1 Samwél 26:9 - Udél Dwata: Gna Kesfasad ne Lomi Kesfasad

⁹ Okóm yó balà Dabid ke Abisay, monen, “Béem abay hensidek, yakà tnafak Dwata du yóm tau hmatay yóm tau deng kun nélék.

1 Samwél 26:9 Referans Kwoze

2 Samwél 1:14

Yó bud snólók Dabid béléen, “Moen de ke glefem hmatay yóm tau hol geta deng kun nélék Dwata?”

Kem Lingón 105:15

“Hol bê ye abay hensidek lu yó kem dou tau nélék. Ne yó kem tugodu elem blóng le, bê ye abay hensidek lu.”

2 Samwél 1:16

Ne yó udél Dabid ebè yóm tau Amalikayt deng matay yó, monen, “Uu se mò du bè knóem nim ni. Lómón ke hfatayem knóem bè yóm ktulónem du yóm khatayem yóm tau hol geta deng kun nélék Dwata.”

1 Samwél 10:1

Omin Samwél ma yóm ngà sobuy gónón nô hnolo ulib ne twélen ta kulu Sol, henmung neleken ne monen, “Yó gónów mò du béléem nim ni abay se deng nélék Dwata uu mò malak yó kem tauhen Israél. Uu se mò lemwà kul lem tdok yó kem hohon le menwu hmilol kul. Wen ilô tonem kedeng mò gónóm temngón du yóm deng kélék Dwata kóm mò malak yó kem tauhen.

1 Samwél 26:8

Yó boyong Abisay ke Dabid, monen, “Deng tahu blay Dwata elem hólólem yóm hohonem kemdaw ni. Ni, hlusem o anì tbeku du yóm buyusen yóó anì mtool ebè tonok. Tek suléku tembek du là bud hewuhu du ne.”

Kem Lingón 7:4

ne ke deng mom bnalau sidek yóm hyu deng nmò weu béléu, duhen ke deng negefu kimu yó kem hohonu, baluen ke laen dù buten,

1 Samwél 12:3

Ni, mdae bè solu Dwata ne bè solu yóm tau hol geta deng néléken. Tulón ye do kun ke deng wen bélê ye gónów mnagaw safì? Deng wen kô bélê ye gónów mnagaw kudà asnu? Deng wen kô lenugihu bélê ye? Deng wen kô tau hen-gnoku? Deng wen kô gel nwahu mò wa nawa? Hol tulón ye do anì bud huléku ebélê ye.”

2 Samwél 19:22

Okóm yó mon Dabid, “Yu kem ngà Siruwaya, tedu se kmou kuy du? Hligal tekuy bè nim kdaw ni. Ou se bud tau hol geta bè Israél bè nim kdaw ni, laen dù tau hnatay.”

Kem Lingón 17:4

Deng lolou yó kem kóm hlau kum, yó gónóhu là lemolò du yóm kul klan yó kem tau mahil hemsidek kem dumu le.

Kem Lingón 57:1

Hol knoduhem ou, Dwata, hol knoduhem ou, tek són uu gónów gel hofin. Angate hebnos laan hafakem efet gotu mkó yóm tey lenos bong nii.