1 Pitér 3:4 - Udél Dwata: Gna Kesfasad ne Lomi Kesfasad

⁴ Okóm yóm ktilob ye, yake bè nawa ye hol gónón lemwót, abay se yóm ktilob nawa yó, là kóen lana bélê ye. Ne tey hyu kton Dwata du yóm libun ke hol ganag ne menek nawahen.

1 Pitér 3:4 Referans Kwoze

Kulasi 3:12

Yu se yó kem tau Dwata, kem tau kenbong nawahen, kem tau deng néléken mò kun nfun. Duhen yó, hol dnalang ye yóm nawa skodu ne yóm nawa sbasa, ne yóm keheglaan ye bè kem dumu ye. Ne hol dnalang ye snéen yóm kganag nawa ne yóm khanay nawa.

1 Samwél 16:7

Okóm yó mon Dwata mò ke Samwél, “Béem tenngel yó dum keklóónen logi ne yóm ktahaen, sundu du yóm néléku. Yóm dou kélék là mkélen bè kélék tau. Yóm tau, són olo tonen yóm gfan ta, okóm yóm dou tenngel yóm nô lem nawahen.”

Sulat Pol Ebè Yó Kem Tau Hemtahu Bè Rom 2:29

Yóm hol tahu tau Ju, duhen yóm tau hol nô bè nawahen yóm kimónen ke Dwata. Là lemwóten bè yóm kwen kenleng bè lówó, bede lemwót bè yóm kegetles kehedemen mlan bè Tulus Dwata. Yóm tau lómón ni kegetles hendemen, hnebelen yóm kdóyón Dwata du, là hnebelen du yóm kdóyón kem dumu tau du.

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

Taytus 3:2

Bê le abay sentulón yó kem dumu tau. Bê le abay mit sgés. Yake hfulung le mit swè bè kem dumu le, ne hfulung le hemganag nawa le bè kdéen tau.

Matyu 23:26

Tey ye butô, yu kem Farisi. Na ye gna nolob lemen dé yóm tgayan anì baling mólós tahen snéen.

Sulat Pol Ebè Yó Kem Tau Hemtahu Bè Rom 7:22

Yóm hol nô lem hendemu, bong óyóu du yó kem hlau Dwata.

2 Kurin 4:16

Yó gónóm mon, là kô me na a tmakas mò du yóm hmò Dwata kum. Bong bè ni dum lówó me, sónmoen minut mtón gelen ket kdaw. Okóm bè yó dum kehtahu me, sónmoen temnù.

1 Tisalunika 4:11

Hol nmò ye dé yóm nmò mò gónón menek klowil ye, ne bê ye snolò yóm nmò yó kem dumu ye, ne hol ye heged mò nmò anì wen gónó ye ma, lómón yóm tehe hlolò me kuy ekni.

Ifisus 4:2

Hol dnalang ye dé yóm keheglaan ne yóm kganag nawa ne yóm khanay nawa. Hol hegfan ye yóm kesbong ye nawa bè yóm gel kessadat ye.

1 Pitér 3:15

Okóm hewót ye bè nawa ye dé mimón ke Krays, ne hol nadat ye, yakà du se yóm gónó ye mogot. Eles tendo hendem ye yóm kmò kbalà ye du ke wen tau smólók du yóm hendón nefet nawa ye.

1 Timuti 2:2

Homong hni ye béléen se yó kem tau hol geta bélê ye, ne yó kem dumu tau genlal. Yó gónó ye mutóm kul anì menek kbenwu tekuy, ne són nô bè nawa te yóm kadat te ke Dwata, ne yóm hyu kmò te bè yó kem dumu te tau.

Kun Snulat Luk 11:40

Tey kem tau nungel nim yu. Bè yóm kmò Dwata tau, là kô són du yóm gfan ta nmoen. Nmoen snéen yóm là gfanen.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Kem Lingón 25:9

Toloken yó kem tau hulung heglaan yóm tedeng, ne toloken kul yóm kun lan.

