1 Pitér 3:1 - Udél Dwata: Gna Kesfasad ne Lomi Kesfasad

¹ Senged se kuy kem libun deng myehen. Hol gel nimón ye tuha logi ye, anì yó ke wen bélê le là hemtahu du yóm Udél Dwata, angat gwit ye lu tódô hemtahu lemwót bè yóm kton le yóm hyu kmò ye, baluen ke là bud wen udél ye ebélê le.

1 Pitér 3:1 Referans Kwoze

Kulasi 3:18

Yu kem libun deng myehen, hol ye gel heglaan bè kem kuy tuha logi, yakà yó du yóm hol knóón bè yóm libun deng hemtahu.

Ifisus 5:33

Okóm gbak ebè yó kem tau syehen snéen. Ket logi, yake hol kenbong nawahen yóm kun tuha libun, lómón se yó nem kbong nawahen yóm kun knô. Ne yu kem libun, hol nadat ye yóm kuy tuha logi.

1 Kurin 11:3

Okóm ni wen hentukulu bélê ye. Yóm gónó le kmulu yó kem logi, duhen Krays. Yóm kul gónó kmulu yó kem libun, duhen bè kem tuha logi le. Ne yóm gónó Krays kmulu, duhen Dwata.

1 Kurin 7:16

Yó gónón tódô mayà du yóm yehenen là hemtahuhen yó, abay se là kô tngónen du ke angat gbeken mit du bè solu Dwata, duhen ke là.

Tekang Kbuten 3:16

Ne yó bud mon Dwata ebè yóm libun, “Angat tennuu yóm ksidek kegnómem du bè yóm keblututem, ne hol hdesu yóm ksut blututem. Baluen se ke lómón yó kmoen, là kóen mkó óyóem du yóm tuha logihem, ne du se gónóhem kmulu.”

1 Pitér 3:7

Senged se kuy kem logi deng myehen, hol gel hendem ye yóm kuy tuha libun, abay se là gsenged le du yóm kuy kgis. Hol gel nadat ye lu, abay se senged kguta le du se kul yóm klowil laen dù sónen lómón se yóm kuy. Hol nmò ye nim ni, anì laen dù gónón gseng yóm kni ye bè Dwata.

Sulat Pol Ebè Yó Kem Tau Hemtahu Bè Rom 7:2

Hlingónu bè yóm libun deng myehen. Yóm hlau bè kesyehen mfét du bè yóm igoen tolo mowil yóm tuha logihen. Okóm ke deng matay yóm tuha logihen, laen dù bud kwalisen béléen ne yóm hlau bè kesyehen mfét du yó.

1 Kurin 14:34

Bè yóm gel ksimba ye, là hyuhen ke lu fen gel mudél. Deng tulónen bè hlau yó kem Ju là hyuhen ke libun fen malak kem logi.

Matyu 18:15

“Ke wen gónón gemsalà béléem yóm dumuhem hemtahu, tódói mógów ebéléen, ne sentulón ye són yu lewu ye yóm salaen béléem. Ke hnungolen uu, bud mulék hyu yóm keswè ye.

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Sulat Pol Ebè Yó Kem Tau Hemtahu Bè Rom 6:17

Tehe ye ghesek bè yóm óyô ye mò sidek, okóm ni gónóhu hol dmóyón ke Dwata abay se deng hol nô bè nawa ye mimón du yóm ktahuhen lemwót gu bè Dwata.

Kem Udél Hlalak Tehe Selumun 18:19

Ke wen gónó le sgulé yó kem tau swè tey mgel semfyu kul senta yóm mled sotu benwu bong ne senged se yó kem tau sbólów tey mgel semfyu kul.

Kem Udél Hlalak Tehe Selumun 11:30

Lemowil béléen kem dumu tau yóm tau tedeng kmoen ne yóm tau hulung hedem niten ebè Dwata kem dumun.

1 Pitér 4:17

Deng hto ne yóm buteng Dwata kmukum tau, ne fen hegnahen yó kem tau nogoten. Ke nbuten bélê tekuy, mò kmoen se bè yó kem tau là mimón du yóm Tulón Hyu lemwót gu bè Dwata?

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Sulat Pol Ebè Yó Kem Tau Hemtahu Bè Rom 10:16

Okóm là kô kdê le du hemtahu du yóm Tulón Hyu yó. Hol mkél bè yóm sotu tehe mon Isaya ekni, yóm monen, “Ó Dwata, là holen wen tau hemtahu du yóm gel tulón me.”Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

1 Pitér 3:2

Abay se ton le yóm klaen dù belenen yóm kuy kmò ne yóm tey kadat ye kul.