1 Kurin 9:16 - Udél Dwata: Gna Kesfasad ne Lomi Kesfasad

¹⁶ Bè yóm gel kwitu du yóm Tulón Hyu, laen kô gónóhu hton salù du, abay se bè ktahuhen, wen fen hmò du dou. Hol là gbeku du ke là nmou du. Angat tey kegtafaku ke là nmou du.

1 Kurin 9:16 Referans Kwoze

Sulat Pol Ebè Yó Kem Tau Hemtahu Bè Rom 1:14

Là gbeku du ke là tulónu du ebè kdéen tau yóm Tulón Hyu gel nwitu. Kihu ke tau temngón duhen ke tau laen dù tngónen, ke tau mnagì duhen ke tau là mnagien.

Kulasi 4:17

Ne tulón ye do ke Arkipus, mon ye mò du, “Hol hendengem yóm deng sigangen tahem yóm gónó tekuy mogot.”

Jirimaya 20:9

Okóm ke monu tódô klifótu ne Dwata ne laen dù bud tulónu mlan bè boluyen. Yó mò do yóm udélem bnosu lem hendemu, hol lómón ke ofi mken lem but blututu ne mken lem tiolu. Là bud gafasu du ne ke là tulónu du yóm htugodem dou.

Kun Snulat Luk 9:62

Ne yó mon Jisas mò du, monen, “Là kóen hyu bè yóm tau dmadu ke tlek bud tendo temdélé semfulék. Senged snéen,” monen, “bè yóm tau tô lemolò dou, là kóen hyu ke tlek bud tendo temdélé semfulék. Ke yó nmoen, laen dù muhen ke gmung bè yóm kogot Dwata tau.”

Kul Nmò 4:20

Là kô gbek me temflok tmulón du yóm deng ton me ne yóm deng gungol me.”

Amus 3:8

Ke mngel yóm liyun, tau du de tô là likoen? Ke mudél yóm Dwata hol dandónen geta, tau du se là tmugod du yóm udélen?

Sulat Pol Ebè Yó Kem Tau Hemtahu Bè Rom 15:17

Duhen yó, lemwót bè yóm tey gel któbóng Krays dou, là myake tmulón du yóm deng gendengu bè Dwata.

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

Kul Nmò 9:6

Mdai ne, ne hlósi elem yóm syudad. Wen he tmulón du kóm ditu yóm angat nmoem.”

Sulat Pol Ebè Yó Kem Tau Hemtahu Bè Rom 4:2

Ke lemwót bè yóm kmoen du yóm hyu, wen gónón hton salù. Okóm là gbeken du hton salù bè solu Dwata.

Amus 7:15

Okóm yó nmò Dwata, tnabahen ou yóm igou semgyok ógóf, monen mò dou, ‘Mógówi ebè yó kem dou tau bè benwu Israél, wen htugodu kóm bélê le.’

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Jirimaya 20:7

Yó udél Jirimaya ebè Dwata, monen, “Ó Dwata, deng tey kubugem dou bè yóm kehtugodem do. Teyi kemgis sentahu ne uu gemmò béléu. Ne ni, tey sidek kesedekà le dou yóm kdéen tau bè nim syudad ni.

Jirimaya 1:17

Yó ne, Jirimaya, elesi htifes. Géhéli lemwót nam e tulón kul yóm kdê htulónu kóm. Béi abay hlikò bélê le. Ke likoi bélê le, bud tennuu he yóm klikoem yó ke mdai bè solu le, ne tey kebà nawahem.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

1 Kurin 4:15

Baluen ke sfolò libu tau gel tmóbóng kuy bè kehtahu ye, tek sotuhu yóm mà ye. Ou se yóm hol tanay tmulón du kuy yóm Tulón Hyu lemwót bè Dwata. Ne lemwót bè yóm deng kessotu ye bè Krays Jisas, yó gónó ye menmà béléu.

1 Kurin 9:12

Ke wen kwalis le hlowil bélê ye yó kem dumu tau tmolok lem blóng ye, milud he yó dum kum. Okóm là dog kem ktes me du ne kum yó dum yó. Tódô hyu nawa me hembala du ne yó kem mgel gel sut bélê me anì laen dù gónón gseng yóm Tulón Hyu gel nwit me gbak ebè Krays.

1 Kurin 9:14

Senged snéen yóm hloloen tekuy yóm gónó tekuy mogot ekni gbak ebè yó kem tau mit du yóm Tulón Hyu. Deng monen hyu ke yó kem tau gónó le tmolok fen lemowil kul.

2 Kurin 2:12

Bè yóm kkólu bè syudad Truas na a tmulón du yóm Tulón Hyu gbak ebè Krays, deng sana wen lan nmò yóm gónó tekuy mogot anì nmou yóm hmoen dou bè yó.

Matyu 25:16

Tódô kendel bud lemwót se kun yóm tau mogot limu libu nan e hból yóm kun. Ngangen efet bud limu libu se uléken.