1 Kurin 8:12 - Udél Dwata: Gna Kesfasad ne Lomi Kesfasad

¹² Ke lómón yó kmò tekuy, deng wen salà tekuy bè Krays ne, lanen wen salà tekuy bè yóm dumu tekuy hemtahu yó koni. Igoen tolo megewu kehedemen du, igò tekuy sembeweg du.

1 Kurin 8:12 Referans Kwoze

Matyu 18:6

Bud mudél Jisas, monen, “Ke yó nmò yóm sotu tau, ke lemwót béléen gónóhen là bud hemtahu béléu yóm sotu ngà, mom hyu bè yóm tau yó he ke tódô bot elem mohin gu laanen là deng wen ngà hebtangen, tléwéng bè liholen yóm botu bong gónó le gel gmaling mò heblaten etlaan.

Matyu 25:45

Ne yó monen mò kul yóm Tau Hol Geta yó, ‘Tódô tulónu kuy ktahuhen, yóm là dog któbóng ye yó kem tau alì gdanà, lómón se yó ne yóm là dog któbóng ye dou.’

1 Kurin 12:12

Ke hningónu yó kem tau hemtahu bè Krays, hol lómón ke lówó tau. Tek sotu lówóhen, okóm tey dê nô du.

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

Matyu 18:21

Omin Pitér mógów ebè Jisas, wen snólóken béléen, monen, “Ó Sér, ke sónmoen gemsalà béléu yóm dumuhu, hilu duléku de hmifót du? Hitu duléku kô?”

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

1 Samwél 24:11

Ngem, hnénégem nim nô lem hólólu. Deng dnólóhu bè kilil yóm nesem okóm là kô hnatayu kóm. Bè ni se gónóm temngón du laen dù hendemu ke tô hnatayu uu ne laen se dù deng salà nmou béléem, balù yóm tendo kdulokem do anì ghatayem o.

1 Samwél 2:25

Yóm sotu tau ke gemsalà bè dumun tau, gbek Dwata fen kmukum du. Okóm yóm tau ke gemsalà bè Dwata, tau du se kmukum du?” Okóm yó kem ngà Ili logi, là kô hnungol le ke mà le abay se deng eles hendem Dwata ne yóm khatayen kul.

Kehewà 32:21

Monen mò ke Aron, “Tedu deng nmò le béléem ni kem tau ni? Moen ke hmoem kul nim tey salà bong ni?”

Kehewà 16:8

Omin Musis bud mon du mò kul, “Dwata se bemlay kuy utón bè yóm móyón kkifuhen ni kdeng ne hlafus haya wen mò ken ye balù nô kbongen yóm kuy nóyô abay se deng gungolen yóm alì ktalaw ye ebéléen. Bè yóm gel ktalaw ye bélê me, kaem bè Dwata se yóm gónó ye e tmalaw.”

Tekang Kbuten 42:22

Mon Rubén se, monen, “Deng tehe monu mò kuy se, bê ye abay hensidek yóm ngà okóm là kô ye dog hmungol. Ne ni se kbayad tekuy du yóm katayen.”

Tekang Kbuten 20:9

Omin Abimélék htaba ke Abraham, ne monen mò du, “Tedu de nim deng nmoem bélê me ni? Tedu de deng nmou béléem sidek gónóm mò du bélê me nim ni? Moen ke lómón ni yóm salà hbóem dou dalang se yóm benwu nogotu? Là kóen hyu yóm deng nmoem béléu ni.

Mark 9:42

Bud mon Jisas mò kul, “Ke yó nmò yóm sotu tau, ke lemwót béléen gónóhen là bud hemtahu béléu yóm sotu ngà, mom hyu béléen he yóm tau yó ke tódô bot le elem mohin gu laanen là deng wen ngà hebtangen, tléwéng bè liholen yóm botu bong gónó le gmaling mò heblaten etlaan.

Kun Snulat Luk 17:2

Mom hyu béléen he yóm tau yó ke tódô bot le elem mohin gu laanen là deng wen tau hebtangen, tléwéng bè liholen yóm botu gónó gel gmaling, olo ke hebtangen elem salà yóm sotu ngà.

Sulat Pol Ebè Yó Kem Tau Hemtahu Bè Rom 14:20

Bê tekuy abay hensidek kehtahu kem dumu tekuy mlan bè yóm gel ken tekuy. Laen kô dù ken nali Dwata bè kem tau, okóm yó gónón sidek ke fen btang bè salà kem dumu tekuy hemtahu lemwót bè kken tekuy.