1 Pitér 2:9 - Udél Dwata: Gna Kesfasad ne Lomi Kesfasad

⁹ Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

1 Pitér 2:9 Referans Kwoze

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

Deng Hegfan 1:6

ne deng henbalingen tekuy kem tau mò nogoten, kem tau mò gel blóng kem dumu tau ebè Dwata, yóm Maen. Bê tekuy lensón yóm kdóyón tekuy du. Laen kô dù sónen yóm tey kegetahen ne yóm tey kfasangen kmamal yóm klamangen.

Deng Hegfan 5:10

Deng nmoem lu kem tau mò nogot Dwata, kem tau mò blóng kem dumu le tau ebè Dwata. Lu se yó kem tau angat mogot benwu te tonok.”

Isaya 61:6

Yó angat boluy le kuy, kem tau mò blóng ebè Dwata ne kem tau tóbóng lówó Dwata. Angat tey kehyu nawa ye du kuy yó kem kendengen lemwót bè dumu benwu, tey kegsengel nawa ye mfun du.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Dwata 10:15

Balù yóm tey kegeta Dwata ewenem yó, kem kuy fù he yóm kenbong nawahen. Ne yu se yó kem tau semfu gu bélê le deng néléken yu senta yóm kdéen tau nô talak tonok. Yu se yó kem tau deng néléken efet ni.

Isaya 26:2

Hennas ye dé yó kem bak tikeben ne hfusek ye yó kem tau teneb klolò le ke Dwata, yó kem tau gel mò du yóm tedeng.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Deng Hegfan 20:6

Tey kehligal yó kem tau matay gomong hlowil Dwata bè yóm tanay kehlowilen tau yó, ne tey bong kehyuhen bélê le. Là se kô le mlan lem lanaw ofi, yóm gel mon le gewuhen dulék matay tau. Ni kem tau hlowil Dwata ni, lu se yó kem tau fen gel blóng kem dumu tau ebè Dwata ne ebè Krays. Gotu le mung kmamal bè Krays bè yóm lemibu halay.

Kem Lingón 33:12

Ya tey kehligal yó kem tau bè kihu benwu ke Dwata hol kul gónó mogot. Hligal le se kul yó kem tau nélék Dwata mò kun tau.

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

1 Kurin 3:17

Ke wen tau hemsidek du yóm kun gónô Dwata, angat hensidek Dwata yóm tau yó. Abay se ngalihen bè kem sidek yóm kun Gónô Dwata, ne tekuy se yóm kun gónô yó.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Isaya 41:8

Yó udél Dwata, monen, “Yu kem tau Israél, hono kem dou tóbóng lówó. Deng néléku yu kem tau semfu gu bè yóm tehe weu Abraham.

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

Flipay 3:14

Yó gónóm mon, tódô henktengu yóm dou klóy efet gutahu yóm ofol blay Dwata do, duhen yóm klowil bè longit, yóm tehe tabahen dou hlanen bè Krays Jisas.

Isaya 44:1

Yó udél Dwata, monen, “Hol ye hmungol, kem tau Israél, kem tau tóbóng lówóhu. Yu se kem tau deng néléku, kem tau semfu gu bè tehe Jakub.

Matyu 4:16

Hol lómón ke tau le nô lem gónón kmifu, okóm angat wen tey layag ton le. Deng le golu elem hatay, okóm angat hlayagen ebélê le yóm layag yó.”

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

Kem Lingón 106:5

anì gbóte se do bè kehyu klowil yó kem tau deng nélékem, ne anì gbóte hligal bè yó kem tauhem, ne munge bélê le dmóyón kóm.

Sulat Pol Ebè Yó Kem Tau Hemtahu Bè Rom 9:24

Duhen tekuy se yó kem tau deng tnabahen. Là sónen du kem Ju tnabahen, okóm gomong le snéen kul yó kem tau là Ju le.

Kul Nmò 26:28

Bnalà Agripa Pol, monen, “Yó kô hendemem ke kendel tô henbalingem ou tau hemtahu bè Jisas?”

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Kem Lingón 73:15

Ke deng tehe btang bè sumóngu yóm kehedemu yó koni, là nmou du dilóu yóm kun kmò yóm tau Dwata.

Kem Lingón 22:30

Yó kem tau hulin kdaw, gotu le mimón béléen. Bud tles tulón le se kul bè kem lugod le yóm deng nmò Dwata.

Ifisus 1:14

Lemwót bè yóm knóen bélê tekuy yóm Tulus Dwata, yó gónó tekuy temngón du dohò kguta tekuy du yó kem tehe fasad Dwata bè yó kem kun tau, ne dohò snéen yóm hol tahu kehewaen tekuy. Yó gónóm mon, hol gel dóyón tekuy dé yóm tey kehyuhen yóm kut Dwata.

Kun Snulat Jan 17:19

Hogotu kóm yóm do klowil mò lanu tmóbóng kul, anì hogot le kóm se yóm kul klowil.

Ifisus 3:21

Yake hol megdóyón dé Dwata lemwót bélê tekuy kem tau hemtahu béléen, ne bud megdóyón snéen lemwót bè Krays Jisas. Yóm kegdóyónen yó, yake béen abay wen sónen.

1 Samwél 12:22

Yóm Dwata, là kô nan e tódô bayà kul yó kem kun tau deng nélék. Ke bayaen lu henyaken yóm kun boluy. Tey kehyu nawahen bè yóm kehbalingen kuy mò kun tau.

Kem Lingón 118:27

Dwata se yóm gónó tekuy mogot. Tey hyu yóm deng nmoen bélê tekuy. Nbut tekuy yóm kehligal nmò kuy béléen. Mógów ye lemibut yóm gónó ye gel demsù ebè Dwata, kmulóng ye kem ngà hanga koyu.

Kem Lingón 135:4

Abay se deng nélék Dwata Jakub mò kun, nfunen yó kem tau Israél mò hol gónón nô nawahen.

Malakay 3:17

Yó udél yóm Dwata laen dù là gbeken du, monen, “Lu se yó kem dou tau. Ke hto yóm butengu tmafak tau, lómón ke lu yó kem kimu legen alì mebtes htólóngu mò dou nfun. Là kô tnafaku kul mom knoduhu lu, lómón kkodu yóm mà yóm ngaen logi tendo gel mimón du.

Dwata 18:2

Yó kem sfu Libay laen dù tonok le kul, là lómón du yó kem dumu le Israél. Yó kul ólól yó kem sfu Libay, duhen yóm keseblóng le tau ebè Dwata lómón yóm deng fasad Dwata kul.