1 Pitér 1:12 - Udél Dwata: Gna Kesfasad ne Lomi Kesfasad

¹² Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

1 Pitér 1:12 Referans Kwoze

Kun Snulat Jan 15:26

Bud mon Jisas, “Wen angat hógówu ebélê ye lemwót bè Mà mò tmóbóng kuy, duhen yóm Tulus Dwata. Du se angat tmolok du kuy yóm ktahuhen lemwót bè Dwata. Ne angat wen tulónen bè yóm dou kmò.

Ifisus 3:10

Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

1 Kurin 2:10

Okóm deng hetngón Dwata tekuy ne nim tehe bunihen ni, hlanen bè Tulusen. Yóm Tulus Dwata, gotu tngónen kdéen. Balù yóm atul Dwata là deng hegfanen du, tódô gotu tngónen.

Hibru 4:2

Yakà dengen gefet bélê tekuy ne yóm Tulón Hyu, hol lómón yóm tehe kgefeten bélê le se kul ekni. Okóm laen kô dù ofol le hmungol du, abay se là hentahu le du.

Mark 16:15

Omin Jisas bud mon du mò kul, “Mógów ye do ebè klamangen benwu, na ye e tulón bè kdéen tau yóm Tulón Hyu lemwót bè Dwata.

1 Pitér 1:25

Okóm yóm kun Udél yóm gónó tekuy mogot, laen kô dù tul sónen.” Yóm udél monen yó, yó se yóm Tulón Hyu gel hetngón le kuy yó kem tau gel tmolok bélê ye.

Deng Hegfan 5:11

Bud nkayu bè yó ketngelu, ne tódô gungolu se yóm tey sngal yó kem tey hógów Dwata balù hilu kati kwen le. Mdà le hilol yóm kun gónó myón yóm fen kmamal, ne hilol yó kem fat mtulus, ne yó kem tau tuha.

2 Kurin 6:6

Sotu bud hemblat du yóm ktau me tóbóng lówó Dwata, duhen yóm klaen dù bolen sidek yóm gel kmò me, ne yóm deng hol ketngón me du yóm gel tolok me, ne yóm kanay nawa me bè yó kem tau, ne yóm kganag nawa me ebélê le. Sotu bud hol hemblat du, duhen yóm kbeyenen bélê me yóm Tulus Dwata, ne yóm tahu kbong nawa me kuy.

2 Kurin 1:22

ne deng blayen tekuy yóm Tulusen mò ilô yóm deng kfunen tekuy, ne mò ilô yóm angat kdohò kguta tekuy du yóm kdê deng eles hentifesen bélê tekuy.

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

Kul Nmò 2:33

Ne ni deng tey kehegeta Dwata du, yóm Maen bè longit. Deng hyónen fi bè kwananen, ne deng blayen du yóm tehe fasaden béléen, duhen yóm kun Tulus. Ne tódô bud heflós Jisas ebélê me se kum yóm Tulus Dwata yó, duhen ni sem deng ton ye bélê me ni, ne deng gungol ye.

Danyél 12:13

Bong kóm du, Danyél, tódô henlósem mò du yóm gel nmoem efet kól bè sónen. Baluen ke matayi, angati bud btik bè yóm hol són kdaw ne gutahem yóm ofol deng hentifes Dwata béléem.”

Danyél 12:9

Okóm yó balaen do, monen, “Yó ne, Danyél, henlósem mò du yóm gel nmoem. Là tagaden dohò he ni kem ni ke là nan na sut yó kem hol són kdaw.

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Glasya 1:12

ne laen se kô dù tau tmolok du dou. Okóm tódô Jisas Krays yóm hol hetngón du dou.

Sulat Pol Ebè Yó Kem Tau Hemtahu Bè Rom 10:15

Ne tedu kmò kógów le na a tmulón du ke là wen hógów kul? Lómón yóm monen bè Sulat Dwata, yó monen, “Tey bong hyu gemnóm du yóm ksut yó kem tau mit yóm Tulón Hyu.”

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

Kun Snulat Luk 15:10

Tódô tulónu kuy,” mon Jisas, “hol lómón yó se kehligal yó kem hógów Dwata nô bè longit ke hegsel yóm sotu tau gemsalà.”

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

1 Tisalunika 2:9

Dô là deng klifót ye du he yóm tehe tey kmò me nmò bè yóm tehe knô me dyó bélê ye. Tódô senflós me kemdaw ne kifu mò nmò anì là glayam ye temdof kum bè yóm igò me tmolok kuy yóm Tulón Hyu lemwót bè Dwata.

