Biblia Todo Logo
Bib sou entènèt

- Piblisite -




1 Kurin 9:8 - Udél Dwata: Gna Kesfasad ne Lomi Kesfasad

8 Là són du bè nim kmò tau ni koni gónó ye temngón du nim ni. Okóm deng sana monen bè hlau Musis snéen.

Gade chapit la Kopi




1 Kurin 9:8
9 Referans Kwoze  

Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.


Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.


Bè yóm gel ksimba ye, là hyuhen ke lu fen gel mudél. Deng tulónen bè hlau yó kem Ju là hyuhen ke libun fen malak kem logi.


Bede bè dou kehedem du, tey bong hyu béléen he yóm libun bolu yó ke béen dog bud myehen. Bè kegnómu du nim monu mò kuy ni, denge galak bè yóm Tulus Dwata se dou.


Yó gónóhu hmingón du bè keghesek nim toloku kuy ni anì mahil ketngón ye du lanen. Tehe yu ekni, ghesek ye bè yóm óyô ye mò sidek, abay se tódô bayà ye lówó ye mò du, ne sónmoen minut temnù yóm ksidek nmò ye. Okóm ni yake hol hogot ye ke Dwata yóm lówó ye anì ghesek ye bè yóm tedeng, ne anì laen dù belenen yóm kmò ye.


Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.


Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”


Okóm ke mom yó udél yó kem dumu tau, ke mon le là sideken kun ke mò salà yóm tau anì gdilô yóm kun ktedeng Dwata. Yó gónóm mon, là hyuhen kun ke tnafak Dwata yóm tau mò sidek. (Déke wen se mon du nim ni.)


Wen tulónu kuy, kem dumuhu setwoli. Yóm Tulón Hyu gel tulónu, là kóen lemwót bè tau,


Swiv nou:

Piblisite


Piblisite