1 Pitér 3:11 - Udél Dwata: Gna Kesfasad ne Lomi Kesfasad

¹¹ Yake hol knogolen yóm sidek, ne tles nmoen yóm hyu. Ne hotuhen gelen mò du bè kem dumuhen tau yóm gónón menek nawa le.

1 Pitér 3:11 Referans Kwoze

Matyu 5:9

Tey kehyuhen bélê le kul yó kem tau ke hulung le semfyu kem dumu le, abay se angat bnoluy Dwata lu kem kun ngà.

Kem Lingón 34:14

Knogol ye yóm sidek, ne nmò ye yóm hyu. Hol tilów ye són gel ye mit kenek nawa bè kem dumu ye.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Sulat Pol Ebè Yó Kem Tau Hemtahu Bè Rom 14:19

Duhen yó, hol sen-galu tekuy mò yóm gónón menek nawa tekuy bè kem dumu tekuy, ne yóm mò gónó tekuy setgel bè kehtahu tekuy.

Kulasi 3:15

Wen yóm kenek nawa deng blay Krays. Nim kenek nawa ni mò gónó tekuy milô du yóm kun kóyô bélê tekuy Dwata. Yakà ni du gónón tmaba kut anì wen kenek nawa tekuy yóm kdê tekuy mò lówóhen. Ne hol gel dóyón tekuy dé Dwata.

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Sulat Pol Ebè Yó Kem Tau Hemtahu Bè Rom 12:18

Hol tilów ye són gel ye anì laen dù gónó ye mit sfatay bè kem dumu ye tau.

3 Jan 1:11

Ó Wè Gayus, béem dnalang kóm yóm nmò sidek. Yó dé dnalangem yóm hyu. Yóm tau gel hyu nmoen, yó se yóm tau deng nfun Dwata. Yóm tau gel sidek nmoen, là kô tngónen du Dwata.

Sulat Jim 4:17

Duhen yó, yóm tau ke deng tngónen yóm hyu, ne là dog nmoen du, yó se baling salaen.

Hibru 13:16

Ne bê tekuy abay klifót yóm ktilob kmò tekuy bè kem dumu tekuy tau ne yóm gel kestóbóng tekuy, abay se ni se mò henged dsù gónón hyu nawa Dwata.

1 Timuti 6:18

Yó dé hyu ke hol tnóbóng le yó kem dumu le tau. Yóm gel któbóng le kul yó, yó se henged kendengen le. Yake hol tnóbóng le yó kem tau élél.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Sulat Pol Ebè Yó Kem Tau Hemtahu Bè Rom 8:6

Ke són knóyô lówó gónón galak yóm tau, yó nefeten, hatay. Ke galak bè Tulus Dwata, yó nefeten, klowil laen dù sónen, ne wen kenek nawahen.

Sulat Pol Ebè Yó Kem Tau Hemtahu Bè Rom 7:21

Bè ktonu du, ni se kmoen yóm klowilu. Ket tô kmou yóm hyu, sal gel hegled yóm sidek.

Sulat Pol Ebè Yó Kem Tau Hemtahu Bè Rom 5:1

Duhen ni, deng baling tedeng ne kton Dwata tekuy mlan bè yóm kehtahu tekuy. Deng tekuy sefyu ke Dwata mlan bè Jisas Krays yóm gónó tekuy mogot.

Kun Snulat Jan 17:15

Là hnihu du béléem, Mà, ke kóhem lu lem benwu. Okóm yó hol hnihu béléem anì kenlungem lu bè Seitan.

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

Matyu 5:45

anì mkél tekuy bè yóm kut Mà bè longit. Ngem se kun, tódô gel homong hnóngen yóm kdaw ebè yó kem tau sidek nmò le. Senged se bè yóm kulón, là són du bè yó kem tau tedeng kmò le gónó Dwata hkulón du. Gomong snéen yó kem tau là tedeng kmò le.

Kem Lingón 37:27

Hol knogolem yóm sidek, tles nmoem yóm hyu. Ke ni se nmoem, angat le henek menwu bè yóm tonok tehe fasad Dwata kuy yó kem semfu gu béléem.

Sulat Pol Ebè Yó Kem Tau Hemtahu Bè Rom 7:19

Là kô dog gmou du yóm hyu tô nóyô nmou, okóm mom yó gmou, yóm sidek alì kenbéu.

Kun Snulat Luk 6:35

Okóm kuy du,” mon Jisas. “hol kenbong ye nawa yó kem hohon ye, hol henyu ye kmò ye ebélê le. Ke hutóng ye, bê ye bud snolò. Ke lómón se ni gel nmò ye, tey angat ofol ye, ne angat ngaen yu yóm Dwata alì geta bè kdéen. Abay se yóm Dwata, balù yó he kem tau laen dù nawa skodu bélê le ne yó kem tau sidek nmò le, ewenem sana tey kkoduhen kul.

Kun Snulat Luk 6:9

Ne mon Jisas mò yó kem tau sbung, “Wen snólóku bélê ye. Tedu se yóm bang nmò bè yóm Kdaw Kehegnô anì là gsalà tekuy du yóm hlau tekuy? Hyu kô ke tnóbóng tekuy kem dumu tekuy, duhen ke hensidek tekuy lu? Ke lenowil tekuy sotu tau, duhen ke hnatay tekuy?”

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

Mark 14:7

Hyu he kul yó kem tau élél, eles le tendo nô lem blóng ye, mahil bélê ye tmóbóng kul. Là dou.

Kem Udél Hlalak Tehe Selumun 16:17

Knogolen yóm sidek yóm kun kmò klan yóm tau tedeng kmoen ne yóm tau ten-gamahen kmoen, henyuhen klowilen.

Kem Udél Hlalak Tehe Selumun 16:6

Mlan bè kogot nawa ne kteneb tau bè Dwata gónón hmifót salaen ne mlan bè klikò tau ke Dwata gónón gemkogol yó kem nmò sidek.

Kem Udél Hlalak Tehe Selumun 3:7

Béem tô hendem deng tey bong ne dou khulung hedem. Yake hol knikoem Dwata ne béi bud mò sidek.

Kem Lingón 125:4

Ó Dwata, hol nmoem yóm hyu bè yó kem tau gel mò du yóm hyu, bè yó kem tau gel mimón yó kem hlauhem.

Job 2:3

Mon Dwata se mò du, “Tonem Job kô, yóm tau tóbóng lówóhu? Laen dù tau talak tonok ke gemsenged du. Laen dù gónó le gemsanil du kem dumu tau. Tau gulit knawahen, lelen tey klikoen do ne tendo gel hetsik bè yóm sidek. Efet yóm kmoen ni, tey kguliten balù yóm tey kubugem dou anì lusu uu mò hemsidek du balù yóm klaen dù duónem du.”

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

1 Pitér 3:12

Abay se yóm Dwata, là kô kó matahen du yó kem tau tedeng kmò le, ne sal gel henklinguhen yóm gel kni le béléen. Okóm yó kem tau gel mò sidek, hohonen lu.”