1 Pitér 4:8 - Udél Dwata: Gna Kesfasad ne Lomi Kesfasad

⁸ Yó bong muhen bè kdéen, hol ye sbong nawa. Ke sbong nawa ye botong gbek ye tódô hmifót du yóm dê gemsalà bélê ye.

1 Pitér 4:8 Referans Kwoze

Kem Udél Hlalak Tehe Selumun 10:12

Yóm utó nawa tau tendo gónón lemwót yóm kesbólów, okóm yóm tau kenbong nawan kem dumun tódô hnifóten yó kem salà le.

Kulasi 3:14

Ne yó hol tnù ye du yóm kdê deng monu yó koni, duhen yóm kesbong nawa. Lemwót bè yóm kesbong nawa ye gónó ye baling hol ssotu.

Kem Udél Hlalak Tehe Selumun 17:9

Yóm tau tódô hnifóten yóm gemsalà béléen hnebelen yóm kesbong nawa, okóm yóm tau són moen bud mtóng du yóm gemsalà béléen senkóhen yóm keswè.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Sulat Jim 5:20

Ni mò hol hendem ye. Yóm tau tmóbóng du yóm tau hetlas yó, du se deng mò lanen gewà yóm tau yó, ne gbek Dwata hmifót du yóm kdê salaen.

1 Kurin 13:1

Baluen ke hulunge mudél yóm kul udél yó kem dumu tau te tonok, ne baluen ke hulunge mudél yóm kul udél yó kem hógów Dwata gu bè longit, tedu se bang gónóhen e kól yóm kenhulungu yó ke là bong nawahu kem dumuhu? Hol lómón yóm uni blówón duhen ke uni blanting laen kô dù mdengen bnoluyen.

1 Tisalunika 3:12

Yó hem gónó tekuy mogot hol temnù du bélê ye yóm kuy kesbong nawa ne yóm nawa ye ebè yó kem dumu tau snéen, lómón se yóm kum kbong nawa kuy.

Hibru 13:1

Hol bê ye abay nmò sónen yóm kuy kesbong nawa, yakà deng ye baling setwoli ne lemwót bè kehtahu ye.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

Kem Udél Hlalak Tehe Selumun 18:13

Yóm tau là nan na hmungol ne kendel gel semlok yó se kmò yóm tau book ne henyaken kun knô.

Kem Udél Hlalak Tehe Selumun 12:16

Mahil dilô yóm kun kebut yóm tau book, okóm yóm tau hulung milô, tódô kem bayaen ke wen tô hemyak du hekawang.

3 Jan 1:2

Ó Wè, gele mni bè Dwata béléem anì tendo hyu kógów klowilem, ne anì kemgis lem lówóhem, lómón yóm kekgis yóm kehtahuhem.

Sulat Jim 5:12

Nim sotu hlolou kuy ni, tey bong muhen bè kdéen, kem dumuhu setwoli. Ke wen senfasad ye, bê ye gel safà longit duhen ke tonok ne ke wen dumu gónó ye smafà. Ke tahu se, tódô monem tahu. Ne ke là tahuhen, tódô monem là. Ke ni se nmò ye, là kô tnafak Dwata kuy.

1 Kurin 13:4

Ke wen kesbong tekuy nawa, kaem manay nawa tekuy bè kem dumu tekuy, ne hyu kmò tekuy ebélê le. Là kô nmò tekuy du yóm sélés nawa ne yóm heklabak ne yóm kehegmón.