1 Pitér 4:6 - Udél Dwata: Gna Kesfasad ne Lomi Kesfasad

⁶ Yó kem tau gna matay yó, deng eles wen hetngón du kul snéen ekni yóm Tulón Hyu lemwót bè Dwata. Deng le gotu mlef ne yó kem tau yó, abay se yó se yóm tehe olu Dwata yóm kdéen tau, sal gel mlef. Yó gónón wen tau eles hetngón du kul yóm Tulón Hyu anì guta le yóm klowil laen dù sónen lómón yóm kun klowil Dwata.

1 Pitér 4:6 Referans Kwoze

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

1 Pitér 3:19

Kogol yóm kehtohen, ominen lemwót yóm lóyófen nan e mógów ebè tu kem lóyóf yó kem tau tehe matay deng tehe heblanggù Dwata. Wen hetngónen kul bè yó.

Glasya 5:25

Deng wen ne yóm lomi klowil blayen tekuy yóm Tulus Dwata. Yake du dé yóm hol malak tekuy.

Matyu 24:9

Ne angat tey dê tau bè klamangen benwu kmutó nawa kuy lemwót bè yóm klolò ye do. Tódô kenfô le yu, ne tey kehsidek le kuy, ne hnatay le yu.

Glasya 2:19

Bong bè yó dum hlau yó, olohen mom mit dou elem hatay lanu gmulé du. Yó gónóhu tódô tmebel du anì glolou Dwata. Ne lemwót bè yóm deng kehtahuhu bè Krays, hol lómón ke denge gomong matay béléen bè kros.

Deng Hegfan 14:18

Ne bud wen sotuhen lemwót gu bè yóm gónó le gel mtem yóm hboo le ebè Dwata. Ni se yóm hógów Dwata mogot ofi bè yó. Hgelen udélen tmaba ebè yóm hógów Dwata le mogot galab telem, monen mò du, “Nam e nuta se kóm yó kem bungu grép te tonok. Deng bang kuta kul ne.”

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.