1 Pitér 4:7 - Udél Dwata: Gna Kesfasad ne Lomi Kesfasad

⁷ Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

1 Pitér 4:7 Referans Kwoze

1 Pitér 1:13

Duhen yó, hol sù ye bè nawa ye sen yóm kimón ye ke Dwata. Bê ye hningay. Hol ken-gel ye nawa yóm hyu angat blay Dwata kuy bè yóm kdaw kesfulék Jisas Krays edini.

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

2 Timuti 4:5

Okóm kóm, hol tenngelem kmoem. Hol henbalahem yóm gel keglayamem. Hol gel nwitem yóm Tulón Hyu. Béem tenflok yóm hmò Dwata kóm.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.

Hibru 10:25

Hol bê tekuy abay hentula yóm gel ksimba tekuy, lómón se yóm gel nmò kem dumu tau. Yó dé nmò tekuy, hol tekuy segduf mò du, hol néen nim deng kloni yóm kesfuléken edini yóm gónó tekuy mogot.

Kulasi 4:2

Bê ye htakas mni bè Dwata, ne bê ye se abay tódô gel hlingay. Hol hmung ye yóm gel kdóyón ye du.

Taytus 2:12

Lemwót bè yóm tey nawahen yó, bê kuy bud nmò yóm kun kenbê bélê tekuy. Bê te abay geskét du yó kem gel kenbeyen nawa lem nim benwu ni. Hfulung te mit yóm kut ktau, hebtol te knawa te, ne nmò te yóm gónó te gulit ebè Dwata.

Sulat Pol Ebè Yó Kem Tau Hemtahu Bè Rom 12:12

Hol tendo hlaan ye nawa ye abay se wen yóm hendón nefet nawa ye. Bê ye tnalaw ke wen gónó ye gel glayam. Tódô senflós ye mni bè Dwata.

Flipay 4:5

Hol hen-ganag ye nawa ye bè yóm kdéen tau. Móyónen kól ne yóm gónó tekuy mogot.

Kun Snulat Luk 22:46

Gotu bentik Jisas lu, monen mò kul, “Bê ye tlek tungô dé. Btik ye, mni ye bè Dwata anì là wen gónó ye gsindil bè Seitan.”

Deng Hegfan 16:15

Ne mudél yóm hol gónó mogot, monen, “Ngem, angat le gotu ktut bè yóm kkólu, lómón kektut le ke sut yóm tau mnagaw. Hligal kun yóm tau eles mingat do, yóm tau deng eles hentifesen yóm nes leseken anì là mógówen là mnes bè yóm kkólu, ne anì laen dù gónón myak bè gónón wen.”

1 Pitér 3:7

Senged se kuy kem logi deng myehen, hol gel hendem ye yóm kuy tuha libun, abay se là gsenged le du yóm kuy kgis. Hol gel nadat ye lu, abay se senged kguta le du se kul yóm klowil laen dù sónen lómón se yóm kuy. Hol nmò ye nim ni, anì laen dù gónón gseng yóm kni ye bè Dwata.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

1 Kurin 15:24

Ominen yó he sut yóm hol són kdaw. Bè yóm kdaw yó, angat nmò Krays sónen yóm kdê deng tehe htulus Seitan, duhen yóm dê deng hfogoten, ne yó kem dumu wen kwalis le ne wen kfasang le. Bè yóm angat kegesón le yó, omin Jisas hogot du ke Dwata, yóm Maen, yóm kdê tau nogoten.

1 Kurin 7:29

Yó gónóhu mon du nim ni, kem dumuhu setwoli, abay se là buden té ne dù kdaw tekuy. Lenwóten ni ne, yóm logi deng myehen, béen abay geskét bè yehenen anì mekteng kmoen nmò bè Dwata.

Matyu 24:42

Yó gónóm mon, eles ye mingat abay se là kô tngón ye du yóm kdaw angat kkól yóm gónó ye mogot.

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Matyu 25:13

Yó gónóm mon,” mon Jisas, “eles ye hol temgama se kuy. Là kô tngón ye du yóm kdaw angat kkólu, duhen ke tedu urasen.”

Tekang Kbuten 6:13

Ne yó gónó Dwata mudél ebè Nuwa, monen, “Ó Nuwa, deng hendemu ne kmou són le yó kem tau. Angat gotu genlau lu abay se hono sidek yóm gel nmò le bè klamangen benwu.

Hibru 9:26

Ke lómón yó nmoen, deng kem dê duléken ne dilóu glayam matay lemwót bè hol kbut benwu. Bede là. Tek suléken hbaling tau bè yóm kdaw deng moni bè yóm hol són benwu, ne laen dù bud seefen du ne yóm yó. Yó gónóhen sut anì nan e dsù klowilen mò hkó salà kdéen tau.

Tekang Kbuten 19:35

Tahu se, bè yóm kifu yó bud hlengel le mà le, ne ominen semtungô du yóm ngaen twoli. Lemwót bè yóm tey klengel mà le, yó bud gónón là temngón du yóm nmoen.