1 Kurin 8:9 - Udél Dwata: Gna Kesfasad ne Lomi Kesfasad

⁹ Okóm hol ten-gama ye. Anien se ke là bud ye gfét du se kuy, wen yó kem dumu ye tolo lufi kehtahu le, déke btang le ke lolò le yóm nmò ye yó.

1 Kurin 8:9 Referans Kwoze

Glasya 5:13

Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.

1 Pitér 2:16

Ya mon ke tau talak tonok yóm tahu gónó ye mogot. Syan dé bê ye nmò yóm sidek bè yóm là kogot ye bélê le. Hol henyu ye kmò ye bè kem dumu tau, abay se tauhen yu Dwata.

2 Pitér 2:19

Yó fasad le kul, mon le, “Ke lolò ye nim kum tolok, laen kô dù hlau bud gónó ye gfét ne.” Okóm là kô dog tngón le du yó kem tau tmolok sekban yó yóm tey kegfét le bè yóm sidek gel nmò le. Yó se henged fét le yóm alì óyô le mò sidek.

1 Kurin 10:24

Là kóen hyu ke són ktes tekuy, són yóm hyu bélê tekuy. Okóm yó dé yóm hyu, ke hol ktes tekuy yóm gónón hyu bè kem dumu tekuy.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.

1 Kurin 9:22

Ke nóe lem blóng yó kem tau tolo lufi kehtahu le, tódóe hmung bè yóm kul kmò anì wen lanu mit kul bè kehtahu le. Ket tau gel tnulónu, sal gel hnebelu yóm lanu gemwit kul ebè Krays.

1 Kurin 8:12

Ke lómón yó kmò tekuy, deng wen salà tekuy bè Krays ne, lanen wen salà tekuy bè yóm dumu tekuy hemtahu yó koni. Igoen tolo megewu kehedemen du, igò tekuy sembeweg du.

1 Kurin 8:10

Mò kmoen se, lemwót bè yóm deng ketngón tekuy yóm ktahuhen, fen tekuy mken lem gónô yóm dwata kéng. Ke wen tau tolo megewu kehedemen du mton tekuy, déke gbót mken se kun yóm ken deng dsù le bè dwata kéng, igoen tolo megewu kehedemen du.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

2 Kurin 11:21

Yó se gónó me myak bélê ye ni, abay se là mlos me mò du kum yóm kul nmò yó bè yóm tehe knô me lem blóng ye. Okóm ke sok wen gónó le heklabak yó kem tau yó, wen se gónóhu heklabak se dou. Hol kudél tau nungel nim kudélu ni.

1 Kurin 10:29

Ya mon ke sidek béléem kóm du, okóm béléen gónón sidek. Déke wen bélê ye hemdem du, kô monen, “Tek élél dou gónó là gemken utón lanen fen megewu kehedemen du kun yóm sotu tau.

Sulat Pol Ebè Yó Kem Tau Hemtahu Bè Rom 15:1

Yóm kdê tekuy deng mbegel bè kehtahu hol tekuy gel hanay nawa bè yó kem tau tolo wen gónó le lunog. Bê tekuy olo hemdem yóm hyu bè knô tekuy.

Isaya 57:14

Yó udél Dwata, monen, “Hulék ye lu ebéléu yó kem dou tau. Kó ye bélê le yó kem gel hemseng kul bè lan le. Mò ye bélê le lan mò lolò le.

Isaya 35:3

Hol ten-gel ye yó kem sigel deng sidek kliteg le ne yó kem bukol deng kenkel là bud le mgel.

Hlolò 19:14

Bê ye abay hentolo yóm tau bokong ne béen abay wen sù ye bè lan yóm tau butô ke mò gónón tlokob. Hol knikò ye o. Ou se yóm sana kuy Dwata hol gónó mogot.

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

1 Kurin 10:28

Okóm ke wen bè yó tmulón du kóm, monen, “Ó Wè, deng dsù bè dwata kéng nim utón ni.” Ke lómón yó monen, là hyuhen ke fen kenem se kóm. Hol hendemem yóm hyu béléen anì laen dù gónón sbeweg kehedemen.

2 Kurin 6:3

Bè yóm kwit me du yóm Udél Dwata, hol sen-galu me ke laen dù gónó le gemsanil kum bè yóm kwit me du, ne ke laen kô dù nmò me mò gónó le gseng yó kem tau.

2 Kurin 11:29

Ke wen bélê le lunog kehtahuhen, kéng tô ou se gemnóm du. Ke wen tau hebtang le elem salà, ya tey sidek kegnómu du se dou.

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.