1 Pitér 5:3 - Udél Dwata: Gna Kesfasad ne Lomi Kesfasad

³ Hol bê ye fen hdatù lem blóng le. Yu dé gónó le dmalang yóm hyu yó kem tau galak bélê ye.

1 Pitér 5:3 Referans Kwoze

2 Tisalunika 3:9

Yó gónó me mò du nim ni, sundu mon ke laen dù kwalis me mni bélê ye bè yóm ktolok me kuy, bede yó gónó me mò du mò gónó ye mton du anì dnalang ye.

Flipay 3:17

Yake henlel ye dmalang du yóm dou kmò, kem dumuhu setwoli, ne hol gel hnénég ye dé yó kem dumu tau deng gel lemolò du yóm kum kmò.

Isikél 34:4

Là kô dog ten-gel ye kul yó kem lunog. Là se kô bnulung ye kul yó kem wen desen. Là kô dog bnaus ye kul yó kem tfok bélê le. Là se kô hnebel ye kul yó kem deng tabag dalang se yó kem deng tlas. Deng mom yó nmò ye, tendo danda dók ye lu ne lel ye hemsidek kul.

2 Kurin 1:24

Là kô nubug me kuy bè yóm kuy kehtahu. Kaem deng sana tngón me deng mbegel ne kehtahu ye. Okóm yó dé kóyô me ke wen lan me tmóbóng kuy anì hol temnù yóm kligal ye.

Taytus 2:7

Yake béléem dé, Taytus, mò gónó le dmalang du yóm kehyu kmò. Hol hewótem lem but blututem yóm ktolokem kul, béem mom hningay.

1 Timuti 4:12

Hol gel tenngelem kdaem, Timuti, kô wen gónó le gemsanil kóm. Balù yóm hanà tolo klomihem lemnok, uu se mò senflénég kem dumum hemtahu bè kestulónem, bè kekdolem, bè kbong nawam kem dumuhem, bè kehtahuhem, bè kólós nawam.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Flipay 4:9

Hol gel nmò ye yó kem deng dnalang ye lemwót bè yóm deng gungol ye ne yóm deng ton ye béléu. Ke yó se nmò ye, hlós nô bélê ye Dwata, yóm tendo henek nawa tekuy.

2 Kurin 4:5

Sundu kum boluy du yóm gel tulón me bè yó kem tau, okóm Jisas Krays yóm gel tulón me. Du se yóm gónó mogot mogot yóm klamangen. Bong ni dum kum, olo me kem tau tóbóng lówó ye lemwót bè yóm kmò me nmò bè Jisas.

1 Kurin 11:11

Okóm bè ktahuhen, bè klowil tekuy kem tau hemtahu bè yóm gónó tekuy mogot, là kóen mowil yóm libun ke là wen logi, ne là kóen mowil yóm logi ke là wen libun.

Kem Lingón 74:2

Hol hentulónem nawa, mi se yó kem tau tehe nélékem là sekna, kem tau deng nsokem mò hol kóm nfun. Hentulónem nawa Bulul Sayun, yóm kóm gónó nô dini talak tonok.

Kem Lingón 33:12

Ya tey kehligal yó kem tau bè kihu benwu ke Dwata hol kul gónó mogot. Hligal le se kul yó kem tau nélék Dwata mò kun tau.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Dwata 32:9

Yakà deng néléken du yó kem sfu Jakub mò kun nfun.

1 Kurin 3:9

Nim mi, stóbóng me mò nmò bè Dwata. Ne yu, hol lómón ke kun tniba Dwata. Sotuhen, lómón ke yu yóm gónô hdà Dwata.

1 Kurin 3:5

Bè ktahuhen, nim ou lewu me Apulus, olo me kem tóbóng lówó Dwata mò lan ye hemtahu béléen. Olo me kem tau mò du yóm hmoen kum yóm gónó tekuy mogot.

Kun Snulat Jan 13:15

Nim deng nmou bélê ye ni mò gónó ye dmalang du yóm keheglaan ye bè kem dumu ye.

1 Tisalunika 1:7

Duhen yó, deng ye baling tau mò gónó le temngel yóm kdéen tau deng hemtahu bè klamangen prubinsya Masdunya ne bè klamangen prubinsya Akiya.