Sulat Jim 1:21

Yó gónóm mon, hol kó ye yó kem kdê gel nmò ye là mólósen, ne yó kem dumu sidek gel nmò ye. Nimón ye Dwata dé, ne henmóyô ye yóm udélen deng hnóen lem hendem ye, kaem yó se gembek hegewà kuy gu lem hatay.

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

2 Tisalunika 3:12

Yóm hlau hetgama me kul ni, hlan me bè boluy yóm gónó tekuy mogot Jisas Krays. Ni kem tau mduk ni, yake hol le heged mò nmò mò gónó le ma yóm kul klowil.

Matyu 5:5

Tey kehyuhen bélê le kul yó kem tau ke là hegeta le knô le bè kem dumu le, abay se angat guta le yóm deng fasad Dwata kul.

Kem Lingón 149:4

Abay se yóm Dwata, tey hligal bè yó kem tauhen. Wen ofol blayen yó kem tau hulung heglaan, duhen yóm kehewaen kul.

Kem Lingón 147:6

Gel tnóbóng Dwata yó kem tau hulung heglaan, okóm fen ndaen lem tonok yó kem tau gel mò sidek.

Sulat Pol Ebè Yó Kem Tau Hemtahu Bè Rom 6:6

Tngón tekuy se yóm gna klowil tekuy gu laan tekuy là deng hemtahu, tu se yóm klowil deng gomong bè Jisas bè yóm ktutuk le du bè kros, anì gomong tekuy matay ne laen dù bud kegbeken bélê tekuy yóm óyô mò sidek, ne là bud tekuy ghesek lem salà.

Kun Snulat Luk 16:15

Yó gónó Jisas mon du mò kul, “Tey dê nmò hegfan ye bè tau anì tedeng kton le kuy, okóm tódô tngón Dwata lem hendem ye. Yó kem alì mebtes bè kehedem tau, bè kton Dwata du, laen kô dù muhen.

Kem Lingón 51:6

Okóm yó gel sen-galuhem béléu yóm klaen dù kéngu lemwót bè kedket nawahu ebéléem, Ke yó se kóyóem béléu, Dwata, tolokem dou sen yóm khulung hedem lemwót béléem.

Kem Lingón 45:13

Ya tey ktiloben yóm ngà libun boi mangat lem dfélen, lemsek yóm nes knóón hnolu blówón.

1 Pitér 1:23

Wen lomi klowil blay Dwata tekuy hlanen bè udélen, yóm udél laen dù tul sónen. Là kóen lemwót bè kul klowil yó kem tuha tekuy yóm klowil yó, bede hol lemwót bè Dwata, yóm laen dù tul katayen.

Kulasi 3:3

Abay se hol lómón ke deng tekuy gomong matay bè yóm tehe katay Krays, ne wen lomi klowil tekuy là dengen gfan he nô ditu bè Krays, bè hol gónóhen nô Dwata.

Glasya 5:23

ne yóm khulung heglaan, ne khulung mafas nawa. Ke deng gotu glolò tekuy ni kem ni, laen kô dù gulé tekuy du yó kem hlau Musis.

Kem Lingón 131:2

Deng tódô gsengel nawahu ne dou, ne tey menek kegnómu du. Lómón yóm ngà deng henek hlilil te sigel yéen, hol lómón yó se yóm dou kenek nawa.

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.

Matyu 21:5

“Hol tulón ye yó kem tau menwu bè Sayun, mon ye, Ngem deng sut yóm tau hol geta bélê ye, tau là kóen hegeta knô, smakay asnu. Snakayen yóm nati asnu.”

Isaya 11:4

Tey tedeng kkukumen kul yó kem tau élél ne nfihen yó kem tau laen dù genbek le. Lemwót bè kun udél gónó le megtafak yó kem tau hemsidek kul ne gónó le matay yó kem tau sidek nmò le.

Sulat Pol Ebè Yó Kem Tau Hemtahu Bè Rom 1:23

Là kô dog hentahu le du yóm Dwata laen dù tul katayen. Deng mom yó hentahu le yóm dwata kéng kul lenbù nmò. Wen heskél le bè tau, igoen mahil matay yóm tau. Wen se heskél le bè onuk koyu, wen se bè ógóf, wen se bè ulal.