1 Kurin 8:3 - Udél Dwata: Gna Kesfasad ne Lomi Kesfasad

³ Okóm ke bong nawahen ke Dwata yóm tau, yó se yóm tau hol dilô Dwata.

1 Kurin 8:3 Referans Kwoze

Kehewà 33:17

Mon Dwata mò ke Musis, “Lemwót bè yóm tey tilob ketngónu kóm ne kehyu nawahu ebéléem, nmou yóm hnihem béléu yó.”

Nahum 1:7

Tey hyu yóm Dwata. Ke wen hlayam sut, tek sónen du yóm gónó e mlo alì mbegel. Gotu nofinen yó kem tau smalig béléen.

2 Timuti 2:19

Okóm yóm ktahuhen lemwót bè Dwata, là kóen na a monol. Wen deng hsulat Dwata, yó monen, “Tngón yóm gónó tekuy mogot yó kem kun tau.” Ne sotuhen, “Ke yó udél yóm sotu tau, ke monen, Tauhe yóm gónó tekuy mogot dou, yake hol hlayuk du sen yóm sidek.”

1 Kurin 2:9

Nim gel tolok me ni, hol segtón bè yóm tehe monen bè Sulat Dwata, yóm monen, “Deng wen hentifes Dwata bè yó kem tau kembong nawa du. Yóm hentifesen yó, là kô deng wen hnikót mton du he, ne là se wen deng mungol du. Là kô deng wen hnikót hemdem du yóm mò kmoen.”

Glasya 4:9

Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.

Deng Hegfan 2:19

“Deng gotu tngónu se yóm gel nmò ye. Tngónu snéen yóm kbong nawa ye do, ne yóm là konol nawa ye ebéléu. Bud tngónu se yóm gel kestóbóng ye, ne yóm khanay ye nawa ye. Bud tngónu snéen yóm deng kbalingen hyu yóm gel nmò ye ni kmoen ni senta yóm gnan.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Jirimaya 1:5

“Gu laanu là deng hembaling kóm lem blutut yéem, deng eles tngónu uu ne. Gu laanem là deng sut, deng eles hetfingu uu ne deng eles néléku uu mò tugodu ebè yó kem tau lem benwu.”

Kun Snulat Jan 10:14

Ou se,” mon Jisas, “yóm tau hyu kesegyoken ubiha. Gotu tngónu yó kem dou ubiha ne tngón le se ou kul,

Matyu 7:23

Okóm,” mon Jisas, “angat monu mò kul, ‘Là kô tngónu kuy. Hlayuk ye béléu, yu kem tau gel mò sidek.’ ”

Kem Lingón 1:6

Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

1 Jan 4:19

Deng gegna ne yóm kbong nawa Dwata tekuy, yó se lewót yóm gónó tekuy kembong du nawa.

Deng Hegfan 2:9

“Deng tngónu se yóm alì keglayam ye lemwót bè yóm klolò ye do. Ne tngónu se yóm tey kélél ye, okóm lemwót bè kehtahu ye, wen tey kendengen ye. Ne tngónu se yóm alì gel ksidek kbak le ebélê ye yó kem tau snalig le yóm ktau le Ju. Okóm sundu kem dou tau du yó kem tau yó, hono kem tau nfun Seitan.

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Kehewà 33:12

Bè yóm ktulón Dwata ke Musis yóm là bud kmungen kul, yó mon Musis mò ke Dwata, “Tahu se yóm tehe kdókem dou anì nitu lu ebè yóm benwu fasadem kul ni kem tau ni, okóm là tulónem du dou ke tau du mung dou. Deng monem tey tilob ketngónem do ne tey kehyu nawahem ebéléu.

Kem Lingón 17:3

Bè yóm kifu deng kauyem dou sóól buteng, deng hensokolem yóm nô lem hendemu dalang se yóm nô lem but blututu, ne laen kô dù sidek tonem béléu Deng hol nô bè nawahu yóm là kegsalau ke mlan bè kudélu.

Deng Hegfan 2:13

“Deng gotu tngónu yóm knô ye bè yóm benwu kun knamal Seitan. Ewenem yó, là kóen monol yóm kehtahu ye béléu. Ne là se dog hnalà ye do balù yóm le khatay le ke Antipas, yóm tau alì teneb ktoloken yóm dou udél. Hnatay le bè yó lem yóm benwu gónóhen nô Seitan.

Kun Snulat Jan 21:17

Bud mon Jisas mò ke Pitér bè getluhen dulék, monen, “Ó Simun, ngà Jan, bong nawahem dou kô?” Tô muni nawa Pitér abay se deng tlu dulék Jisas smólók du. Ne mon Simun se kun, “Tódô gotu tngónem se yóm kdéen, Sér. Tngónem se yóm kbong nawahu kóm.” Bud mon Jisas se, “Sen-gyokem dou sen ubihahu.

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

Sulat Pol Ebè Yó Kem Tau Hemtahu Bè Rom 11:2

Là kô na a kenbê Dwata kul yó kem kun tau deng eles nélék lemwót bè kbuten. Deng hónô tngón ye ne yóm monen bè sulat Dwata bè yóm tehe keklamo Ilaydya kul bè Dwata yó kem tau Israél,

1 Bok Kem Tau Hol Geta 3:3

Tey kbong nawa Selumun ke Dwata, ne gotu loloen yó kem hlolò maen Dabid du, okóm gel demsù ne mtem insinsu bè yó kem gónó gel demsù sana nô bè yó.Sotu kdaw bè yó, mógów ebè Gibyun Selumun anì nan e demsù ditu, abay se bè yó gónón nô yóm gónó le demsù alì tótól bè kdéen. Botong lemibu ógóf hkekeb dsù Selumun bè yó.

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

1 Kurin 13:12

Yóm ketngón tekuy ke Dwata nim kmoen ni, hol lómón ke temngel tekuy elem yóm ma olung là holen tikaw. Okóm angat wen kdawen tódô tekuy suyó du. Nim kmoen ni, là dengen hol ket he yóm ketngón tekuy du. Okóm bè yóm kdaw yó, angat tódô ket du, hol lómón yóm deng ketngón Dwata tekuy nim kmoen ni.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.