1 Samwél 1:3 - Udél Dwata: Gna Kesfasad ne Lomi Kesfasad

³ Yóm Ilkana ni, tódô keten halay gel mógów etu bè Silu bè yóm Gónô Dwata, mung du yó kem fes lówóhen nan e tmaba ebè yóm Dwata laen dù là gbeken du ne nan e gel demsù ebéléen. Ne yó fen gel semblóng tau ebè Dwata bè yóm kmoen yó, yó kem lewu ngà Ili logi le Hufni ne Finihas.

1 Samwél 1:3 Referans Kwoze

Kun Snulat Luk 2:41

Ket halay le gel mógów ebè Jirusalim yó kem tuha Jisas, gel le mung bè yóm mò ken bong bè yóm Kdaw Khius.

Kehewà 34:23

Bè yóm sfalay, tlu dulék le mógów ebéléu yó kem logi bélê ye na le e tmaba ebéléu, yakà ou du yóm sana kul Dwata hol gónó mogot yó kem tau Israél.

1 Samwél 1:21

Halay hulin bè yó, bud kól yóm kdaw le bud mógów ebè Silu na le e kedsù ebè Dwata, bud le lemwót le Ilkana ne Pinina ne yó kem ngà le, bud le mógów etu. Ne ni se keblay Ilkana du ke Dwata yóm tehe fasaden du.

1 Samwél 1:9

Bè yóm sotu kógów le ebè benwu Silu, kogol yóm kdeng kken le kimel yó nmò Hana mógów ebè Gónô Dwata nan e mni ebè Dwata bè yó. Yó nmò Ili yóm tau gel blóng ebè Dwata bè yó, myón bè yóm kun gónó gel myón bè yó klohok yóm bak dól elem yóm Gónô Dwata.

Kem Lingón 78:60

Botong tebelen yóm gónô gónóhen nô lem blóng le bè Silu. Tebelen yóm gónô gel nit le mógów gónón nô lem blóng yó kem kun tau.

1 Samwél 4:11

Botong gegef yó kem Flistin yóm Slungan Dwata ne hnatay le yó kem lewu ngà Ili logi, Hufni ne Finihas.

1 Samwél 4:4

Tahu se, wen kem tau hógów le ebè Silu mò mangay yóm Slungan Fasad yóm Dwata laen dù là gbeken du, yóm nô lem blóng hafak yó kem hógów Dwata boluy le sirubim. Bè yóm kwit le du yóm Slungan Dwata yó, mung yó kem lewu ngà Ili logi, Hufni ne Finihas.

1 Samwél 3:13

Deng gel tulónu ke Ili ne yóm móyón ktafaku yó kem fes lówóhen, yóm tafak laen dù sónen lemwót bè yóm kudél le sidek e tahu yó kem ngaen logi. Deng tngón Ili se yóm nmò yó kem ngaen, okóm là kô dog gel bnólówen kul.

1 Samwél 2:34

Ne ni se ilóem du ktahu yóm monu, sotu kdaw angat le segeng matay yóm lewu kem ngaem logi Hufni ne Finihas.

1 Samwél 2:19

Yóm nes tahà gel leseken, tódô ket halay yéen mò du béléen ne nwiten ebéléen bè yóm gel kmungen ke yehenen demsù ebè Dwata.

1 Samwél 14:3

Sotu bè yó kem tau mung ke Sol duhen Ahidya, tau gel blóng ebè Dwata leseken yóm nes bukay ukol boluyen ifod. Yóm Ahidya ngà Ahitub dumun setwoli Ikabud. Yóm Ahitub ngà Finihas témê Ili yóm tau tehe gel blóng ebè Dwata bè Silu. Laen dù bélê le temngón du yóm deng kewót Junatan.