1 Kurin 8:1 - Udél Dwata: Gna Kesfasad ne Lomi Kesfasad

¹ Bong bè yóm deng snólók ye bè yóm ken deng dsù bè dwata kéng, ni se balau du. Tahu se yóm mon le, “Kdê tekuy se temngón du nim snólók le ni.” Ke lómón yó se kmoen, hol ten-gama ye, kô niten yu heklabak yóm ketngón ye yó. Okóm gel mlan bè yóm kbong nawa tekuy kem dumu tekuy hemtahu gónó tekuy temgel kul bè kehtahu le.

1 Kurin 8:1 Referans Kwoze

1 Kurin 8:7

Okóm nim ktahuhen ni, là kô kdéen du tau temngón du. Tey mgel bè kem dumu tau ke tô kó le yóm sana kul adat bè kehtahu le yóm dwata kéng. Ne ke gbót le mken yóm ken deng dsù le ebéléen, ofo kul hemdem du ke deng wen tahu funen. Lemwót bè yóm tolo kegewu kehedem le du, là mólós kegnóm le du ke ken le.

Sulat Pol Ebè Yó Kem Tau Hemtahu Bè Rom 14:3

Yóm tau laen dù bud hniihen bè kkenen, béen mom henwog sen yóm tau tolo wen hniihen. Senged bè yóm tau són lemnaw utónen, béen tô tendok yóm tau laen dù bud hniihen. Yakà deng henmóyô Dwata du yóm tau yó.

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

1 Kurin 8:2

Yóm tau ke hendemen deng wen ne tngónen, deng duhen yó se yóm tau là dengen ket du he ketngónen.

Sulat Pol Ebè Yó Kem Tau Hemtahu Bè Rom 15:14

Ó kem dumuhu setwoli, tngónu tey hyu yóm kmò ye, ne tey mdengen ketngón ye du yóm udél Dwata. Tngónu snéen gbek ye stolok lemwót bè yóm deng ketngón ye du.

Ifisus 4:16

Lemwót bè yóm kalaken tekuy yóm kdê tekuy mò lówóhen, yó se gónón hol ssotu nawa tekuy mò du yóm kun nmò. Ne hlós baling setgel yóm lówóhen lemwót bè yóm kestóbóng tekuy. Ke tilob kmò tekuy du yóm hmoen tekuy yóm ket tekuy na sotu, tendo lemnok yóm lówóhen yó, ne baling mbegel lemwót bè yóm kesbong tekuy nawa.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Kul Nmò 15:29

Bê ye abay ken yóm deng dsù ebè dwata kéng. Bê ye abay ken yóm litô. Ne yóm utón là deng kó du litóen, bê ye abay ken. Ne bê ye abay mò samuk. Tey bong kehyuhen bélê ye ke lolò ye ni kem ni. Sónen ni ne tulón me kuy.”

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.

1 Kurin 10:28

Okóm ke wen bè yó tmulón du kóm, monen, “Ó Wè, deng dsù bè dwata kéng nim utón ni.” Ke lómón yó monen, là hyuhen ke fen kenem se kóm. Hol hendemem yóm hyu béléen anì laen dù gónón sbeweg kehedemen.

Kul Nmò 21:25

Okóm bè yó kem tau là Ju le, deng tehe wen sulat hwit me ebélê le mò gónó me tmulón du kul yóm olo hlolò me kul. Yó mon me sok wen ken deng dsù ebè dwata kéng, hol bê le abay ken. Ne yóm litô, bê le abay ken. Dalang se yóm utón ke là deng kó le du litóen, bê le abay ken. Ne hol bê le abay mò samuk.”

Kul Nmò 15:10

Duhen yó, moen de ke tô tilów ye Dwata bè yóm blat tô hbô ye kul ni? Yóm tô hlolò ye kul, balù yó kem tehe fù tekuy ekni, là kô gbek le lemolò du kul, sélét mom tekuy ne.

Deng Hegfan 2:20

Bede wen se kenbéu bélê ye. Yó kenbéu yóm sotu libun nô bélê ye bè yó lembù tmugod ke Dwata boluyen Jésébél. Tódô kem bayà ye du yóm gel ktoloken, ne deng mom niten lu hetlas yó kem tau hemtahu béléu, deng mom nbóten lu mò samuk, ne yóm kegken le yóm ken deng dsù le ebè yó kem dwata kéng.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

1 Kurin 5:6

Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

1 Kurin 5:2

Moen de ke deng ye mom hegmón? Mò ye là kemblat du nawa du yóm salà yó? Hol bê ye abay bud hmung bè yóm gel kestifun ye yóm tau mò du yóm yó.

1 Kurin 4:18

Deng wen se bélê ye hegmón. Ofo kuy mon du ke là bude mauy bélê ye.

1 Kurin 4:10

Lemwót bè yóm klolò me ke Krays, gel boluy kem dumu tau kum, tau nungel. Okóm kuy kun, hono tau temngón lemwót bè yóm kessotu ye bè Krays. Gel mon le mò kum, tau laen dù genbek. Okóm kuy kun, wen genbek ye. Tey gel kehnê le kum, okóm fen gel nadat le yu kuy.

1 Kurin 1:5

Lemwót bè yóm deng kessotu ye bè Krays, yó gónóhen tódô ket du ne yóm gónó Dwata tmóbóng kuy. Deng blayen kuy se yóm khulung ye mudél ne yóm tey ketngón ye.

Sulat Pol Ebè Yó Kem Tau Hemtahu Bè Rom 14:22

Duhen yó, balù kihu kóm kmò kehedem du nim ni, tódô olo ye lewu Dwata temngón du. Tey bong kehligalen yóm tau laen dù gónón megewu nawahen du yóm gel loloen.

Sulat Pol Ebè Yó Kem Tau Hemtahu Bè Rom 14:14

Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

Sulat Pol Ebè Yó Kem Tau Hemtahu Bè Rom 14:10

Ne duhen yó, yu kem tau olon mken lemnaw, hol bê ye abay tendok kem dumu ye. Ne yu kem tau là mélék ye, hol bê ye abay kenhisik kem dumu ye. Abay se kdê tekuy angat gotu mdà bè solu Dwata, angat knukumen tekuy.

Sulat Pol Ebè Yó Kem Tau Hemtahu Bè Rom 12:16

Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Sulat Pol Ebè Yó Kem Tau Hemtahu Bè Rom 14:19

Duhen yó, hol sen-galu tekuy mò yóm gónón menek nawa tekuy bè kem dumu tekuy, ne yóm mò gónó tekuy setgel bè kehtahu tekuy.

1 Kurin 4:6

Bè nim kdê tulónu kuy ni koni, kem dumuhu setwoli, hlédu ebélê me lewu me Apulus mò gna gónó ye temngel anì wen dnalang ye bè yóm tehe gel mon tau, yóm mon le, “Bê ye nulé yó kem gel hlolò le kuy.” Là hyuhen ke mtukul hegeta ye ne mtukul henwog ye.

1 Kurin 10:15

Tngónu se tey ye tau hulung hedem, gbek ye hemdem du lanen ni kem benkóhu ni.