Kun Snulat Luk 9:6

Tahu se, lemwót le yó kem gel lemolò ke Jisas, ne tódô ket le tu kem benwu tmulón du bè kem tau yóm Tulón Hyu lemwót bè Dwata, ne hlós lan le gel hkó des snéen.

Kun Snulat Luk 2:26

ne deng eles hetngónen du yóm là tagad katayen ke là nan ne ton yóm Misaya, yóm deng tehe fasad Dwata kul mò hkamalen yóm klamangen.

Matyu 16:17

Mon Jisas se mò ke Pitér, “Tey hyu kóm Simun ngà Jan, abay se là lemwóten bè tau yóm kdilóem do, okóm tódô lemwót bè Mà bè longit.

Matyu 11:27

Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Danyél 10:1

Bè yóm getlu halay Sirus mogot yóm benwu Pérsya yóm tau hol geta smakuf yóm benwu Babilun, bud wen hton Dwata ke Danyél (yóm bnoluy le Béltisasar). Yó hnigad yóm hton béléen yó, hono gbak ebè yóm gida bong angat dohò sut bè benwu le elem hulin kdaw. Tódô tngón Danyél tennefen yóm hton Dwata béléen yó.

Danyél 8:13

Ominu mungol yóm lewu hógów Dwata stulón. Snólók yóm sotu, “Ke deng dohò yóm hnigad ni kem deng hton Dwata ni, mò kegenen yóm ketefloken du yóm gel kedsù le ket kdaw? Kegenen se yóm kehegnok le du yóm Gónô Dwata lan le gel hemsù bè yó yóm alì sidek? Kmò kegenen yóm kdaen du e laan yóm Gónô Dwata ne yó kem tau Dwata?”

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Danyél 2:22

Gotu hegfanen yóm deng gebnos bè tau ne gotu tonen yóm nô lem gónón kmifu. Béléen hol gónón nô yóm layag.

Danyél 2:19

Tikóng kifu, hton Dwata ke Danyél yóm kna yóm tau hol geta, yóm là tngón tau du. Tey kdóyón Danyél yóm Dwata nô bè longit,

Isaya 32:15

Bede angat bud hwit Dwata elem blóng tekuy yóm kun Tulus. Yó kem tonok là bud hyu mò hulu tahen, angat bud baling tonok hyu ne angat tey bong nuta le du.

Kem Udél Hlalak Tehe Selumun 1:23

Ke hnungol ye yóm kbólówu kuy gotu hetngónu kuy yóm dou hendem ne yóm dou ketngón.

Hibru 11:13

Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

Sulat Pol Ebè Yó Kem Tau Hemtahu Bè Rom 1:15

Yó gónóm mon, tey tô ódódu tmolok yóm Tulón Hyu bélê ye snéen yu kem tau menwu bè Rom.

Kul Nmò 16:10

Tahu se. Lemwót bè yóm kna Pol, tódô me kendel htifes lemwót ebè Masdunya. Tódô dilô me yóm kun kóyô Dwata ke na me e hetngón yóm Tulón Hyu ebè yó kem tau bè yó.

Kul Nmò 10:44

Bè yóm igò Pitér tolo mudél, tódô sù Dwata bè kdê yó kem tau hmungol du yóm Tulusen.

Kul Nmò 8:25

Nan na malù legen udì he ktolok Pitér ne Jan bè yóm benwu yó. Tulón le yóm hol kul kmò kton du yóm tehe gel nmò Jisas, ne tulón le se yóm tehe gel toloken. Omin le yó bud mulék ebè Jirusalim, okóm nan dê benwu bè Samarya gónó le na slob tmolok du yóm Tulón Hyu gel nwit le.

Kul Nmò 4:31

Kogol yóm kni le, tódô hsinsig Dwata yóm gónô gónó le nô, ne ominen bud hemsù du bè kdê le yóm Tulusen. Ne tódô nbut le bè yó tmulón du yóm deng tulón Dwata kul, ne laen dù bud klikò le mò du.

Kul Nmò 4:8

Bnalà Pitér lu, uma kóm yóm Tulus Dwata malak du ksumóngen, monen mò kul, “Yu kem tau gónó me gel galak, dalang se kuy kem tuha.

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

1 Pitér 4:6

Yó kem tau gna matay yó, deng eles wen hetngón du kul snéen ekni yóm Tulón Hyu lemwót bè Dwata. Deng le gotu mlef ne yó kem tau yó, abay se yó se yóm tehe olu Dwata yóm kdéen tau, sal gel mlef. Yó gónón wen tau eles hetngón du kul yóm Tulón Hyu anì guta le yóm klowil laen dù sónen lómón yóm kun klowil Dwata.