1 Pitér 3:12 - Udél Dwata: Gna Kesfasad ne Lomi Kesfasad

¹² Abay se yóm Dwata, là kô kó matahen du yó kem tau tedeng kmò le, ne sal gel henklinguhen yóm gel kni le béléen. Okóm yó kem tau gel mò sidek, hohonen lu.”

1 Pitér 3:12 Referans Kwoze

Kun Snulat Jan 9:31

Hónô tngón tekuy là kô hnungol Dwata du yóm tau gemsalà. Són olo hnungolen, són yóm tau madat du ne mimón du yóm kun kóyô.

Kem Udél Hlalak Tehe Selumun 15:29

Hlayuk du Dwata yóm tau gel mò sidek, okóm yóm tau tedeng kmoen hnungolen knihen.

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

2 Tutul Israél 7:15

Tendo knudungu yóm Gónô ni, hnungolu yóm kdê hni le bè yóm Gónô ni.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

2 Tutul Israél 16:9

Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.”

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Kem Lingón 65:2

abay se gel bnalaem yóm kni me ebéléem. Angat tódô kdéen tau bè klamangen benwu, gotu le mógów ebéléem

Kem Lingón 80:16

Gotu nofok yó kem hohon me yóm tehe huluhem yó, ne ntem le. Hol genlaem yó kem hohon me, Dwata, lemwót bè yóm tey kebutem kul.

Kem Lingón 11:4

Okóm yóm Dwata, nô bè yóm kun Gónô hol mólós. Ditu bè longit gónón myón kmamal. Ditu gónón lemwót temngel yóm kdéen tau, tey keheklol ketngelen kul.

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

Kem Lingón 33:18

Yóm Dwata, tendo bnenteyen yó kem tau wen klikò le du, yó kem tau gléd nawa le bè yóm là konolen yóm kbong nawahen kul.

Jirimaya 39:12

“Béen wen hemdes du ne hol sen-gyok ye. Tódô blay ye du kihu nóyóen.”