1 Pitér 2:7 - Udél Dwata: Gna Kesfasad ne Lomi Kesfasad

⁷ Yóm botu monen yó, alì bong muhen bélê ye, yu kem tau hemtahu. Okóm bè kem tau là hemtahuhen, wen monen bè Sulat Dwata, yó monen, “Wen botu deng senkbê yó kem tau hemdà gónô, ofo kul ke laen dù muhen. Igoen són yó yóm botu bong muhen bè kdéen.”

1 Pitér 2:7 Referans Kwoze

Matyu 21:42

Omin Jisas bud mon du mò kul, “Tahu se yóm mon ye. Deng gesfala ye kô kuy yóm tehe mon Dwata bè Sulaten, ‘Wen botu deng senkbê yó kem tau hdà gónô, ofo kul ke laen dù muhen. Anì monem, yó se yóm hol tahu botu mò hembegel du yóm gónô hdà le. Yó se yóm deng nmò Dwata, ne tey kehtaw tekuy du yóm nmoen yó.’

1 Pitér 2:8

Ne wen sotu monen bè Sulat Dwata, yó monen, “Yó se yóm botu angat geslob yó kem tau, ne hlós le tlokob du.” Tahu se yóm yó. Tlokob le du lemwót bè yóm là kimón le du yóm Udél Dwata. Tu se tehe eles olu Dwata ebè yó kem tau là mimón le.

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Hibru 11:31

Bè yóm benwu deng gbà yó, wen sotu libun nô du boluyen Rahab, tehe libun sundal. Lemwót bè yóm kehtahuhen bè Dwata, là homong hnatay le du bè yó kem dumu tau là mimón ke Dwata bè yó. Yó gónó le là hmatay du, abay se tehe tnóbóngen yó kem tau tehe na a hemkana bè benwuhen.

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Kulasi 2:10

Ne bélê ye se kuy, lemwót bè yóm deng kessotu ye bè Krays gónó ye gbót ne bè yóm klowilen yó. Du se hol geta senta yó kem kdéen mtulus deng wen nogot le te tonok ne wen kwalis le.

2 Kurin 2:16

Bè tu kem tau tolo golu elem hatay, lómó kul kungef du, hol lómón ke boo sidek mò gónó le matay. Okóm bè yó kem tau deng gewà, lómón kul kungef du, hol lómón ke boo alì minggel mò gónó le mowil. Nim nmò me ni, laen kô dù tau gembek mò du ke tódô óyóen.

Sulat Pol Ebè Yó Kem Tau Hemtahu Bè Rom 15:31

anì laen dù lan le hemsidek dou yó kem tau là hemtahuhen bè prubinsya Judiya. Ne hol hni ye dou bè Dwata anì henmóyô yó kem kun tau Dwata bè Jirusalim yóm tóbóng nitu ebélê le.

Sulat Pol Ebè Yó Kem Tau Hemtahu Bè Rom 10:21

Okóm tólóng yóm mon Dwata gbak ebè yó kem tau Israél, yó monen, “Tey mgel kulu le, là dog le mimón. Tódô sónmou tendo hemkól kul, okóm là kô kenmón le do.”

Kul Nmò 26:19

Bud mon Pol, “Yóm deng hegfan Dwata béléu ni, Datù Agripa, hol là gbeku du ke là nimónu du.

Kun Snulat Jan 4:42

Ne mon le mò yóm libun yó, mon le, “Là kô són du bè yóm kóm tulón kum gónó me hemtahu, okóm ni deng na me bud gungol se kum, ne tngón me du se yóm lemwà kem tau lem salà le.”

Kun Snulat Luk 20:17

Ne tódô tenngel Jisas lu, ne monen mò kul, “Tedu kmò keglileb ye du kuy yóm tehe mon Dwata bè sulaten, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, tek sónen yó se botu alì bong muhen mò hbegel yóm gónô hdà le.’

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Sikaraya 4:7

Baluen ke kbongen bulul he tô hemseng ke Sirubabél, botong sentunalu. Ominen yó, du hemsù du yóm hol són botu mò hdeng yóm dou Gónô ne yóm igoen mò du, angat le gotu mensag yó kem tau, yó tendo sensulit mon le, ‘Hol dóyón tekuy Dwata yóm deng kdeng yóm kun Gónô.’ ”

Hagay 2:7

Angat genbau kdéen dumu benwu. Ne yóm kdê kendengen le, gotu nit le ebè ni mò heklóón yóm dou Gónô. Angat tódô hnok kendengen lem yóm dou Gónô.

Isaya 28:5

Okóm angat kól yóm kdaw Dwata htótól yó kem dù tau tebel bè Israél, hol lómón ke du yóm bulók là menesen suub bè kulu le. Yó se nmò yóm Dwata laen dù là gbeken du.

Kun Snulat Luk 2:34

Omin Simyun mni bè Dwata bélê le. Ne ominen mon du mò ke Midi, yóm yê Jisas, monen, “Nim ngà ni, deng eles nélék Dwata mò gónóhen lemwót tmafak yó kem dumu tau Israél, ne mò gónón lemwót lemwà kul gu lem hatay yó kem dumu. Du se ilô lemwót gu bè Dwata, okóm angat tey dê tau semkbê du.

1 Pitér 2:4

Hol ye hloni ebéléen dé. Du se yóm bemlay du kuy yóm klowil laen dù sónen. Hol lómón ke du yóm botu deng kenbê yó kem tau gel hemdà gónô, ofo kul ke botu laen dù muhen. Igoen du he yóm botu bong muhen deng nélék Dwata.