1 Pitér 3:8 - Udél Dwata: Gna Kesfasad ne Lomi Kesfasad

⁸ Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

1 Pitér 3:8 Referans Kwoze

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Ifisus 4:31

Gotu kó ye yóm ksidek knawa ye bè kem dumu ye, ne yóm sidek knóyô lówó, ne yóm ksukeg nawa. Hol bê ye abay bud gel sefetê ne semdekà. Kó ye lem hendem ye yóm kessutó nawa.

Sulat Jim 3:17

Okóm yóm tau ke lemwót bè Dwata yóm ketngónen, laen kô dù belenen. Gel nmoen yóm gónón menek bè kem dumuhen, lelen ganag nawahen ne wen khulungen mit swè. Tey gel knoduhen kem dumuhen ne lelen hyu kmoen ebélê le. Là kô ton tekuy du béléen yóm nawa kmihu ne laen se kô lafinen yóm nawahen.

Ifisus 4:2

Hol dnalang ye dé yóm keheglaan ne yóm kganag nawa ne yóm khanay nawa. Hol hegfan ye yóm kesbong ye nawa bè yóm gel kessadat ye.

Sikaraya 7:9

“Ni se udél yóm Dwata laen dù là gbeken du. Hol nwit ye yóm kukum tedeng. Hegfan ye yóm kkodu ye yó kem dumu ye.

Kulasi 3:12

Yu se yó kem tau Dwata, kem tau kenbong nawahen, kem tau deng néléken mò kun nfun. Duhen yó, hol dnalang ye yóm nawa skodu ne yóm nawa sbasa, ne yóm keheglaan ye bè kem dumu ye. Ne hol dnalang ye snéen yóm kganag nawa ne yóm khanay nawa.

1 Kurin 12:26

Ke wen des gnómen yóm sotu nô bè lówó tekuy, tódô kdê le gemnóm du snéen. Senged nóm ke dóyón le yóm sotuhen, tódô kdê le se gemnóm du yóm kligalen.

Matyu 18:33

Moen de ke là knoduhem du kedumuhem lómón yóm deng dou kkodu kóm?’

1 Jan 3:14

Deng tngón tekuy se yóm deng kegewà tekuy gu lem hatay, ne yóm deng kili tekuy ebè yóm klowil laen dù sónen. Yó gónó ye temngón du, abay se bong nawa ye yó kem dumu ye. Okóm yóm tau ke là kenbong nawahen kem dumun, yó se yóm tau tolo golu elem hatay.

1 Kurin 1:10

Ó kem dumuhu setwoli, lemwót bè yóm kwalis deng blayen dou yóm gónó tekuy mogot Jisas Krays, wen hol hesgaluhu kuy, duhen yóm hol kessotu nawa ye anì là mesgólólen yóm kessotu kehedem ye anì segmung ke wen gel sensatul ye.

Kul Nmò 4:32

Tey tilob kessotu nawa le yó kem tau hemtahu bè Jisas. Balù yó kem kimu le, laen kô mtukul mfun du bélê le. Ke wen bélê le wen gónón élél, tódô sentóbóng le.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Hibru 13:1

Hol bê ye abay nmò sónen yóm kuy kesbong nawa, yakà deng ye baling setwoli ne lemwót bè kehtahu ye.

2 Pitér 1:7

Ne bè yóm kgulit ye yó, hol bud hmung ye du yóm kbong nawa ye kem dumu ye hemtahu. Ne bè yóm kbong nawa ye kem dumu ye hemtahu, hol homong ye yóm kdéen tau.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

Kem Lingón 103:13

Lómón yóm kbong nawahen kem ngaen yóm mà le, lómón yó se kbong nawa Dwata yó kem tau wen klikò le du.

Sulat Jim 5:11

Tódô tngón tekuy wen tey kligal le lemwót bè yóm kegbek le hbala. Deng gungol ye ne yóm tey kegbek Job hbala ekni, ne tngón ye se yóm tey któbóng Dwata du kogolen, abay se yóm gónó tekuy mogot, tey bong kkoduhen tau.

Sulat Jim 2:13

Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.

Flipay 3:16

Baluen ke lómón yó kehedem le, syan ke hol henkteng tekuy yóm deng klolò te du lemwót bè kbut yóm kehtahu te.

Sulat Pol Ebè Yó Kem Tau Hemtahu Bè Rom 15:5

Yó hem Dwata hol gónón lemwót yóm là kili nawa tekuy ne yóm gel kegduf nawa tekuy lemolò du. Hol benlayen yu he kessotu nawa bè kem dumu ye hemtahu, hol lómón yóm deng dnalang ye bè Krays Jisas,

Kul Nmò 28:7

Yóm tau mogot du yóm benwu yó, boluyen Publiyus. Moni bè yóm gónó me nô bè yó yóm kun tonok. Tey tilob khódóhen kum, hyu tinoken mi ebè gónóen. Tlu kdaw me nô bè yó bè gónóen.

Kul Nmò 27:3

Deng hayahen bè yó, dmuung me bè yóm sotu syudad boluyen Sidon. Tey hyu nawahen ebè Pol yóm kfitan Julyus, tódô bayaen yóm nan keslob bè yó kem dumuhen hemtahu bè yó anì wen tóbóng le du yóm wen muhen du.

Kul Nmò 2:1

Timbow deng kól yóm kdaw boluy le du Pintikus, deng le gotu stifun ne yó kem tau hemtahu bè Jisas bè yóm sotu gónô.

Kem Udél Hlalak Tehe Selumun 28:8

Yóm tau hgengónen kendengenen lemwót bè kkaf keswahen ne bè kongoen kem dumu tau, yóm kendengenen yó mom mógów ebè yóm tau gel masa yó kem tau élél.

Kun Snulat Luk 10:33

Là legenen bè yó, bud sut bè yó sotu tau, bede là Juhen, tau lemwót bè Samarya se kun. Timbow tonen yóm tau masà bè lan yó, ya tey kkoduhen du.

Ifisus 4:32

Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.