1 Kurin 8:7 - Udél Dwata: Gna Kesfasad ne Lomi Kesfasad

⁷ Okóm nim ktahuhen ni, là kô kdéen du tau temngón du. Tey mgel bè kem dumu tau ke tô kó le yóm sana kul adat bè kehtahu le yóm dwata kéng. Ne ke gbót le mken yóm ken deng dsù le ebéléen, ofo kul hemdem du ke deng wen tahu funen. Lemwót bè yóm tolo kegewu kehedem le du, là mólós kegnóm le du ke ken le.

1 Kurin 8:7 Referans Kwoze

Sulat Pol Ebè Yó Kem Tau Hemtahu Bè Rom 14:14

Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

Kul Nmò 15:20

Olo tekuy tódô smulat ebélê le ne. Tulón tekuy kul hyu ke hol bê le abay ken yóm deng dsù ebè dwata kéng, yóm là mólósen bè hlau tekuy. Hol bê le abay mò samuk. Hol bê le abay ken yóm utón là deng kó le du litóen, dalang se yóm litô, hol bê le abay ken.

Sulat Pol Ebè Yó Kem Tau Hemtahu Bè Rom 15:14

Ó kem dumuhu setwoli, tngónu tey hyu yóm kmò ye, ne tey mdengen ketngón ye du yóm udél Dwata. Tngónu snéen gbek ye stolok lemwót bè yóm deng ketngón ye du.

1 Kurin 8:1

Bong bè yóm deng snólók ye bè yóm ken deng dsù bè dwata kéng, ni se balau du. Tahu se yóm mon le, “Kdê tekuy se temngón du nim snólók le ni.” Ke lómón yó se kmoen, hol ten-gama ye, kô niten yu heklabak yóm ketngón ye yó. Okóm gel mlan bè yóm kbong nawa tekuy kem dumu tekuy hemtahu gónó tekuy temgel kul bè kehtahu le.

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

1 Kurin 10:25

Là kóen sidek ke ken ye yóm utón gel hbalù le lem fedyan. Okóm ke bemli ye, omin he ke dê snólók ye, anì là megewu kehedem ye du yóm utón gel benli ye.

1 Tisalunika 5:14

Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.