1 Pitér 3:5 - Udél Dwata: Gna Kesfasad ne Lomi Kesfasad

⁵ Hol lómón yó se tehe kul gel kehtilob yó kem libun hemtahu bè Dwata ekni, kem libun alì mogot nawa le bè Dwata. Nimón le kem tuha logi le.

1 Pitér 3:5 Referans Kwoze

1 Timuti 5:5

Yóm libun bolu tahu laen bang gónón ma, tek són Dwata dé gónón hefet nawan, ne là kóen skó tendo knihen bè Dwata, keten kifu ne keten kdaw.

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

1 Timuti 2:15

Okóm yó kem libun, tey gel któbóng Dwata kul bè yóm gel ksut blutut le. Ne gewà le lem yóm tafak Dwata ke tódô henlós le yóm kehtahu le, ne ke hol kenbong nawa le kem dumu le, ne ke laen dù belenen yóm gel kmò le, mung du yóm là kehton le dóyón.

Kul Nmò 9:36

Bè yóm sotu syudad boluyen Jupa, wen sotu libun boluyen Tabita nô du, libun hemtahu bè Jisas. (Yó boluyen bè Grik Durkas. Yó lanen yóm boluy yó, “uhu.”) Nim libun ni, tey hyu yóm gel nmoen, tódô senflósen gel tmóbóng yó kem dumun wen gónó le élél.

Kem Udél Hlalak Tehe Selumun 31:30

Yóm nawa olon hyu ta, gsukat du tau ne yóm ktilob libun, mahil lana, okóm megdóyón yóm libun kmikò ke Dwata.

1 Samwél 2:1

Omin Hana mni bè Dwata, monen, “Tey kehefligalen do Dwata. Ya tey któbóngen dou. Laen dù bud gónóhu myak ne bè yó kem hohonu, tey kligalu ne ni lemwót bè yóm tey któbóng Dwata do.

Hibru 11:11

Bud bè kehtahu Abraham snéen gónón wen ngaen, balù yóm deng tey ktuhahen. Ne yóm tuha libunen Sara, atil se kun. Tódô snaligen yóm tehe fasad Dwata du.

1 Timuti 2:10

Okóm hol knóón bélê le bè yó kem libun hemtahu ke hol hyu kmò le.

Kul Nmò 1:14

Ket kiwól le gel sbung bè yó na a mni bè Dwata. Wen se kem libun gel mung bélê le, dalang se ke Midi, Yê Jisas. Ne yó kem twoli Jisas, gel le mung snéen kul.

Kem Udél Hlalak Tehe Selumun 31:10

Mdangan gónó mton du yóm libun mò yehen hyu kmoen ne ke wen libun lómón yó kmoen tey hyu senta yóm kimu legen mebtes.

Ifisus 5:33

Okóm gbak ebè yó kem tau syehen snéen. Ket logi, yake hol kenbong nawahen yóm kun tuha libun, lómón se yó nem kbong nawahen yóm kun knô. Ne yu kem libun, hol nadat ye yóm kuy tuha logi.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.