1 Pitér 3:2 - Udél Dwata: Gna Kesfasad ne Lomi Kesfasad

² Abay se ton le yóm klaen dù belenen yóm kuy kmò ne yóm tey kadat ye kul.

1 Pitér 3:2 Referans Kwoze

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

1 Pitér 1:15

Okóm ni, hol bê ye abay benelen sidek yóm kdê gel nmò ye, abay se là kóen gemsalà yóm Dwata deng mélék kuy. Yó gónóm mon, hol ye heskél béléen yóm klaen salaen.

Flipay 1:27

Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

2 Pitér 3:11

Ke lómón ni se yóm angat keglà Dwata du yóm kdéen, eles ye hol temgama sen ni kmoen ni anì là gomong ye lemen. Ke wen belenen yóm gel kmò ye, eles kó ye. Eles ye hol hgulit lemolò ke Dwata

Ifisus 5:33

Okóm gbak ebè yó kem tau syehen snéen. Ket logi, yake hol kenbong nawahen yóm kun tuha libun, lómón se yó nem kbong nawahen yóm kun knô. Ne yu kem libun, hol nadat ye yóm kuy tuha logi.

Kulasi 3:22

Ne yu kem tau klifen, hol gel nimón ye yó kem tau mfun kuy. Bê ye olo hton du ta ke wen nmò ye mò tô gónó le dmóyón kuy. Yake hol hewót ye lem but blutut ye yóm gel nmò ye lemwót bè yóm kadat ye du yóm gónó tekuy mogot.

Flipay 3:20

Okóm tólóng yóm bélê tekuy. Longit se benwu tekuy. Ne wen tey tendo hendón nangat tekuy ni kmoen ni, duhen yóm fen lemwà tekuy gu lem hatay, yóm gónó tekuy mogot Jisas Krays lemwót gu bè longit.

Ifisus 6:5

Ne yu kem tau klifen, hol gel nimón ye yó kem tau mfun kuy lemwót bè yóm kadat ye kul. Hewót ye lem but blutut ye yóm kimón ye kul, hol lómón se ke Krays yóm nimón ye.

1 Timuti 4:12

Hol gel tenngelem kdaem, Timuti, kô wen gónó le gemsanil kóm. Balù yóm hanà tolo klomihem lemnok, uu se mò senflénég kem dumum hemtahu bè kestulónem, bè kekdolem, bè kbong nawam kem dumuhem, bè kehtahuhem, bè kólós nawam.

1 Pitér 3:1

Senged se kuy kem libun deng myehen. Hol gel nimón ye tuha logi ye, anì yó ke wen bélê le là hemtahu du yóm Udél Dwata, angat gwit ye lu tódô hemtahu lemwót bè yóm kton le yóm hyu kmò ye, baluen ke là bud wen udél ye ebélê le.

1 Pitér 3:3

Bè yóm gel kehtilob ye, béen olo són bè yó kem gel hegfan ye ta, lómón yóm gel kmò ye yóm wek ye, ne yó kem ngom gel leket ye, ne yó kem nes gel lesek ye.