1 Pitér 3:7 - Udél Dwata: Gna Kesfasad ne Lomi Kesfasad

⁷ Senged se kuy kem logi deng myehen, hol gel hendem ye yóm kuy tuha libun, abay se là gsenged le du yóm kuy kgis. Hol gel nadat ye lu, abay se senged kguta le du se kul yóm klowil laen dù sónen lómón se yóm kuy. Hol nmò ye nim ni, anì laen dù gónón gseng yóm kni ye bè Dwata.

1 Pitér 3:7 Referans Kwoze

Kulasi 3:19

Ne yu kem logi deng myehen, hol kenbong nawa ye yó kem kuy tuha libun, ne bê ye abay hkosut knawa ye ebélê le.

Ifisus 5:33

Okóm gbak ebè yó kem tau syehen snéen. Ket logi, yake hol kenbong nawahen yóm kun tuha libun, lómón se yó nem kbong nawahen yóm kun knô. Ne yu kem libun, hol nadat ye yóm kuy tuha logi.

1 Kurin 7:3

Ne yó kem tau syehen, là hyuhen ke là steneb le. Yó dé hyu ke ket sotu bélê le eles hendem le gónón gsengel yóm kesyehen le.

Matyu 18:19

Ni mò hol sù ye bè nawa ye. Anien ke tek lewu tau mni bè Dwata, ne deng ssotu nawa le mni du yóm hni le, tódô blay Mà bè longit kul yóm hni le béléen yó.

1 Tisalunika 4:4

Ne kóyóen ke ket kuy sotu hol hfulung mafas nawan bè yóm knóyô lówóhen. Hyu ke laen dù belenen yóm gel nmò ye, ne ke eles ten-gama ye yóm kuy lówó.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Ifisus 3:6

Ni se hol lemen yóm tehe bunihen yó, duhen yóm kehlan Dwata du bè yóm Tulón Hyu yóm khomongen kuy yu kem tau là Juhen bè yó kem hyu blayen bè yó kem Ju. Deng ye tahu baling kun fes lówó Dwata snéen kuy, ne wen kuy du snéen yóm tehe fasad Dwata bè yó kem Ju hlanen bè Krays Jisas.

Job 42:8

Yó gónóm mon, mit ye ebè Job hitu safì tudu ne hitu se ubiha logi mò dsù hkekeb ye bè yóm kuy knô. Angat mni bélê ye Job yóm tau tóbóng lówóhu ne angat bnalau yóm hnihen yó ne là kô tafaku du kuy yóm tafak mò bang bayad yóm salà nmò ye. Yó tô gónóhu tmafak kuy abay se là tódóen yóm deng tulón ye lemwót gu béléu lómón yóm deng kun nmò Job yóm tau tóbóng lówóhu.”

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.

Ifisus 4:30

Bê tekuy nmò gónón blat nawa yóm Tulus Dwata. Yó gónó Dwata hemnô du bélê tekuy yóm Tulusen mò ilô yóm kfunen tekuy, ne yóm kdohò yóm kehewaen tekuy elem hulin kdaw.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

1 Pitér 3:1

Senged se kuy kem libun deng myehen. Hol gel nimón ye tuha logi ye, anì yó ke wen bélê le là hemtahu du yóm Udél Dwata, angat gwit ye lu tódô hemtahu lemwót bè yóm kton le yóm hyu kmò ye, baluen ke là bud wen udél ye ebélê le.