1 Kurin 8:13 - Udél Dwata: Gna Kesfasad ne Lomi Kesfasad

¹³ Duhen yó, ke lemwót bè yóm gel kutónu gónón lemwót btang yóm sotu dumuhu hemtahu, tumù nawahu là dog kem mutón efet katayu, anì laen dù lanu hebtang du elem salà yóm dumuhu hemtahu.

1 Kurin 8:13 Referans Kwoze

Sulat Pol Ebè Yó Kem Tau Hemtahu Bè Rom 14:21

Hol bê tekuy abay nmò gónó le btang kem dumu tekuy mlan bè kutón tekuy, bè kinum tekuy, duhen ke wen nmò tekuy mit kul btang.

2 Kurin 11:29

Ke wen bélê le lunog kehtahuhen, kéng tô ou se gemnóm du. Ke wen tau hebtang le elem salà, ya tey sidek kegnómu du se dou.

2 Kurin 6:3

Bè yóm kwit me du yóm Udél Dwata, hol sen-galu me ke laen dù gónó le gemsanil kum bè yóm kwit me du, ne ke laen kô dù nmò me mò gónó le gseng yó kem tau.

1 Kurin 13:5

Laen kô dù nmò tekuy mò gónó le myak kem dumu tekuy, ne là kô duil tekuy du yóm knóyô tekuy, ne là mahil tekuy meklit. Mlan bè yóm kesbong tekuy nawa, là kô snolò tekuy du ke wen mò sidek bélê tekuy.

1 Kurin 6:12

Wen kun bè yó kem dumu tekuy hemtahu mon du, monen, “Kihu dou nóyô nmò gbeku mò du.” Yó balau du yóm tau yó, monu, “Tahu se yóm monem yó. Bede là kdéen du yóm hyu béléem.” Béléu dou, gbeku mò du nô kihu nóyô nmou, okóm yó sidek ke deng mom henlósu lemolò yó kem knóyóu efete mom gfét du.

1 Kurin 10:33

Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.

1 Kurin 9:12

Ke wen kwalis le hlowil bélê ye yó kem dumu tau tmolok lem blóng ye, milud he yó dum kum. Okóm là dog kem ktes me du ne kum yó dum yó. Tódô hyu nawa me hembala du ne yó kem mgel gel sut bélê me anì laen dù gónón gseng yóm Tulón Hyu gel nwit me gbak ebè Krays.

Matyu 17:27

Okóm là hyuhen ke hebut tekuy lu ni kem tau mtuk ni. Yake lemwóti dé ebè lanaw na a dmulé. Nwahem yóm utón él tanay semkot ne yóm filak mgel tonem lem baken, yó se mò kut bayad lewu te.”

Kul Nmò 15:20

Olo tekuy tódô smulat ebélê le ne. Tulón tekuy kul hyu ke hol bê le abay ken yóm deng dsù ebè dwata kéng, yóm là mólósen bè hlau tekuy. Hol bê le abay mò samuk. Hol bê le abay ken yóm utón là deng kó le du litóen, dalang se yóm litô, hol bê le abay ken.

Sulat Pol Ebè Yó Kem Tau Hemtahu Bè Rom 14:13

Duhen yó, hol bê tekuy abay bud gel setdok. Yó dé hol sen-galu tekuy ke laen dù nmò tekuy mò gónó le tlokob yó kem dumu tekuy hemtahu.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.