1 Pitér 4:3 - Udél Dwata: Gna Kesfasad ne Lomi Kesfasad

³ Geblaen ne yóm kmò ye du yó kem sidek gel nóyô yó kem tau là temngón ke Dwata. Tehe gel nmò ye yóm gel hemyak knô. Tehe nmung ye yó kem sidek knóyô lówó. Ne lel ye tehe gel hlengel, ne dê sidek nmò ye lemwót bè klengel ye. Ne dê sidek tehe nmò ye bè yóm klolò ye yó kem dwata kéng.

1 Pitér 4:3 Referans Kwoze

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Ifisus 5:18

Hol bê ye abay nmò yóm hlengel minum, yó se hemsidek klowil ye. Yó dé tles nmò ye, halak ye bè yóm Tulus Dwata.

1 Tisalunika 4:5

Bê ye abay gekteng du yóm nawa hdóyón, lómón yóm kul gel nmò yó kem tau là deng temngón ke Dwata.

1 Pitér 1:14

Hol nimón ye dé Dwata. Bê ye abay heskél yóm kmò ye bè yóm tehe tey dê nóyô ye gu laan ye là deng temngón ke Dwata he.

Glasya 5:21

Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.

Glasya 5:19

Tey dilô yó kem tau ke són yóm kul knóyô gónó le gel galak. Sal le gel mò samuk, ne là mólós kehedem le, ne dê nmò le yóm gónó le hemyak knô.

Sulat Jud 1:4

Yó gónóhu mon du nim ni, abay se deng wen ne kem tau hegbool lem blóng tekuy, kem tau laen dù klikò le ke Dwata, ne là dengen gdilô bélê ye yóm kesekban le. Deng tô tenles le yóm tahu tolok gbak ebè yóm któbóng Dwata tau. Yó tolok le, là sideken kun ke mò tekuy samuk, abay se gbek Dwata hmifót du. Ne sotuhen, kenbê le Jisas Krays ke du yóm gónó tekuy mogot. Deng tehe eles hsulat Dwata ekni yóm ktafaken kul.

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

Isaya 28:7

Balù yó kem tau tugod Dwata ne yó kem tau gel demsù ebè Dwata, sana gotu kegbót le hlengel se kul efet sónmò le mógów glénggé. Tey gedlug yóm gel kinum le botong le gel tlokob. Yó kem tau tugod Dwata yó, là bud gtukul le du ne ke wen tô hegfan Dwata bélê le. Ne yó kem tau gel demsù ebè Dwata, là bud gbek le kmukum du ke wen tau kmamo bélê le.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

2 Kurin 12:21

Sotu tnafa nawahu ke mógówe edyó, kô fen henyak Dwata ou lem blóng ye, ne angat btang lewoku ke dê tau tonu là deng hen-gsel le du yó kem sidek tehe nmò le, duhen yóm alì kektes le du yóm knóyô lówó le ne yóm kmò le samuk.

1 Kurin 12:2

Tngón ye se yóm kegen ye là deng temngón ke Dwata, tey kegtondo ye bè yóm gel kgalak ye bè yó kem dwata kéng, yó kem dwata là mowilen.

Sulat Pol Ebè Yó Kem Tau Hemtahu Bè Rom 13:13

Nmò tekuy dé yóm nmò segtón bè yóm kul kmò yó kem tau nô lem layag. Hol bê tekuy abay gel segduf hlengel, kô wen gónó tekuy hemyak knô tekuy. Hol bê tekuy abay mò samuk ne yóm dumu nmò gónó le semdekà tekuy. Bê tekuy sfatay. Bê tekuy nmò yóm sélés nawa.

Mark 7:22

ne mdà yehen, ne kesbì, ne yó kem dumu nmò sidek, ne smukat, ne yóm kekdol wen nô lemen, ne yó gel sélés nawa, ne yóm gel semtulón dumu tau, ne hegmón, ne yóm mò ungel.

Isaya 65:4

Ke kifu, gel le mógów ebè yó kem kilib gónó lembeng na le e htóbóng bè yó kem kul lóyóf yó kem tau deng matay. Ne gel utón le yóm sdô dsù le bè dwata kéng ne ninum le sóbówen, yóm là hkenu du kul.

2 Tutul Israél 15:8

Bè yóm kungol Asa du yóm tulón Asaraya ngà Udid yó yóm tau tugod Dwata, botong mfól nawahen. Gotu kóhen yó kem dwata kéng hentahu le bè klamang Juda ne Bindyamin ne bè yó kem benwu deng gleden gu lem yó kem bulul bè tonok Ifraim. Bud tenloben yóm gónó gel demsù ebè Dwata moni bè yóm gónó le gel husek elem yóm Gónô Dwata.

1 Bok Kem Tau Hol Geta 21:26

Tey kmoen du yóm nmò alì kenyak mlan bè ktabahen ebè yó kem dwata kéng, lómón yóm kul tehe nmò yó kem tau Amurayt yó kem tau tehe lo Dwata tukô gna yó kem tau Israél.

2 Samwél 13:28

Omin Absalum mon du bè yó kem tóbóng lówóhen, “Nangat ye ke deng alì lengel Amnon, ne ke wen ilô nmou bélê ye, hnatay ye. Bê ye abay hlikò, ou se mdók kuy. Hfól ye nawa ye, hnatay ye.”