1 Pitér 4:12 - Udél Dwata: Gna Kesfasad ne Lomi Kesfasad

¹² Ó kem weu, dou dumu sogot nawa, bê ye tennga yóm tey keglayam ye nim kmoen ni lemwót bè yóm kehtahu ye. Sana ni ne kmoen bè yó kem tau hemtahu, sal wen gónó le glayam.

1 Pitér 4:12 Referans Kwoze

2 Timuti 3:12

Ke wen tau hol sen-galuhen kguliten lanen mimón ke Krays Jisas, wen gónón glayam bè yó kem dumu tau là hemtahuhen.

1 Pitér 5:9

Hol hbegel ye yóm kehtahu ye bè Dwata ne hol natù ye Seitan. Abay se yóm keglayam ye ni, là kô són du yu gemnóm du. Gotu gnóm le snéen yó kem tau hemtahu bè klamangen benwu.

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

1 Kurin 3:13

Bè yóm kdaw kdà tekuy bè solu Krays, yó he kegfanen yóm deng leket tekuy du yó koni, ke hyu duhen ke là. Bè yóm kdaw yó, wen ofi gónó le tmilów du yóm gel nmò ket tau, nénég le ke là mlóben.

1 Pitér 4:4

Ne ni kmoen ni, tey ketnga yó kem tehe dumu ye gel mò sidek ekni, abay se là bud ye gel mung hbusaw bélê le. Yó se gónó le gel semdekà kuy.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.