1 Pitér 1:8 - Udél Dwata: Gna Kesfasad ne Lomi Kesfasad

⁸ Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

1 Pitér 1:8 Referans Kwoze

Kun Snulat Jan 20:29

Mon Jisas se mò du, “Yó kô olo gónóhem hemtahu béléu lanem deng mton do? Bong kligal le kul yó kem tau hemtahu béléu anien ke là ton le do.”

2 Kurin 5:7

Bè nim klawi tekuy mowil te tonok ni, tódô henlel tekuy smalig du yóm gónó tekuy mogot, balù yóm là kton tekuy du.

Sulat Pol Ebè Yó Kem Tau Hemtahu Bè Rom 15:13

Yó hem Dwata hol bemlay kuy yóm kligal ne yóm kenek nawa lemwót bè yóm deng kehtahu ye béléen. Du se yóm nefet nawa tekuy. Ne lemwót bè yóm tey kfasang yóm Tulus Dwata gónón hol seflós temnù yóm hendón nefet nawa ye.

Hibru 11:1

Ke wen kehtahu tekuy bè Dwata, bè yó gónó tekuy temngón du tahu dohò kguta tekuy du yóm hendón nefet nawa tekuy, ne tahu dohò kton tekuy du yóm là deng ton tekuy du he.

Kun Snulat Jan 16:22

Senged se kuy, tolo ye langag ni kmoen ni. Okóm sok tekuy bud ston, bud wen tey kligal ye. Ne laen kô dù tau gembek mkó du bélê ye yóm kligal ye yó.

2 Kurin 4:18

Là kô kenteng mata me du yóm dê ton talak tonok, olo kem hlunen yó du kem yó. Okóm yó dé hol sen-galu nawa me yóm kimu bè longit, yóm là deng sulék ton mata du, kimu laen dù tul sónen.

1 Pitér 1:6

Yó gónóm mon, hol ye hligal baluen ke dê gónó ye glayam nim kmoen ni. Tek olo likóten yóm keglayam ye yó mò gónó Dwata tmilów kuy.

Hibru 11:27

Yóm tehe ktagak Musis yóm benwu Idyip, lemwót bè yóm kehtahuhen bè Dwata là kóen dog likò bè yóm tey kebut Faro du. Hol lómón ke deng eles tonen Dwata, yóm là ton mata tau du, ne yó se hol nimónen.

1 Pitér 2:7

Yóm botu monen yó, alì bong muhen bélê ye, yu kem tau hemtahu. Okóm bè kem tau là hemtahuhen, wen monen bè Sulat Dwata, yó monen, “Wen botu deng senkbê yó kem tau hemdà gónô, ofo kul ke laen dù muhen. Igoen són yó yóm botu bong muhen bè kdéen.”

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

1 Pitér 5:4

Ne ke bud semfulék edini Jisas, yóm semgyok ubiha hol geta bè kdéen, wen tey ofol blayen kuy, yóm ofol là kóen monol yóm alì kehyuhen.

Ifisus 6:24

Dwata he hol tmóbóng yóm kdéen tau là monol nawa le ebè yóm gónó tekuy mogot Jisas Krays.

Flipay 1:25

Deng eles tngónu tolo wen lanu tmóbóng kuy. Bè yó gónóhu temngón du là tagade matay, tódô henlósu nô lem blóng ye anì naw na hol gtóbóng yu bè kehtahu ye, ne anì metnù kligal ye du snéen yóm kehtahu ye yó.

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Kun Snulat Jan 14:24

Yó se tau là kembong nawa do, là kô nimónen du yóm dou tolok. Ne yóm gel toloku kuy ni, là kóen lemwót béléu. Hono lemwót bè Mà, yóm hógów do.

Kun Snulat Jan 8:42

Mon Jisas se, “Ke Dwata se hol Mà ye kaem bong nawa ye dou, abay se béléen gónóhu gu lemwót ne ni se denge kól dini. Là kô lenbuu du yóm kógówu edini, hol du se hógów do.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

2 Kurin 12:4

Ne bè yóm knóen ditu, wen tey gungolen, bede là bud gbeken tmulón du bè udél tau, là kô gbek tau bud tmulón du.

2 Kurin 9:15

Yó ne, hol dóyón tekuy dé Dwata bè yóm keblayen du tekuy yóm Ngaen, yóm blay là gbek tekuy hmingón du btesen.

2 Kurin 1:22

ne deng blayen tekuy yóm Tulusen mò ilô yóm deng kfunen tekuy, ne mò ilô yóm angat kdohò kguta tekuy du yóm kdê deng eles hentifesen bélê tekuy.

Kul Nmò 16:34

Ominen mit kul le Pol elem gónóen, ne henkenen lu. Ya tey kehligal le yóm kdê le, abay se deng le gotu hemtahu bè Dwata.

Kun Snulat Jan 14:21

Yó se tau hemmóyô du yóm dou hlau ne mimón du, yó se yóm tau kembong nawa do. Ne angat kenbong nawa Mà snéen kun yóm tau kembong nawa do yó. Tey kbong nawahu du snéen dou, ne angate hegfan béléen.”

Kun Snulat Jan 14:15

“Ke kenbong nawa ye o,” mon Jisas, “nimón ye sen yó kem dou hlau.

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

1 Kurin 16:22

Yóm tau là kembong nawa du yóm gónó tekuy mogot, yake hol megtafak. Marana ta. Yó lanen, “Ó Gónó Mogot, géhéli bud semfulék ne.”

Ifisus 3:19

Kóyóu ke hol gnóm ye yóm tey kbong nawahen kuy. Ewenem yóm nawahen tekuy yó, là kô hol glileb tekuy du yóm mò kmoen. Ke deng tahu gnóm tekuy nim ni, hol lómón ke deng tekuy skél bè yóm kun kmò Dwata.