk le yó kem tau Israél ne là kô le gemmò bélê le yó kem tau Israél. Ngang le kemtes kul yó kem hohon le efet le kól bè Hurma. Là gomongen bè nili yóm tsaptér 15. Yó tulónen yóm hlolò Dwata yó kem tau Israél bè yóm kmò kedsù le ebéléen.