1 Pitér 4:9 - Udél Dwata: Gna Kesfasad ne Lomi Kesfasad

⁹ Hol gel hnódó ye dumu ye ne bê ye abay gel tmalaw.

1 Pitér 4:9 Referans Kwoze

Hibru 13:2

Hol gel hnódó ye ke wen tau milo sut bélê ye. Deng wen se tau mò du, bede là tngónen du yóm hnódóhen, anì monem, hógów Dwata gu bè longit.

Sulat Pol Ebè Yó Kem Tau Hemtahu Bè Rom 12:13

Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

Flipay 2:14

Ke wen nmò ye, tódô hentedeng ye mò du. Béen abay dê udél ye, ne bê ye abay gel skaf mon,

Hibru 13:16

Ne bê tekuy abay klifót yóm ktilob kmò tekuy bè kem dumu tekuy tau ne yóm gel kestóbóng tekuy, abay se ni se mò henged dsù gónón hyu nawa Dwata.

Taytus 1:8

Yó dé nélékem yóm tau hulung hmódó, yóm tau són nalu nmoen, són yóm hyu. Hol nélékem yóm tau hulung mafas nawahen, yóm tau btol, yóm tau laen dù belenen yóm gel nmoen, ne megtolok.

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,

Sulat Jim 5:9

Sotuhen, kem dumuhu setwoli, bê ye abay gel sduón anì là angat tnafak Dwata kuy. Ngem deng mdà snolu aut ne yóm angat kmukum tekuy, són kotunen duen.

2 Kurin 9:7

Duhen yó, yake ket tau eles hemdem du kbongen yóm angat blayen. Là kóen hyu yóm bemlay ke là nóen bè nawan, duhen ke song bemlay ke tek nubug le. Abay se ke Dwata kun, tey kbong nawahen du yóm tau hol nô bè nawahen bemlay.

Filimun 1:14

Okóm là kóe móyô ke tô ten-gnahu nawahem. Hnongum du ke deng hol tikaw kewóten lem but blututem yóm któbóngem do, là mlanen bè kubug te kóm. Yó gónóm mon, laen dù nmou ke là lemwóten béléem.

Sulat Pol Ebè Yó Kem Tau Hemtahu Bè Rom 16:23

Bud ni se kun udél Pol ebélê ye. Tey kólóm Gayus kuy se kun, yóm tau fun gónô gónóhu nô. Són bè kun gónô gónó le gel stifun yó kem dumu tau hemtahu bè ni. Senged se ke Irastus, yóm tau fen mogot filak bè nim syudad ni, ne Kwartus, yóm sotu dumu tekuy hemtahu, tey kólóm le kuy se kul.

Tekang Kbuten 24:19

Timbow deng kinumen, ominen bud mon du yóm sawang libun yó, “Bud homong hinumu snéen yó kem kamélem anì gotu le gemtu.”