1 Kurin 8:8 - Udél Dwata: Gna Kesfasad ne Lomi Kesfasad

⁸ Okóm là kô bè ken du gónó kuy gloni bè Dwata. Laen dù gónón stólóng kton Dwata tekuy ke ken tekuy yóm ken yó duhen ke là.

1 Kurin 8:8 Referans Kwoze

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

1 Kurin 6:13

Ne wen se gel mon du, monen, “Yó se mu yóm blutut tau mò gónón e tódô ken. Ne yó mu yóm ken mò sù lem blutut.” Ya mo ktahuhen du yóm monen yó, okóm angat nmò Dwata sónen yóm blutut ne yóm ken. Yóm lówó tekuy, là yó du muhen ke gónó tekuy mò samuk. Okóm yó dé muhen mò fen mò nmò bè yóm gónó tekuy mogot. Ne du se fen hol semgyok du yóm lówó tekuy.

Matyu 25:15

Tódô hogoten kul yóm bang kul gbek. Yó hogoten yóm tanayen, limu libu filak tahu blówón. Ne yó hogoten yóm tmodol, lewu libu. Yó hogoten yóm getluhen, lemibu. Ominen yó lemwót.