1 Kurin 7:9 - Udél Dwata: Gna Kesfasad ne Lomi Kesfasad

⁹ Okóm ke là gbek ye mafas nawa ye, tumù nawa ye tódô myehen ne. Mom hyu nawa ye ke myehen ye olo ke deng mom là gbek ye du mafas nawa ye.

1 Kurin 7:9 Referans Kwoze

1 Timuti 5:14

Yó gónóm mon, hyu nawahu bè yóm libun bolu ke hanà tukô nawahen ke tódô bud myehen anì wen ngaen, ne anì sen-gifaen yó kem fes lówóhen. Anì yó, laen dù bang gónó le dmelem kut yó kem hmohon kut.

1 Kurin 7:2

Okóm lemwót bè yóm tey klahilen bélê ye yóm mò samuk, yó se gónón hyu ke ket logi ne ket libun wen kul mdengen yehen.

1 Timuti 5:11

Maya mon kul du yó kem dumu libun bolu ke hanà tolo tukô nawa le, bê ye abay homong lu. Déke bud le móyô myehen, mom knogol le Krays,

1 Kurin 7:28

Okóm ke móyô myehen se yóm logi, là salaen du. Senged se yóm libun ke móyô myehen, tô nan sidek du? Okóm bè yó kem tau deng myehen, tey dê gónón mgel klowil le, ne kóyóu ke là gnóm ye du yóm kgelen yó.

1 Kurin 7:39

Là kóen hyu yóm libun ke skó bè yehenen ne bud myehen igoen tolo mowil yóm gna yehenen. Okóm ke deng matay se yóm gna yehenen, là sideken ke bud myehen syan ke dumuhen hemtahu.

1 Kurin 7:36

Bè yó kem tau deng slinti, okóm deng eles natul le yóm là tagad kesyehen le, ni udélu ebélê le. Ke lemwót bè yóm knóyô lówó yóm logi, ke yó hendemen là buden hyu yóm kmò kekdolen ebè yóm libun deng lenintihen, abay se là bud gafasen du nawahen, ne móyô kendel myehen du, yake tódô le syehen ne. Là kóen sidek ke yó nmò le.

Kul Nmò 19:36

Là kô gehkéng tau du nim ni. Boluy se ni dum alì henbnes ye ni? Bê ye nmò kut yó dum angat gónón huli sel ye.

1 Tisalunika 4:4

Ne kóyóen ke ket kuy sotu hol hfulung mafas nawan bè yóm knóyô lówóhen. Hyu ke laen dù belenen yóm gel nmò ye, ne ke eles ten-gama ye yóm kuy lówó.