1 Kurin 8:11 - Udél Dwata: Gna Kesfasad ne Lomi Kesfasad

¹¹ Duhen yó, lemwót bè yóm deng ketngón tekuy du, angat megtuled nim tau tolo lufi kehtahuhen ni, igoen du se sotu dumu tekuy hemtahu, yóm sotu tau gónó Krays matay.

1 Kurin 8:11 Referans Kwoze

Sulat Pol Ebè Yó Kem Tau Hemtahu Bè Rom 14:15

Okóm ke senbewegem kehedem kem dumuhem lemwót bè yóm gel kenem, yó gónón gfan yóm là kbong nawahem du. Hol béem abay nmò gónón lana kehtahu kem dumuhem ke mlan bè kkenem, igò Krays deng matay béléen se kun yóm dumum yó.

1 Kurin 8:13

Duhen yó, ke lemwót bè yóm gel kutónu gónón lemwót btang yóm sotu dumuhu hemtahu, tumù nawahu là dog kem mutón efet katayu, anì laen dù lanu hebtang du elem salà yóm dumuhu hemtahu.

1 Kurin 10:33

Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.