1 Kurin 9:13 - Udél Dwata: Gna Kesfasad ne Lomi Kesfasad

¹³ Deng hónô tngón ye se bè yó kem tau gel mò nmò bè Gónô Dwata, són bè yó se gónó le mowil. Ne dalang se yó kem tau gel demsù ebè Dwata bè yó, wen se kul mdengen ólól bè yóm utón gel hedsù le kul ebè Dwata.

1 Kurin 9:13 Referans Kwoze

1 Kurin 10:18

Bud sotuhen se, hendem ye yóm kul kmò yó kem tau Israél. Yó kem tau gbót mken bè yóm ken deng dsù le bè Dwata, deng gbót tmaba bè Dwata ne yóm tau yó.

1 Samwél 2:28

Bè kdê yó kem tbong Israél, kun fes lówó yóm fuem yó yóm néléku mò demsù ebéléu bè yóm dou gónô demsù, mò mtem ebéléu insinsu ne mò lemsek nes ifod bè soluhu. Ne benlayu lu kwalis ma yóm kul ólól bè yóm gel dsù le ebéléu yó kem tau Israél, yóm dsù gel hlan le bè ofi.

Dwata 10:9

Yó gónóm mon, laen dù kul ólól yó kem sfu Libay bè yóm tonok blay Dwata yó kem tau Israél, là lómón du yó kem dumu le. Yó kul ólól duhen yóm keseblóng le tau ebè Dwata lómón yóm deng fasad Dwata kul, yóm sana kuy Dwata hol gónó mogot.

Sulat Pol Ebè Yó Kem Tau Hemtahu Bè Rom 6:16

Tódô tngón ye se ke tedu yóm gel nélék ye mò lolò ye deng yó se gónó ye ghesek. Ke mò salà se yóm nmò ye, bè salà se gónó ye ghesek ne yó nefeten yóm yó hatay. Okóm ke tendo nimón ye Dwata, yó se gónón tedeng ktonen kuy.

1 Kurin 9:24

Deng hónô tngón ye se ke wen yóm skuya mlóy, tey dê tau gel mung, okóm tek sotu yóm matù, ne du se olo gemwa ofol. Tekuy se kem tau hemtahu, lómón ke skuya tekuy mlóy. Hotu tekuy són gel tekuy mlóy anì guta tekuy yóm ofol.