1 Kurin 8:5 - Udél Dwata: Gna Kesfasad ne Lomi Kesfasad

⁵ Wen se tau gel mon du, wen kem dwata nô bè longit, ne wen se nô te tonok, ne baluen ke hilu kwen le ni kem dwata mon le ni, ne yó kem dumu gónó le mogot,

1 Kurin 8:5 Referans Kwoze

2 Tisalunika 2:4

Nim tau ni, gotu natuen kdéen dwata kéng kkólen bè yó kem dumu gel hentahu kem tau, ne angat hegetahen knóen senta le. Balù yóm Gónô Dwata, tódô husek elemen, ne tódô myón bè yó, ne tódô monen du kun Dwata.

Glasya 4:8

Tehe yu ekni, yóm là deng ketngón ye ke Dwata, tey keghesek ye bè yó kem dwata kéng.

Jirimaya 2:28

Nô se lu du yó kem dwata lenbù nmò ye? Ke sok wen gfà ye, hkodu ye bélê le anì lenwà le yu ke gbek le. Ó kem tau bè Juda, yóm tey kwen yó kem benwu gónó ye nô, lómón yó se kwenen yó kem dwata ye.

Jirimaya 2:11

Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

Dwata 10:17

Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.

Danyél 5:4

Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.

Matyu 27:17

Timbow le deng gotu stifun ebè yó yóm tey tau wen, snólók Paylét lu, monen, “Tau du de kuy nóyô mò hewau bélê ye, Jisas Barabas duhen ke Jisas yóm Misaya?”