1 Kurin 9:5 - Udél Dwata: Gna Kesfasad ne Lomi Kesfasad

⁵ Ne ke deng wen yehenu, wen kwalisu mit du bè yóm kógówu lómón yóm kul gel nmò yó kem dumu tau gel hógów Jisas, ne yó kem dumun setwoli yóm gónó tekuy mogot, dalang se ke Pitér.

1 Kurin 9:5 Referans Kwoze

Kun Snulat Jan 1:42

Ne omin Andru mit ke Simun ebè Jisas. Uni Jisas mton ke Simun, henmung monen mò du, “Uu se Simun, ngà yóm sotu Jan. Okóm yó bud tles boluyem, Sifas.” (Yóm boluy Sifas yó, senged lanen bè yóm boluy Pitér. Yó lanen, “botu.”)

Matyu 8:14

Kewót Jisas bè yó, hlós ebè gónô Pitér. Kól bè yó, tódô glohen tuón Pitér libun gemnóm des kinì là lembó.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Glasya 1:19

Laen dù dumu tau tehe hógów Jisas ke tonu bè yó, tek són Jim, twoli yóm gónó tekuy mogot.

1 Kurin 7:39

Là kóen hyu yóm libun ke skó bè yehenen ne bud myehen igoen tolo mowil yóm gna yehenen. Okóm ke deng matay se yóm gna yehenen, là sideken ke bud myehen syan ke dumuhen hemtahu.

1 Kurin 7:7

Bè hol ktahuhen, hyu béléu ke là myehenen yóm tau lómón yóm dou. Okóm tódô tngónu là sengeden yóm genbek blay Dwata tekuy. Tólóng se blayen bè yóm sotu tau, ne bud tólóng se bè yó kem dumu.

Kul Nmò 1:14

Ket kiwól le gel sbung bè yó na a mni bè Dwata. Wen se kem libun gel mung bélê le, dalang se ke Midi, Yê Jisas. Ne yó kem twoli Jisas, gel le mung snéen kul.

Taytus 1:6

Yó nélékem yóm tau laen dù gónó le gemsanil du yó kem dumuhen, yóm tau tek sotu yehenen, yóm tau deng gotu hemtahu kem ngaen anì là wen bélê le gel hbusaw lem blóng kem dumu le, ne là bong gel le.

1 Timuti 5:2

Senged se yó kem libun deng tmuha sentahem, lómón kmoem kul, lómón ke yéem. Dalang se ebè yó kem sawang libun, lómón kmoem kul, lómón ke hol libunem, ne béem nmò óngóhem lem blóng le.

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,

1 Kurin 7:15

Okóm yóm tau là hemtahuhen monu yó koni, ke tódô lemwót bè kun kóyô skó bè yóm yehenen deng hemtahu, tódô bayà du ne. Là buden gfét du ne yóm yehenen là hemtahuhen yó. Abay se hol kóyô Dwata bè yó kem tau syehen ke wen kessotu nawa le.

1 Kurin 1:12

Wen se bélê ye mon du kun, “Lolou Pol dou.” Ne mon kem dumu, “Apulus dou.” Ne bud wen mon du, “Pitér dou lolò.” Ne wen se mon du kun, “Lolou Krays dou.” Yó se gónóhen mesgólól nawa ye.

Sulat Pol Ebè Yó Kem Tau Hemtahu Bè Rom 16:1

Yóm libun meted du nim sulat ni, boluyen Fibi, libun tekuy bè kehtahu tekuy bè Jisas. Du se sotu gel tmóbóng yó kem tau hemtahu bè syudad Sinkriya.

Kun Snulat Jan 2:12

Timbow kogolen bè yó, gotu le mógów emool le Jisas ebè yóm benwu boluyen Kapérnaum, mung du yéen ne kem twolihen, dalang se yó kem gel lemolò du, okóm là legen le ditu.

Kun Snulat Luk 6:15

Matyu ne Tumas, ne yóm sotu Jim (ngà Alfiyus) ne bud yóm sotu Simun (yóm tau tehe mung mofin yóm kul benwu),

Mark 6:3

Igoen du yóm tau gel mò gónô, ne Midi yéen, ne du se twogu le Jim ne Jusif ne Judas ne Simun, ne wen se kem libunen nô gu bè ni.” Yó se gónó le kembê du.

Mark 1:30

Yóm kkól le bè yó, tódô glo le tuón Simun libun gemnóm des kinì là lembó, tódô henmung tulón le ke Jisas yóm desen.

Matyu 13:55

Igoen se du ngà yóm tau gel mò gónô. Ne igò sem Midi du yóm yéen. Ne du se twogu le Jim ne Jusif ne Simun ne Judas.

1 Timuti 4:3

Yó gel tolok le, là hyuhen kun ke myehen yóm tau, ne sotuhen, alì dê hlii le bè ken. Okóm yó gónó Dwata tehe dmimun kul ni kem ken ni mò lowil kem tau, mò lewót gónó le gel dmóyón ke Dwata yó kem tau deng hemtahu béléen, yó kem tau deng temngón du yóm ktahuhen.

1 Kurin 7:8

Ni wen udélu ebè yó kem sawang logi ne yó kem sawang libun ne ebè yó kem libun bolu. Hyu se ke dnalang ye yóm dou là dog kyehen.

Kun Snulat Luk 8:20

Ne wen tau mon du mò ke Jisas, monen, “Tu dé yéem ne kem twolihem, mdà le ditu bè lewà, móyô le ston kóm kun.”