1 Pitér 2:3 - Udél Dwata: Gna Kesfasad ne Lomi Kesfasad

³ Lómón se yóm monen bè Sulat Dwata, yóm monen, “Deng gtób ye ne kóó yóm tey kehyuhen yóm gónó ye mogot.”

1 Pitér 2:3 Referans Kwoze

Kem Lingón 34:8

Tilów nimónem Dwata dé anì gnómem yóm tey kehyuhen. Bong kligal le kul yó kem tau gel hofin béléen.

Kem Lingón 63:5

Angat tey kegsengel nawahu du yóm kehlonihu béléem, hol lómón ke hdengene mken bè yóm mò ken bong. Hligale lemingón béléem mò gónóhu dmóyón kóm.

Sikaraya 9:17

Ya tey angat klendey mton kul. Angat le kemgis yó kem lomi lemnok, logi duhen libun, lemwót bè yóm tey halay le ne tifas grép le hanà lomi.

Kem Lingón 24:8

Tau du se yóm hol dandónen geta yó? Du se yóm Dwata hol gónó mogot, yóm hol kemgis, yóm hol gembek, yóm tendo gel gemmò bè yó kem hohonen.

Kem Lingón 9:10

Yó kem tau temngón kóm, Dwata, són uu snalig le. Abay se là kô nem e gel bayà kul yó kem tau hmebel kóm.

Taytus 3:4

Okóm deng gfan bélê tekuy yóm kun kganag nawa Dwata ne yóm kun kbong nawa tekuy, yó gónón lemwà tekuy gu lem hatay.