1 Pitér 1:1 - Udél Dwata: Gna Kesfasad ne Lomi Kesfasad

¹ Ou Pitér gónón lemwót nim sulat ni. Ou sotu bè yó kem gel hógów Jisas Krays. Smulate ebélê ye yu kem tau deng nélék Dwata deng gotu mlóy sekla ebè yó kem prubinsya boluy le Pontus ne Glasya ne Kapadusya ne bè Asya ne bè Bitinya.

1 Pitér 1:1 Referans Kwoze

Sulat Jim 1:1

Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

Hibru 11:13

Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”

Ifisus 2:19

Yó gónóm mon, bélê ye kuy yu kem tau là Ju le, là bud ye tólóng tau ne nim kmoen ni, deng ye gotu baling sdumu bè yó kem tau nogot Dwata, ne deng ye baling kem kun fes lówó Dwata snéen.

Kem Lingón 44:11

Lómón kmoem kum, lómón ubiha mò tnétê. Deng gotu senklahem mi ebè yó kem tólóng benwu.

Kul Nmò 8:4

Yó kem tau hemtahu bè Jisas deng sekla yó koni, balù kihu benwu gónó le e mlóy, là kóen skó tendo kehetngón le du yóm tulón lemwót bè Jisas.

Kun Snulat Jan 11:52

Okóm là són du bè kem Ju yóm gónó Jisas matay. Bud angat gotu sensotuhen lu snéen yóm kdéen tau Dwata deng sekla.

Matyu 24:22

Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, bà sotu ke wen tau bud mowil te tonok.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

Istér 3:8

Omin Haman stulón bè yóm tau hol geta, monen, “Wen sotu but tau deng sekla lem nim benwu knamalem ne tódô ket prubinsya gónóm mton kul. Yóm kul lolò là kóen mkél bè kul lolò yó kem dumu tau. Ne sotuhen, là kô nimón le du yó kem udin lem yóm benwu knamalem ni. Yó gónóm mon, là kóen hyu ke tódô bayaem kul nim ni.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Dwata 4:27

Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Ifisus 2:12

Bè yóm kdaw yó, tey ye mayuk bè Krays. Tólóng ye tau se kuy, là gomong ye bè yó kem tau tehe nélék Dwata mò hol kun tau. Ne laen kô dù kuy du yó kem tehe fasad Dwata kul. Olo ye kem beyen tau nô talak tonok yó dum kuy. Laen kô dù hendón nefet nawa ye, abay se là kô deng tngón ye ke Dwata.

2 Kurin 1:8

Wen bud hegtulón me bè nawa ye, kem dumu me setwoli, yóm tehe alì kehlayam le kum yó kem tau bè prubinsya Asya. Laen kem ofolem hmingón du yóm alì ksidek kegnóm me du bè yóm kdaw yó, ofo kum ke là bud me mowil.

Kul Nmò 18:2

Bè yóm kkólen bè Kudin, bè yó gónó le mbut sdilô yóm sotu Ju boluyen Akila, tau tehe lemwót bè prubinsya Pontus. Lomi le kól gu bè benwu Itali lewu le Prisila, yóm tuha libunen, abay se wen udin lemwót bè Klodyus, yóm tau hol geta bè yó. Yó udinen, kdê yó kem Ju nô bè syudad Rom, gotu hdó le lu. Lemwót Pol, nauyen le Akila.

Deng Hegfan 1:11

Yó utóm tum udélen, monen, “Gotu snulatem yóm angat tonem, ne gotu hwitem ebè yó kem tau hemtahu bè yó kem hitu syudad nii: bè Ifisus ne ebè Smirna, ne ebè Pirgamum ne ebè Tiyatira, ebè Sardis ne ebè Filadélfya, ne ebè Ludisya.”

2 Timuti 1:15

Deng tngónem dyó ne kóó yóm deng gotu kestagak le dou yó kem tehe dumuhu lemwót gu bè Asya, balù sem le Fidyilus ne Hérmadyinis.

Glasya 1:2

Smulate edyó bélê ye, yu kem tau hemtahu bè Jisas Krays bè yó kem benwu bè prubinsya Glasya. Tódô kdê yó kem dumuhu hemtahu bè ni, gotu gbót mólóm kuy snéen yu kem tau hemtahu dyó.

1 Kurin 16:19

Gel nólóm le yu se kuy yó kem dumu ye hemtahu bè prubinsya Asya. Bud Akila lewu le Prisila ne yó kem tau hemtahu gel stifun bè gónô le, tey gel kólóm le kuy se kul.

Kul Nmò 19:10

Botong lewu halay Pol mò du nim ni. Tey kbólen yóm Udél Dwata efet gotu gungol yóm kdéen tau bè klamangen Asya, senged se yó kem tau Ju ne yó kem tau là Ju le.

Kul Nmò 18:23

Malù nan legen knóen bè yó, ominen bud na a mauy bè prubinsya Glasya ne Frigya anì hol nan na genduf yó kem tau hemtahu bè yó anì baling mgemel yóm kehtahu le bè Jisas.

Kul Nmò 6:9

Okóm wen se kem tau mélés du nawa. Lu se yó kem Ju mung bè yóm kul gónó gel stifun yó kem Hesek Deng Gewà. Wen se bélê le lemwót bè syudad Sayrin ne syudad Aliksandriya. Wen se lemwót bè prubinsya Silisya ne bè prubinsya Asya. Yó nmò le, nit le skuya mon Stéfén.

Kun Snulat Jan 7:35

Ne stulón le són lu yó kem tau wen glalen bè yó kem Ju, mon le, “Tedu gónón e tô solu tau ni du ke là bud tô ton tekuy du? Déke mógów elem blóng tu kem dumu tekuy Ju sekla menwu lem blóng tu kem Grik. Déke mom tmolok bè tu kem Grik.

Matyu 10:2

Yó boluyen kul aposol. Ni se boluy le: Simun yóm boluyen du Pitér ne yóm twolihen Andru. Tmodol du Jim ne yóm twolihen Jan kem ngà Sibidi.

Matyu 4:18

Sotu kdaw bè yó yóm igò Jisas mentad ebè Lanaw Galili, tonen yó kem lewu tau setwoli hmuket le: Simun boluy yóm sotuhen, yóm gel bnoluy le Pitér ne Andru, yóm twolihen. Yó se kul sana gel nmò hmuket.

Dwata 32:26

Yó tô hendemu gotu sulék genlau lu anì laen dù bud hemtulón nawa kul.

Kun Snulat Luk 18:7

Milud he kofin Dwata yó kem kun tau tendo gel mni tóbóng béléen ket kdaw ne ket kifu. Là kô feng gnanggaen kul.