1 Kurin 9:10 - Udél Dwata: Gna Kesfasad ne Lomi Kesfasad

¹⁰ Okóm ebélê tekuy se hol gónón e gbak. Yó gónóm mon, bè yóm kmò le nmò yó kem tau dmadu ne yó kem tau muta, bong hendón le ke wen ofol le du yóm nmò le yó.

1 Kurin 9:10 Referans Kwoze

2 Timuti 2:6

Ne bud sotuhen, yóm tau alì glayam tmiba, bong knóón ke kninien yóm kun leniteg.

Sulat Pol Ebè Yó Kem Tau Hemtahu Bè Rom 15:4

Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

2 Kurin 4:15

Yó se gónó me hembala du yó kem mgel gel sut bélê me mò lan me tmóbóng kuy. Abay se ke sónmoen temnù tau tnóbóng Dwata, sónmoen se temnù tau dmóyón du. Yó se sotu alì gónón megdóyón Dwata.

1 Kurin 3:9

Nim mi, stóbóng me mò nmò bè Dwata. Ne yu, hol lómón ke kun tniba Dwata. Sotuhen, lómón ke yu yóm gónô hdà Dwata.

Matyu 24:22

Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, bà sotu ke wen tau bud mowil te tonok.