1 Kurin 8:10 - Udél Dwata: Gna Kesfasad ne Lomi Kesfasad

¹⁰ Mò kmoen se, lemwót bè yóm deng ketngón tekuy yóm ktahuhen, fen tekuy mken lem gónô yóm dwata kéng. Ke wen tau tolo megewu kehedemen du mton tekuy, déke gbót mken se kun yóm ken deng dsù le bè dwata kéng, igoen tolo megewu kehedemen du.

1 Kurin 8:10 Referans Kwoze

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

Sulat Pol Ebè Yó Kem Tau Hemtahu Bè Rom 14:23

Okóm ke tolo megewu nawahen du yóm tô kenen, salaen bè Dwata ke kenen, abay se là loloen du yóm hentahuhen. Balù kihu nmò tekuy, ke là lolò tekuy du yóm deng hentahu tekuy, salà tekuy bè Dwata ke nmò tekuy.

1 Kurin 8:7

Okóm nim ktahuhen ni, là kô kdéen du tau temngón du. Tey mgel bè kem dumu tau ke tô kó le yóm sana kul adat bè kehtahu le yóm dwata kéng. Ne ke gbót le mken yóm ken deng dsù le ebéléen, ofo kul hemdem du ke deng wen tahu funen. Lemwót bè yóm tolo kegewu kehedem le du, là mólós kegnóm le du ke ken le.

Sulat Pol Ebè Yó Kem Tau Hemtahu Bè Rom 14:14

Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

Amus 2:8

Bè yóm gel ktaba le ebè yó kem dwata le, deng le mom tungô klohok yó kem gónó gel demsù, igam le yóm nes sandà le bélê le yó kem tau élél. Mom ninum le lem gónô dwata lennged yóm tifas grép nwa le gu bè yó kem tau mutóng filak bélê le.

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.

Kul Nmò 15:20

Olo tekuy tódô smulat ebélê le ne. Tulón tekuy kul hyu ke hol bê le abay ken yóm deng dsù ebè dwata kéng, yóm là mólósen bè hlau tekuy. Hol bê le abay mò samuk. Hol bê le abay ken yóm utón là deng kó le du litóen, dalang se yóm litô, hol bê le abay ken.

1 Kurin 8:9

Okóm hol ten-gama ye. Anien se ke là bud ye gfét du se kuy, wen yó kem dumu ye tolo lufi kehtahu le, déke btang le ke lolò le yóm nmò ye yó.