1 Pitér 1:13 - Udél Dwata: Gna Kesfasad ne Lomi Kesfasad

¹³ Duhen yó, hol sù ye bè nawa ye sen yóm kimón ye ke Dwata. Bê ye hningay. Hol ken-gel ye nawa yóm hyu angat blay Dwata kuy bè yóm kdaw kesfulék Jisas Krays edini.

1 Pitér 1:13 Referans Kwoze

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

Kun Snulat Luk 12:35

Yó bud mon Jisas mò kul, monen, “Eles ye hol htifes. Lómón yó kem tau sónmò le tendo hemku yóm kulék yóm gónó le mogot gu bè yóm ken nuluhen. Deng le eles htifes, ne deng le eles hemtom solok, anì duhe kóm, ke sok kól yóm gónó le mogot ne tmaba, tódô kendel lenungkà le béléen yóm tikeb bak dól.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

1 Pitér 3:15

Okóm hewót ye bè nawa ye dé mimón ke Krays, ne hol nadat ye, yakà du se yóm gónó ye mogot. Eles tendo hendem ye yóm kmò kbalà ye du ke wen tau smólók du yóm hendón nefet nawa ye.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.

1 Jan 3:3

Ke yó tendo nefet nawahen yóm tau yóm angat kkélen ke Krays, béen abay nmò belenen yóm gel nmoen, abay se yóm Krays, laen kô belenen yóm kun kmò.

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

Ifisus 6:14

Duhen yó, eles tekuy gel htifes dé. Yó henged hilet mget bè ówók tekuy, duhen yóm klaen dù kéng tekuy. Yó henged onit eles tendo gel lesek tekuy, duhen yóm ktedeng nawa tekuy.

1 Kurin 1:7

deng tódô ket du ne yóm kenhulung blay Dwata kuy bè yóm igò ye tolo semsangat du kkólen yóm gónó tekuy mogot Jisas Krays.

Kun Snulat Luk 17:30

Angat bud lómón yó se kmoen yóm angat kesfulék yóm Ngà Tau.

Hibru 10:35

Duhen yó, bê ye lensón yóm là klikò ye yó. Ke là gkó ye du, angat wen tey ofol ye.

Hibru 6:19

Yóm hendón nefet nawa monu yó koni, hol lómón ke hihol yóm klowil tekuy. Angat dohò kton tekuy du, abay se deng eles nô ditu Jisas bè yóm hol gónóhen nô Dwata. Yó gónón là megewu nawa tekuy mangat du.

Hibru 3:6

Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.

2 Timuti 4:5

Okóm kóm, hol tenngelem kmoem. Hol henbalahem yóm gel keglayamem. Hol gel nwitem yóm Tulón Hyu. Béem tenflok yóm hmò Dwata kóm.

1 Kurin 13:13

Duhen ni, wen tlu yóm laen dù mtukul sónen, duhen yóm kehtahu tekuy bè Dwata, ne yóm hendón tekuy béléen, ne yóm kesbong tekuy nawa. Ne bè nim tlu ni, yó alì bong muhen, duhen yóm kesbong tekuy nawa.

Sulat Pol Ebè Yó Kem Tau Hemtahu Bè Rom 13:13

Nmò tekuy dé yóm nmò segtón bè yóm kul kmò yó kem tau nô lem layag. Hol bê tekuy abay gel segduf hlengel, kô wen gónó tekuy hemyak knô tekuy. Hol bê tekuy abay mò samuk ne yóm dumu nmò gónó le semdekà tekuy. Bê tekuy sfatay. Bê tekuy nmò yóm sélés nawa.

Job 40:7

“Hbegelem kdaem, Job, hol bnalaem yó kem bud sólóku kóm.

2 Tisalunika 1:7

ne kóhen ta ye yóm gel keglayam ye, dalang se yóm kum gel keglayam. Yó he kmò Dwata du nim ni sok kól yóm gónó tekuy mogot Jisas gu bè longit, mung du yó kem gel hógówen alì mfasang.

Jirimaya 1:17

Yó ne, Jirimaya, elesi htifes. Géhéli lemwót nam e tulón kul yóm kdê htulónu kóm. Béi abay hlikò bélê le. Ke likoi bélê le, bud tennuu he yóm klikoem yó ke mdai bè solu le, ne tey kebà nawahem.

Isaya 11:5

Sal hlanen bè ktedengen ne bè ktahuhen yóm kogoten tau.

1 Bok Kem Tau Hol Geta 18:46

Ya tey kehekgis Dwata ke Ilaydya tódô hget bekesen bè ówóken yóm nes tahaen, ne mlóy tukô gna ke Ahab efet kól ebè bak tikeb Jisriil.

Kehewà 12:11

Bè yóm kifu kken ye du, eles lesek ye yóm mò nes ye lemwót mung du tlumfà ye ne eles nogot ye tuged ye. Henslò ye mken, yakà ni du yóm mò ken bè Kdaw Khius hlolou kuy mò gónó ye madat do.

Job 38:3

Hol hbegelem kdaem dé, bnalaem ni kem sólóku kóm.

2 Bok Kem Tau Hol Geta 4:29

Omin Ilaysa mon du mò ke Gihasi, “Hesloi etu, nwitem tugedu. Ke wen tau geslongem, béi mudél ebéléen, ne béem abay kenmón se ke wen tau kemlô kóm bè lan. Tódói hlós etu bè gónóen, hlasaem ta yóm ngà yóm tugedu.”

Kun Snulat Luk 17:8

Kaem yó dé mom mon ye mò du, ‘Nam molob kut dé, moi kut ken anì henkenem o. Hulihi mken he kóm.’

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.

Kulasi 3:4

Yóm lomi klowil tekuy yó, lemwót bè Krays. Ke bud semfulék edini, angat tekuy gmung béléen bè yóm alì kegetahen bè yóm kdaw yó.

1 Pitér 1:10

Nim kmò kegewà tekuy ni, ya tey kehnagì le du yó kem tehe tugod Dwata ekni. Tehe eles gel tulón le snéen nim tóbóng tódô blay Dwata tekuy ni.

1 Pitér 5:12

Yó fen hsulatu du nim sulat ukol nii Silas. Du se sotu dumu kuy hemtahu gel genléd nawahu. Yó gónóhu smulat ebélê ye mò gónóhu gemduf kuy bè kehtahu ye, ne mò gónóhu hetngón du kuy yóm hol tahu nawa Dwata ebélê ye. Bê ye abay klifót yóm nawahen yó.

Matyu 20:4

Ne monen mò kul, ‘Ke móyô ye, ne ye e mò nmò béléu bè huluhu. Henyuhu he ksukéyu kuy.’